1 SAMUEL 1:21 - KA BAIBL

²¹ Bad uta u briew, u Elkanah lem bad ka ïing jong u baroh, ki la leit kiew ïa ka ban ainguh ha U Trai ïa ka jingkñia ba shi sien shi snem, bad ïa ka jingkular jong u.

Khasi CL Bible (BSI)

²¹ Ka por ka la poi biang ba u Elkanah bad kiba ha ka ïing jong u ki leit biang sha Shiloh ban kñia ka jingainguh kaba man ka snem ha U Trai, bad ban ai ka jingainguh kyrpang ba u la kular.

1 SAMUEL 1:21 ပူးပေါင်းရင်းမြစ်များ

JENESIS 18:19

Naba nga ithuh ïa u, ba un hukum ïa la ki khun bad ïa la ki ïing hadien jong u, ba kin ïoh rakhe ïa ka lynti jong U Trai, ïa ka ban leh ïa ka hok bad ïa ka jingleh adkar; ba U Trai un ïoh pynwan ha u Abraham ïa kata ïa kaba u la ong shaphang jong u.”

SALM 101:2

Ngan leh stad ha ka lynti kaba janai: A lano men wan ha nga? ngan ïaid ha la ïing bad ka dohnud ka bajanai.

DEUTERONOMI 12:11

ynda kumta, kan long ka jaka ïa kaba U Trai uba U Blei jong phi un jied ïa ka ban pynshong ïa la ka kyrteng hangta, shata keiñ, phin wallam ïa baroh ba nga hukum ïa phi: ïa ki jingainguh thang jong phi, bad ïa ki jingkñia jong phi, ïa kiba shiphew jong phi, bad ïa ka jingainguh kyntiew jong ka kti jong phi, bad ïa ki jingkular skhem ba jied bha baroh jong phi ïa kiba phi kular ha U Trai:

DEUTERONOMI 12:6

Bad hangta, phin ïawallam ïa ki jingainguh thang jong phi, bad ïa ki jingkñia jong phi, bad ïa kiba shiphew jong phi, bad ïa ki jingainguh kyntiew ka kti jong phi, bad ïa ki jingkular skhem jong phi, bad ïa ki jingainguh basngewbha jong phi, bad ïa kiba kha nyngkong na ki masi jong phi, bad na ki langbrot jong phi ruh:

JOSHUA 24:15

Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”

1 SAMUEL 1:3

Te une u briew, man ka snem u la ju leit kiew na la ka shnong sha Sheiloh ban mane bad ban kñia ha U Trai ki paid. Te ki ar ngut ki khun u Eli, u Hophni bad u Phinehas keiñ, ki lyngdoh jong U Trai, ki la don hangta.

1 SAMUEL 2:19

Ka kmie jong u ruh ka ju thaw sopti ka barit ïa u, ka la ju wallam ruh ïa ka man la ka snem, haba ka la wan kiew lem bad u tnga jong ka ban ainguh ïa ka jingkñia ba shi snem.