1 SAMUEL 1:8 - KA BAIBL

⁸ Te u Elkanah u tnga jong ka u la ong ha ka, “Ko Hannah, balei pha ïam? balei ruh pham bam jingbam? balei pha khuslai ruh ha la ka dohnud? nga ngam long kham bha ïa pha ban ïa shiphew ngut ki khun shynrang?”

Khasi CL Bible (BSI)

⁸ U Elkanah u tnga jong ka u kylli ïa ka, “Hannah, balei ba phi da ïam? Balei ba phim bam ei ei? Balei ba phi shu sngewsih sah? Hato ngam kham lah ma nga ha phi ban ïa shiphew ngut ki khun shynrang?”

1 SAMUEL 1:8 ပူးပေါင်းရင်းမြစ်များ

2 SYIEM 8:12

Te u Hasael u la ong, “Balei ba u kynrad jong nga u ïam?” U te u la ïathuh, “Namar nga tip ïa ka basniew kaba men leh ha ki khun Israel: ïa ki kut baskhem jong ki men wiang da ka ding, ïa ki samla jong ki men pynïap da ka waitlam, bad men lympat lyngkhot lyngkhai ïa ki khunlung jong ki, bad men tar ïa ki kynthei jong ki, kiba punkhun.”

Ka Kitab U Job 6:14

“Ha uta uba duh jingkyrmen, ka dei ban pyni ka jinglehsbun na la u lok; wat ha uta uba iehnoh, ïa ka jingsheptieng ïa U Badonbor Baroh.

SALM 43:4

Ynda kumta, ngan leit sha ka duwan U Blei, sha U Blei uba ka jingkmen kaba tam jong nga: bad ha ka duitara ngan ïaroh ïa me, A U Blei, U Blei jong nga.

ISAÏAH 54:1

“To rwai, ko kaba lyngki, pha ka bym ju la kha; to kyang da kaba rwai bad to pyrta jam, pha ka bym ju la suhkhun: namar ki kham bun ki khun jong kaba marwei ban ïa ki khun jong kaba don tnga,” ong U Trai.

ISAÏAH 54:6

Naba U Trai u la khot ïa pha kum ka tnga ba la iehnoh bad ba la khuslai ka mynsiem, wat kum ka tnga ba dang samla, haba la kyntait noh ïa ka,” ong U Blei jong pha.

ÏOANNIS 20:13

Kita ki ong te ha ka, “Ko briew, balei pha ïam?” Ka ïathuh ha ki, “Naba ki la ïashim noh ïa U Trai jong nga, bad ngam tip shaei ki la ïabuh ïa u.”

ÏOANNIS 20:15

U Jisu u ong ha ka, “Ko ka briew, balei pha ïam? ïano pha wad?” Ka te ba ka da mut ba u long u nongsumar kper, ka ïathuh ha u, “Ko Kynrad, lada la bah noh ma me ïa U, to ïathuh ha nga hangno me la buh ïa U, te ngan shim noh ïa U.”

1 THESSALONI 5:14

Te ngi kyntu ïa phi, ko parabangeit, to sneng ïa kita kiba leh kynriang, to pynshlur ïa ki batlot mynsiem, to ïakynpham ïa ki batlot, to ïaishah slem ïa ki briew baroh.

RUTH 4:15

Te un long ha pha u nongpynthymmai ïa ka jingim, bad u nongsumar ïa ka jinglong tymmen jong pha: namar kane ka pyrsa kurim jong pha, kaba ieit ïa pha, kaba long ruh kham bha ïa pha ban ïa hynñiew ngut ki khun shynrang, ka la kha khun ïa u.”

1 SAMUEL 1:7

Bad namar ba u la ju leh kumta man ka snem, haba ka la leit kiew ha ïing U Trai, ka ruh ka la ju pynkhih bitar ïa ka; haduh ba ka ju ïam, ka jingbam ruh kam ju bam.