1 SAMUEL 1:3 - KA BAIBL

³ Te une u briew, man ka snem u la ju leit kiew na la ka shnong sha Sheiloh ban mane bad ban kñia ha U Trai ki paid. Te ki ar ngut ki khun u Eli, u Hophni bad u Phinehas keiñ, ki lyngdoh jong U Trai, ki la don hangta.

Khasi CL Bible (BSI)

³ Man ka snem, u Elkanah u mih na Ramah ban leit mane bad kñia ïa ki jingainguh ha U Trai Badonbor Baroh ha Shiloh; ha kaba u Hophni bad u Phinehas, ki ar ngut ki khun shynrang u Eli, ki long ki lyngdoh jong U Trai.

1 SAMUEL 1:3 ပူးပေါင်းရင်းမြစ်များ

SALM 78:60

kumta, u la iehnoh ïa kata Ka Tabernakl Sheiloh, kata ka ïingjaiñ kaba u la buh hapdeng ki briew;

EKSODOS 23:14

“Lai sien shi snem men rakhe ïa Ka Jingkhawai Niam ïa nga.

EKSODOS 23:17

Lai sien shi snem ki shynrang jong me baroh kin ïa-mihpaw ha khmat U Trai U Blei jong me.

EKSODOS 34:23

Lai sien shi snem, ki shynrang jong phi baroh kin ïapaw ha khmat U Trai U Blei, U Blei jong ki Israel keiñ.

LOUKAS 2:41

Ki kmie ki kpa jong U te ki ju leit sha Jerusalem ha la ka snem, ha Ka Jingkhawai Niam Ka Jinglait.

DEUTERONOMI 16:16

“Lai sien shi snem, kin ïapaw ki shynrang jong me baroh ha khmat U Trai uba U Blei jong me ha kata ka jaka ïa kaba un jied; ha Ka Jingkhawai Niam U Kpu Bakhlem Thiat, bad ha Ka Jingkhawai Niam Ki Taïew, bad ha Ka Jingkhawai Niam Ki Ïingtrep: hynrei, kin ym ïapaw thylli keiñ ha khmat U Trai:

JOSHUA 18:1

Bad u paidbah ki khun Israel baroh ki la ïalum lang ha Sheiloh, bad ki la pynïeng ïa Ka Tabernakl ka jingïaseng hangta: bad la lah jop ïa ka ri ha shuwa jong ki.

NONGBISHAR 18:31

Kumta, ki la pynïeng ïa kata ka dur bleithaw jong u Mikah kaba u la thaw, baroh shi katta katba ka ïing U Blei ka la don ha Sheiloh.

NONGBISHAR 21:19

Ki la ong te, “Ha khmih, ka don Ka Jingkhawai Niam jong U Trai man la ka snem ha Sheiloh, kaba shaphang shatei na Bethel, shaphang mihngi ka lynti bah kaba leit kiew na Bethel sha Shekhem, bad shaphang shathie na Lebonah.”

1 SAMUEL 1:21

Bad uta u briew, u Elkanah lem bad ka ïing jong u baroh, ki la leit kiew ïa ka ban ainguh ha U Trai ïa ka jingkñia ba shi sien shi snem, bad ïa ka jingkular jong u.

1 SAMUEL 1:9

Kumta, ynda ki la bam la dih ha Sheiloh, ka Hannah ka la ïeng. Te u Eli lyngdoh u shong ha la ka jingshong hajan u rishot ka jingkhang ka templ U Trai.

1 SAMUEL 14:3

bad u Ahijah, u khun u Ahitub, uba u hynmen u Ikhabod, u khun u Phinehas, uba u khun u Eli, u lyngdoh U Trai ha Sheiloh, u phong ïa ka ephod. Te kita ki paidbah kim shym tip ba u Jonathan u la leit noh.

1 SAMUEL 2:19

Ka kmie jong u ruh ka ju thaw sopti ka barit ïa u, ka la ju wallam ruh ïa ka man la ka snem, haba ka la wan kiew lem bad u tnga jong ka ban ainguh ïa ka jingkñia ba shi snem.

1 SAMUEL 2:34

Te kane kan long ka dak ha me, ka ban hap halor ki ar ngut ki khun shynrang jong me, halor u Hophni bad u Phinehas; ha kajuh ka sngi kin ïap noh baroh ar ngut.

1 SAMUEL 3:13

Namar nga la ong ha u hi ba ngan bishar pynrem junom ïa ka ïing jong u, namar kata ka jingbymman kaba u tip ma u, naba ki khun jong u ki la pynlong ka jingtim ïa lade, u te um shym la khang ïa ki.

1 SAMUEL 4:11

Bad la knieh ïa ka synduk U Blei ruh; bad ïa kita ki ar ngut ki khun u Eli, u Hophni bad u Phinehas, la pynïap noh de.

1 SAMUEL 4:4

Kumta, u paidbah u la phah sha Sheiloh, bad ki la wallam nangta ïa kata ka synduk ka jutang jong U Trai ki paid, uba shong hapdeng kita ki Kherub: te ki khun u Eli ar ngut, u Hophni bad u Phinehas keiñ, ki la don lem hangta bad ka synduk ka jutang U Blei.