TITOS 3:2 - Khasi CL Bible (BSI)

² Ong ïa ki ban ym kren sniew ïano ïano, hynrei ban long kiba shongsuk bad ïadei paralok, bad ban pyn-i borabor da ka jinglong bajemnud sha baroh.

KA BAIBL

² ban ym kren sniew ïano ïano ruh, ban ym long kiba ïania, hynrei, kiba ïaishah da kaba pyni ka jingjemnud baroh sha ki briew baroh.

TITOS 3:2 ပူးပေါင်းရင်းမြစ်များ

2 SAMUEL 22:36

A Trai, Me ïada bad me pynim ïa nga, ka jingïarap jong me ka la pynkhraw ïa nga.

SALM 140:11

Ai ba kito kiba pharep bymdei ïa kiwei kin ym jop; ai ba kaba sniew kan lap ïa ki briew kiba leh jubor bad pynjot ïa ki.

PROBERB 19:19

Lada don uno uno uba bitar shen, to ai ba un shim ïa ki soh ba mih na kata. Lada phi pyllait ïa u na ka jingjynjar shisien, phin sa hap leh biang.

PROBERB 25:24

Kan kham bha kaba shong ha tnum ïing ban ïa kaba sah lang ha kajuh ka ïing bad ka tnga kaba wad daw.

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

MATHAÏOS 11:29

To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

KI KAM 23:5

U Paul u la jubab, “Ko para nong Israel jong nga, ngam shym tip ba u dei u Rangbah Lyngdoh. Ka Jingthoh Bakhuid ka ong, ‘Mem dei ban kren sniew ïa u nongsynshar ïa ki briew jong me.’ ”

1 KORINTH 6:10

lane kiba tuh lane kiba kwah lalot lane kiba buaid lane kiba kren thadrong ïa kiwei lane ki nongtuh — yn ym don uno uno na kine u ban ïohkynti ïa ka Hima U Blei.

1 KORINTH 9:19

Nga long u briew uba laitluid, ym u mraw jongno jongno; hynrei nga pynlong ïa lade u mraw jong baroh khnang ba ngan jop katba lah ïa ki briew kiba bun.

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 12:20

Nga sheptieng ba haba nga poi hangto ngan shem ïa phi kiba pher na kaei kaba nga kwah ïa phi ba phin long bad ba phin shem ïa nga ba nga pher na kaei kaba phi kwah ïa nga ban long. Nga sheptieng ba ïoh ngan shem ïa ka jingïania bad jingbishni, ki jingïabitar bad jingkhwan myntoi, ki jingkrenbeiñ bad jinglorni, ka jingsarong bad jingkynrum kynram.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

GALATIA 6:1

Ko parabangeit jong nga, lada lap ïa uno uno ha kano kano ka jingpalat, kito na phi kiba kynja mynsiem ki dei ban pynbha pat ïa u; hynrei phi dei ban leh ïa ka ha ka rukom ka jingjemnud. Bad da husiar bha ïa lade, khnang ba ma phi ruh phin ym shah pynshoi.

GALATIA 6:10

Kumta, katba ngi dang ïohlad bunsien, ngi dei ban lehbha iwei ïa iwei, bad khamtam ïa kito kiba na ka longïing ka jingngeit.

EPHESOS 4:2

To long borabor kiba sngewrit, kiba jemnud, bad kiba ïaishah. To pyn-i ïa ka jingieit jong phi da kaba ïaishah iwei ïa iwei pat.

EPHESOS 4:31

To bret noh ïa baroh ka jingkthang mynsiem, ka jingkwah brai bad ka jingbitar. Keiñ noh ka jingkaw kaw, lane ka jingkrenbeiñ bad keiñ noh ki jingsngew isih la ha kano kano ka rukom.

PHILIPPI 4:5

To pynpaw ïa ka jinglong jemnud sha uwei pa uwei baroh. U Trai u la jan wan.

1 THESSALONI 2:7

wat la kum ki apostol jong U Khrist ngi lah ban dawa na phi. Hynrei ngi la long kiba jai jai mynba ngi la don bad phi, kumba ka kmie ka sumar ïa ki khun jong ka.

1 TIMOTHI 3:11

Ki tnga jong ki ruh, ki dei ban don ka jinglong babha bad kim dei ban ïakren lorni; ki dei ban long kiba adkar bad kiba hok ha kiei kiei baroh.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

JAKOB 4:11

Wat ïa-wohnia para ma phi, ko parabangeit jong nga. Uno uno uba wohnia ïa u parabangeit ne bishar ïa u, u wohnia ïa ka Hukum bad u bishar ïa ka. Lada phi bishar ïa ka Hukum, te phim long shuh uba kohnguh ïa ka Hukum, hynrei uwei uba bishar ïa ka.

1 PETROS 2:1

To bret noh na lade, namarkata, ïa ki jingsniew baroh; ïa ka jingshukor lane ka jingarsap lane ka jingbishni lane ka jingkren sniew.

1 PETROS 3:10

Kumba ka Jingthoh Bakhuid ka ong, “Uno uno uba kwah ban lehkmen ha ka jingim bad uba kwah ban ïohi ïa ki por kiba bha, u dei ban kiar na kaba kren sniew bad ban nym kren lamler.

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.

1 PETROS 4:4

Bad mynta ki bymngeit ki sngewkyndit haba phim ïasoh lang bad ki ha kajuh ka jingim bymngeit bad bymsalia, bad kumta ki krenbeiñ ïa phi.

2 PETROS 2:10

Kine ki nonghikai balamler ki long kiba shlur bad kiba kyr-eit, bad kim pyn-i jingñiewburom ïa ki jingthaw ba kynja bneng; pynban ki krenbeiñ ïa ki.

JUDAH 1:10

Hynrei, kine ki briew, ki tur ïaleh da kaba krenbeiñ da kiei kiei kiba kim sngewthuh; bad kito kiei kiei kiba ki tip da ka bor tipthuh kum ki mradkhlaw, ki long kita hi kiei kiei kiba pynjot ïa ki.

JUDAH 1:8

Ha kajuh ka rukom ruh, kine ki briew ki ïoh ïa ki jingïohipaw kiba pynlong ïa ki ban leh pop pyrshah ïa la ki jong ki met; ki ñiewbeiñ ïa ka jingsynshar jong U Blei bad ki ïakren beiñ ïa ki jingthaw badonburom ha bneng.