1 SAMUEL 1:22 - KA BAIBL

²² Hynrei, ka Hannah kam shym leit; naba ka la ong ha la u tnga, “Ngan ym leit kiew, tad ynda la pyniehnoh buiñ ïa u khynnah, hadien te ngan ïalam bad ïa u ruh, ba un paw ha khmat U Trai, ba un ïaisah ruh hangta junom.”

Khasi CL Bible (BSI)

²² Hynrei ha kata ka kynti ka Hannah kam shym la leit. Ka ong ha la u tnga, “Nga tang shu pyniehnoh buiñ ïa u, ngan wan ïalam ïa u sha ïing U Trai, bad hangta un shong baroh shi rta.”

1 SAMUEL 1:22 ပူးပေါင်းရင်းမြစ်များ

SALM 110:4

U Trai u la smai, bad un ym kylla-ka-bamut, “Me, me long u lyngdoh bymjukut ha ka rukom u Melkhisedek.”

SALM 23:6

Shisha ka jingbha bad ka jingisynei kin bud ïa nga baroh ki sngi ka jingim jong nga: bad ngan shong ha ka ïing U Trai junom.

SALM 27:4

Ïa kane kawei nga la kyrpad na U Trai, ïa kata ngan ïawad; ba ngan ïoh shong ha ka ïing U Trai baroh ki sngi ka rta jong nga, ïa ka ban khmih ïa ka jingitynnad U Trai, bad ban ïakylli ha ka templ jong u.

EKSODOS 21:6

ynda kumta, u kynrad jong u, un wallam ïa u sha ki nongbishar, un wallam ruh ïa u sha ka jingkhang, lane sha ka shawkad; bad u kynrad jong u te un sa sam lyngba ïa ka shkor jong u da ka jingsam; te un shakri ïa u ha la ka rta.

ISAÏAH 9:7

Ka jingroi ka jingsynshar jong u bad ka jingsuk kan ym kut shuh, halor ka khet u Dabid, bad halor ka hima jong u, ïa ka ban pynïeng ïa ka, bad ïa ka ban kyrshan ïa ka da ka jingbishar bad da ka hok naduh mynta bad ha la ka rta. Ka jingshitrhem U Trai ki paid kan pyndep ïa kane.

LEBITIKOS 25:23

Ïa ka khyndew yn ym lah die duh; naba ka khyndew ka long ka jong nga: naba phi long tang ki nongwei bad ki nongwan hap ha nga.

LOUKAS 2:22

Bad ynda la dap ki sngi ka jingpynkhuid ïa ki, katba kum Ka Hukum u Moses, ki la leit lam ïa U sha Jerusalem, ïa ka ban pynkyntang ïa U sha U Trai:

DEUTERONOMI 16:16

“Lai sien shi snem, kin ïapaw ki shynrang jong me baroh ha khmat U Trai uba U Blei jong me ha kata ka jaka ïa kaba un jied; ha Ka Jingkhawai Niam U Kpu Bakhlem Thiat, bad ha Ka Jingkhawai Niam Ki Taïew, bad ha Ka Jingkhawai Niam Ki Ïingtrep: hynrei, kin ym ïapaw thylli keiñ ha khmat U Trai:

JOSHUA 4:7

Ynda kumta, phin ïathuh ha ki, ‘La pyndkut noh ïa ki um ka Jordan ha shuwa ka synduk ka jutang U Trai; mynba ka la leit sha shiliang ka Jordan, ïa ki um ka Jordan la pyndkut noh: bad kine ki maw kin long ka jingkynmaw ïa ki khun Israel junom.’ ”

1 SAMUEL 1:11

Ka la smai da ka kular ruh, ka da ong, “A Trai ki paid, lada shisha men khmih ïa ka jingjynjar ka shakri jong me, bad men kynmaw ïa nga, men ym klet ruh ïa la ka shakri, hynrei, men da ai khun shynrang ha la ka shakri, te nga ruh ngan aiti ïa u ha U Trai baroh ki sngi ka rta jong u, bad ka syrti kan ym dei ïa ka khlieh jong u.”

1 SAMUEL 1:28

Namar kata, nga ruh nga la ai noh ïa u ha U Trai; baroh ki sngi ka rta jong u, la ai noh ïa u ha U Trai.” Bad u la mane ïa U Trai hangta.

1 SAMUEL 13:13

Te u Samuel u la ong ha u Saul, “Me la leh bieit: mem shym la sumar ïa ka hukum U Trai uba U Blei jong me, ïa kaba u la hukum ïa me: namar U Trai toi un da pynskhem mynta ïa ka jinglong syiem jong me halor ki Israel junom.

1 SAMUEL 2:11

Bad u Elkanah u la leit sha Ramah ha la ïing. Te uta u khun khynnah u la shakri ïa U Trai ha khmat u Eli lyngdoh.

1 SAMUEL 2:18

Te u Samuel u la shakri ha khmat U Trai, u dang khynnah, ba la panpoh ïa u da ka ephod linen.

1 SAMUEL 28:2

Te u Dabid u la ong ha u Akhish, “Kumta te men ïoh tip keiñ ïa kaba u shakri jong me un leh.” Bad u Akhish u la ong ha u Dabid, “Namar kata, ngan buh ïa me u nongsumar ïa ka khlieh jong nga junom.”

1 SAMUEL 3:1

Bad uta u khynnah, u Samuel u la shakri ïa U Trai ha khmat u Eli. Bad ka ktien U Trai ka la long ka bakordor ha kita ki sngi; ym shym don ka jingithuhpaw kaba shynna.