1 SAMUEL 1:10 - KA BAIBL

¹⁰ Bad ka la kthang ka mynsiem jong ka, ka la duwai ruh ha U Trai, ka da ïam eh.

1 SAMUEL 1:10 ပူးပေါင်းရင်းမြစ်များ

JENESIS 30:1

Bad ka Rakhel haba ka la ïohi ba kam kha khun ïa u Jakob, ka la bishni ïa la ka hynmen; ka la ong ruh ha u Jakob, “To ai khun ïa nga, ba ïoh ngan ïap noh.”

JENESIS 50:10

Te haba ki la ïapoi ha ka pynthor Atad, kaba sha shiliang ka Jordan, ki la ïa-pynlong hangta ïa ka jingïambriew ka bakhraw bad kaba jur: namar u la pynlong ka jingïambriew na ka bynta u kpa jong u hynñiew sngi.

2 SAMUEL 13:36

Bad haba u dang shu lah kren, ha khmih, kita ki khun u syiem ki la lap ba poi, bad ki la pynjam ïa la ka ktien, bad ki la ïam. Bad u syiem ruh bad ki shakri jong u baroh ki la ïam da ka jinglynñiar ka bakhraw eh.

2 SAMUEL 17:8

U Hushai u la ong ruh, “Me ithuh ïa la u kpa bad ïa ki rangbah jong u, ba ki long kiba shynrang ki briew, bad kiba bitar la ki jingmut, kum ka dngiem kaba la jah noh la ki khun ha khlaw: u kpa jong me u long u riewïapom ruh, te un ym sah miet ryngkat bad u paidbah.

2 SYIEM 20:3

“Nga kyrpad ïa me, to kynmaw mynta, A Trai, kumno nga la ïaid ha khmat jong me ha ka jingshisha bad da ka dohnud ka bajanai, bad nga la leh ïa kata ka babha ha khmat jong me.” Te u Hesekaïah u la ïam eh.

Ka Kitab U Job 10:1

“Ka mynsiem jong nga ka la sngewsatia ïa la ka jingim; ngan pyllaitluid ïa la ka jingkhñium; ngan kren ha ka jingkthang ka mynsiem jong nga.

Ka Kitab U Job 7:11

“Namar kata, ngan ym khang ïa la ka shyntur; ngan kren keiñ ha ka jingpisa ka mynsiem jong nga; ngan ud ha ka jingkthang ka mynsiem jong nga.

Ka Kitab U Job 9:18

Un ym shah ïa nga ban pynhiar mynsiem, hynrei, u pyndap ïa nga da ka jingkthang.

SALM 50:15

bad to khot kyrpad ha nga ha ka sngi ka jingjynjar: ngan pyllait ïa me, te men pyndonburom ïa nga.

SALM 91:15

Un khot kyrpad ïa nga, nga ruh ngan phai ktien ïa u; ha ka jynjar ngan long lem bad u: ngan pyllait ïa u, bad ngan pyndonburom ïa u.

PROBERB 14:10

Ka dohnud ka tip ïa la ka jong ka jingkthang; bad u nongwei um khleh ha ka jingkmen jong ka.

ISAÏAH 38:15

Kumno ngan ong? U la kren hi ha nga, bad u hi u la leh ïa kane: ngan ïaid jem jai baroh ki snem jong nga namar ka jingkthang ka mynsiem jong nga.

ISAÏAH 54:6

Naba U Trai u la khot ïa pha kum ka tnga ba la iehnoh bad ba la khuslai ka mynsiem, wat kum ka tnga ba dang samla, haba la kyntait noh ïa ka,” ong U Blei jong pha.

JEREMAÏAH 13:17

Hynrei, lada phin ym sngap ïa kane, ka mynsiem jong nga kan ïam ha kaba rieh namar ka jingsarong jong phi; bad ki khmat jong nga kin ïam sat, bad kin tuid da ki jingjaw ummat, namar ba la ring mraw ïa ka kynhun U Trai.

JEREMAÏAH 22:10

Wat ïam phi namar u baïap, lymne wat sngewsih namar jong u: hynrei, ïam sat namar uta uba leit noh; namar un ym wan phai shuh, bad un ym ïohi ïa ka ri ha kaba la kha ïa u.

SNGEWSYNEI 3:15

U la pyndap ïa nga da ka jingkthang, u la pynkdang ïa nga da u 'hur kthang.

LOUKAS 22:44

Te ba U don ha ka jingpisa mynsiem bajur, U la duwai kham shitrhem shibun eh: te ka syep jong U ka la long kum ki jingjaw ka snam kaba lang, ki da hap ha ka khyndew.

HEBRU 5:7

Uba ha ki sngi ka doh jong u, haba u la ainguh ïa ki jingduwai bad ki jingkyrpad, lem bad ka jingkyang kaba khraw bad ki ummat, ha uta uba lah ban pyllait ïa u na ka jingïap, bad haba la ïohsngew ïa u namar ka jingtieng riewblei jong u,

NONGBISHAR 21:2

Bad u paidbah u la ïawan sha Bethel, bad u la shong hangta haduh ba la janmiet ha khmat U Blei, bad ki la kyang, bad ki la ïam eh.

RUTH 1:20

Ka te ka la ong ha ki, “Wat khot shuh ïa nga ‘ka Naomi’, khot ïa nga ‘ka Mara’ keiñ: naba U Badonbor Baroh u la leh kthang eh ïa nga.

1 SAMUEL 1:11

Ka la smai da ka kular ruh, ka da ong, “A Trai ki paid, lada shisha men khmih ïa ka jingjynjar ka shakri jong me, bad men kynmaw ïa nga, men ym klet ruh ïa la ka shakri, hynrei, men da ai khun shynrang ha la ka shakri, te nga ruh ngan aiti ïa u ha U Trai baroh ki sngi ka rta jong u, bad ka syrti kan ym dei ïa ka khlieh jong u.”

1 SAMUEL 1:9

Kumta, ynda ki la bam la dih ha Sheiloh, ka Hannah ka la ïeng. Te u Eli lyngdoh u shong ha la ka jingshong hajan u rishot ka jingkhang ka templ U Trai.