1 SAMUEL 1:20 - KA BAIBL

²⁰ Te ynda ka Hannah ka la punkhun, haba ka la dap bnai, ka la kha khun shynrang; bad ka la kyrteng ïa u, “u Samuel”, ka da ong, “Naba na U Trai nga la pan ïa u.”

Khasi CL Bible (BSI)

²⁰ Kumta ka Hannah ka punkhun bad ka kha khun shynrang. Ka la pynkyrteng ïa u, u Samuel, naba ka ong, “Nga la pan ïa u na U Trai.”

1 SAMUEL 1:20 ပူးပေါင်းရင်းမြစ်များ

JENESIS 16:11

Bad uta u angel U Trai u la ong ruh ha ka, “Ha khmih, pha la punkhun bad phan kha ïa u khun, bad phan khot kyrteng ‘u Ishmael’ ïa u; naba U Trai u la shahshkor ïa ka jingsngewjynjar jong pha.

JENESIS 30:22

Te U Blei u la kynmaw ïa ka Rakhel ruh, bad U Blei u la shahshkor ïa ka bad u la plie ïa ka kpoh jong ka.

JENESIS 4:25

Bad u Adam u la ithuh pat ïa la ka tnga; te ka la kha ïa u khun, bad ka la khot kyrteng “u Seth” ïa u: “Naba U Blei,” ka la ong, “u la ai ha nga da uwei pat u symbai ha ka jaka u Abel, ïa uba u Kain u la pynïap noh keiñ.”

JENESIS 5:29

bad u la khot kyrteng “u Noah” ïa u, u da ong, “Une un pyntngen ïa ngi ha ka kam jong ngi bad ha ka jingtrei minot ki kti jong ngi, namar kata ka khyndew ïa kaba U Trai u la tim.”

1 KHRONIKL 4:10

Bad u Jabes u la kyrpad ha U Blei u Israel, u da ong, “A ban da men kyrkhu ïa nga da shisha, bad ba men pynkylluid ïa ka pud jong nga, bad ba ka kti jong me kan long lem bad nga, bad ba men sumar ïa nga na ka basniew, ba kan ym long ka jingsngewsih ïa nga!” Bad U Blei u la ai ha u, ïa kata kaba u la pan.

SALM 120:1

Ha la ka jingjynjar nga la khot ïa U Trai, te u la shahshkor ïa nga.

EKSODOS 2:10

Te mynba uta u khynnah u la san, ka la wallam ïa u ha ka khun u Pharaoh, bad u la long u khun jong ka. Bad ka la khot ka kyrteng jong u, “u Moses”: namar, ka la ong, “na ka um nga la sei ïa u.”

EKSODOS 2:22

Ka te ka la kha khun shynrang, bad u la khot ka kyrteng jong u, “u Gershom”: naba u la ong, “nga la long u nongwei ha ka ri nongwei.”

MATHAÏOS 1:21

kan kha ruh ïa u khun; men khot ruh ïa ka kyrteng jong u, ‘U Jisu’: naba un pynim ïa la ki briew na ki pop jong ki.”

HEBRU 11:32

Te ïa kaei ngan dang ong shuh? namar kan ym dap ka por ïa nga lada ïathuh shaphang u Gideon, u Barak, u Samson, u Jepthah; shaphang u Dabid ruh bad u Samuel bad kita ki nongïathuhlypa;