1 SAMUEL 10:1 - KA BAIBL

¹ Ynda kumta, u Samuel u la shim shi tyndong ka umphniang, bad u la theh ïa ka halor ka khlieh jong u, bad u la doh ïa u, bad u la ong, “Hato U Trai um shym la pynsleh ïa me ban long u nongïalam halor ka bynta jong u?

Khasi CL Bible (BSI)

¹ Nangta u Samuel u shim shi klong ka umphniang Olib bad u theh ïa ka ha ka khlieh u Saul, u doh ïa u, bad u ong, “U Trai u la pynsleh ïa me kum u nongsynshar ki briew jong u, ki Israel. Men synshar ïa ki briew jong u bad men ïada ïa ki na ki nongshun jong ki. Bad kane kan long ka jingpynshisha ïa me ba U Trai u la pynsleh ïa me ban long u nongsynshar ïa ki briew jong u:

1 SAMUEL 10:1 ပူးပေါင်းရင်းမြစ်များ

2 SAMUEL 1:14

U Dabid te u la ong ha u, “Kumno ba mem shym la sheptieng ban rah ïa la ka kti ïa ka ban pynjot noh ïa uba la sleh jong U Trai?”

2 SAMUEL 19:39

Bad u paidbah baroh u la leit sha shiliang ka Jordan, u syiem ruh u la leit sha shiliang: bad u syiem u la doh ïa U Barsillai, bad u la kyrkhu ïa u; te u la leit wan noh sha la ka jong ka jaka.

2 SAMUEL 20:19

Nga, nga long na kita kiba ïasuk bad kiba ïaineh ha Israel: me pyrshang ban pynjot noh ïa ka nongbah bad ïa ka kmie ha Israel: men pynduh balei ïa ka bynta ka jong U Trai?”

2 SAMUEL 5:2

Mynshuwa ruh, mynba u Saul u la long syiem halor jong ngi, long ma me uba la ju ïalam shabar bad uba wallam shapoh ïa ki Israel: bad U Trai u la ong ha me, ‘Men bsa ma me ïa ki briew jong nga ki Israel, bad men long u nongïalam ïa ki Israel.’ ”

1 SYIEM 1:34

bad to u Sadok lyngdoh bad u Nathan u nongïathuhlypa kin pynsleh ïa u hangta ban long u syiem halor ki Israel: bad to put phi da ka turoi, bad to ong, ‘U Blei un pynim ïa u Solomon syiem.’

1 SYIEM 19:18

La kumta ruh, ngan pynsah hynñiew hajar ngut ha Israel, ki khohsiew baroh ki bym shym la dem ha u Baal, bad ki shyntur baroh ki bym shym la doh ïa u.”

2 SYIEM 20:5

“To phai pat, bad to ong ha u Hesekaïah u rangbah u paidbah jong nga, ‘Kumne ong U Trai, U Blei u Dabid u kpa jong me, Nga la shahshkor ïa ka jingduwai jong me, nga la ïohi ïa ki ummat jong me: ha khmih, ngan pynkhiah ïa me: ha ka sngi ka balai men leit kiew sha ka ïing U Trai.

2 SYIEM 9:1

Te u Elisha u nongïathuhlypa, ynda u la khot ïa uwei na ki khun ki nongïathuhlypa, u la ong ïa u, “To panpoh ïa la ka syngkai, bad to shim ïa une u khiew umphniang ha la ka kti, bad khie leit sha Ramoth-gilead.

2 SYIEM 9:12

Te ki la ong, “Kata kaba lamler; to ïathuh ha ngi mynta.” U te u la ong, “Kumne u la kren ha nga, u ong, ‘Kumne ong U Trai, Nga la pynsleh ïa me ban long syiem halor ki Israel.’ ”

SALM 135:4

Namar U Trai u la jied ïa u Jakob ha lade, bad ïa u Israel ban long uba dei eh la u jong hi.

SALM 2:12

To doh ïa u khun, ïoh un bitar, bad ba phi ïap duh noh ha ka lynti, naba ka jingbitar jong u kan sa meh kloi. Suk kita baroh kiba shaniah ha u.

SALM 78:71

na kaba bud ïa ki 'lang kmie kiba ai buiñ u la wallam ïa u, ïa ka ban bsa ïa u Jakob u paidbah jong u, bad ïa u Israel ka jingïoh kynti jong u.

EKSODOS 30:23

“To shim ruh ha me ïa ki jingiwbih bakordor, na ka mirr basngur, sanspah shekel; bad na ka sisia bathiang, shiteng na kata, arspah sanphew shekel keiñ; bad na ka kalamis bathiang, arspah sanphew shekel;

JEREMAÏAH 10:16

Uba ka bynta u Jakob um long kum kine; naba u long u banyngkong na kiei kiei baroh; bad u Israel u long ka jaid ka jingïoh kynti jong u: “U Trai ki paid” long ka kyrteng jong u.

ESEKIEL 16:13

Kumta, la pyndeng ïa pha da ka ksiar bad ka rupa; bad ki jaiñkup jaiñsem jong pha ki la long da ka linen bani, bad da ka muka, bad da ki jaiñ ba la suh syntiew; bad pha la bam da u 'purew bani, bad da ka ngap, bad da ka umphniang: bad pha la bhabriew shibun eh, bad pha la man bha haduh ka hima syiem.

HOSIA 13:2

Te mynta, ki nang ïai-leh pop, bad ki la thaw bleithaw ba la saiñdur na ka rupa, ki bleithaw keiñ kat kum ka jingnang jong ki, baroh phar ki kam u nongthaw dur: ki ong shaphang jong ki, “To ki briew kiba kñia kin doh ïa kita ki khun masi.”

KI KAM 13:21

Bad hadien kata, ki la ïapan ban ïoh syiem: te U Blei u la ai ha ki, ïa u Saul u khun u Kish, u briew na ka jaid Benjamin, jin sawphew snem.

DEUTERONOMI 32:9

Namar ka bynta jong U Trai long u paidlang jong u; u Jakob ruh u long ka pakai jong U.

1 THESSALONI 5:26

To ïakhublei parabangeit baroh da ka jingïadoh bakhuid.

HEBRU 2:10

Namar ka la bit ïa u, na ka bynta jong u ba la long kiei kiei baroh, bad da u ba long kiei kiei baroh, ha kaba u ïalam ïa ki khun shibun sha ka burom, ban pynjanai ïa U Nongpynlong ka jingpynim jong ki da ki jingshahshitom.

JINGPYNPAW 5:8

Te mynba u la shim ïa kata ka kitab, kita ki saw ki jingthaw ba-im bad kita ki arphew saw ngut ki tymmen basan ki la ïahap dem ha khmat uta U Khun langbrot, ki da don uwei pa uwei la ka duitara, bad ki pliang ksiar ba dap da ki jingainguh thang baiwbih, kiba long ki jingduwai jong ki riewkhuid.

1 SAMUEL 12:3

Ha khmih ïa nga: to sakhi pyrshah ïa nga ha khmat U Trai, bad ha khmat uba la sleh jong u: u masi dab jongno nga la shim? lane ka kadda jongno nga la shim? lane ïano nga la shukor? ïano nga la banbeiñ? lane na ka kti jongno nga la shim sap ban pynmatlah ïa la ki khmat da ka? te ngan buria ïa kata ha phi.”

1 SAMUEL 13:14

Hynrei, mynta, ka jinglong syiem jong me kan ym neh: U Trai u la wad ha u ïa u briew uba katba kum ka dohnud jong U hi, bad U Trai u la thung ïa uta ban long u nongïalam halor ki briew jong U, namar ma me mem shym la sumar ïa kata kaba U Trai u la hukum ïa me.”

1 SAMUEL 15:1

Te u Samuel u la ong ha u Saul, “U Trai u la phah ïa nga ban pynsleh ïa me ban long syiem halor u paidbah jong u, halor ki Israel keiñ: mynta te, to men sngap ïa ka jingsawa ki ktien U Trai.

1 SAMUEL 15:17

Bad u Samuel u la ong, “La me la long uba ñiew rit ïa lade, la pynlong ne em ïa me u nongïalam ïa ki jaid Israel? Bad U Trai u la pynsleh ïa me ban long syiem halor ki Israel.

1 SAMUEL 16:1

Bad U Trai u la ong ha u Samuel, “Men ïambriew ïa u Saul sa katno, haba nga, nga la kyntait ïa u na kaba long syiem halor ki Israel? To pyndap ïa kata ka reng jong me da ka umphniang, bad khie leit, ngan phah ïa me sha u Jesse u nong Bethlehem, naba nga la khreh ïa nga ïa u syiem napdeng ki khun shynrang jong u.”

1 SAMUEL 16:13

Te u Samuel u la shim ïa kata ka reng umphniang, bad u la pynsleh ïa u hapdeng kita ki hynmen jong u: bad U Mynsiem U Trai u la wan jur ha u Dabid naduh kata ka sngi. Ynda kumta, u Samuel u la khie, bad u la leit sha Ramah.

1 SAMUEL 2:10

Yn pynlwet jin ïa ki nongïaleh pyrshah ïa U Trai; na bneng un tied pyrthat pyrshah ïa ki: U Trai un bishar ïa ka bakut ka pyrthei; un ai bor ruh ha la u syiem, bad un pynkyntiew ïa ka reng jong uba la sleh jong u.”

1 SAMUEL 24:6

Bad u la ïathuh ïa la ki rangbah, “To U Trai un khang ba ngan leh ïa kane ïa la u kynrad, ïa uba la sleh jong U Trai, kat ban rah ïa la ka kti pyrshah ïa u, haba u long ïa uba la sleh jong U Trai.”

1 SAMUEL 26:11

To U Trai un ri kyndong ïa nga ba ngan ym rah ïa la ka kti pyrshah ïa uba la sleh jong U Trai: hynrei, nga kyrpad ïa me, to shim noh mynta ïa uta u sum uba hajan ka syngkhlieh jong u, bad ïa uta u khiew um, bad ngin ïaleit noh.”

1 SAMUEL 26:9

Te u Dabid u la ong ïa u Abishai, “Wat pynjot ïa u: naba uei ba lah ban rah ïa la ka kti pyrshah ïa uba la sleh jong U Trai khlem kit pop?”

1 SAMUEL 8:19

La kumta ruh, kita ki briew kim treh ban sngap ïa ka ktien u Samuel; bad ki la ïa-ong, “Em; hynrei, ngin ïoh da u syiem halor jong ngi;

1 SAMUEL 8:9

Te namar kata, to sngap ïa ka ktien jong ki: la kumta ruh da kaba phla to phla pyrshah ïa ki, bad to pyni ha ki, ïa ka rukom uta u syiem u ban synshar halor jong ki.”

1 SAMUEL 9:16

“Lashai hamar kane ka por ngan phah sha me ïa u briew uba na ka ri Benjamin, te men pynsleh ïa u ban long u nongïalam halor ki briew jong nga ki Israel, bad un pyllait ïa ki briew jong nga na ka kti ki Philistia: namar nga la khmih ïa la ki briew, naba ka jinglynñiar jong ki ka la poi sha nga.”

1 SAMUEL 9:27

Te katba ki dang ïahiar arsut ha ka bakut ka shnong, u Samuel u la ong ha u Saul, “Ong ïa une u shakri ba un nang leit sha shuwa jong ngi, (kumta u la nang leit,) hynrei, to ap ma me khyndiat mynta, te ngan pynsngew ha me ïa ka ktien U Blei.”