TITOS 3:1 - Khasi CL Bible (BSI)

¹ To pynkynmaw ïa la ki briew ban pyndem ha ki nongsynshar bad ki bor synshar, ban kohnguh ïa ki, bad ban long kiba kloi ban leh ïa kaba bha da ki lad baroh.

KA BAIBL

¹ To pynkynmaw ïa ki ban pynhapoh ïa lade ha ki nongsynshar bad kiba don bor, ban kohnguh, bad ban long kiba la kloi ïa ka jingleh babha baroh,

TITOS 3:1 ပူးပေါင်းရင်းမြစ်များ

PROBERB 24:21

Ko khun, tiengburom ïa U Trai bad burom ïa u syiem. Wat leh ei ei bad ki briew kiba ïeng ïaleh pyrshah ïa ki;

EKLESIASTIS 10:4

Lada u nongsynshar jong phi u bitar ïa phi, wat nym ai ïa ka jingiehnoh kam jong phi; ïa ki jingbakla kiba khia lah ban map lada phi long jai jai.

ISAÏAH 43:26

“Ïa ngin ïaleit sha ïingbishar; wallam ïa ka jingmudui jong phi! Buh ïa ka kam jong phi ban pynshisha ba phi long ha kaba dei!

JEREMAÏAH 27:17

Wat shahshkor ïa ki! Pyndem ha u syiem ka Babilonia bad phin im! Balei ba kane ka nongbah kan kylla ka kynton ki jingpra?

MATHAÏOS 22:21

“Ki jong u Patsha,” ki la jubab. Kumta U Jisu u la ong ha ki, “Kumta, te, to siew sha u Patsha ïa kaei kaba dei ka jong u Patsha, bad siew sha U Blei ïa kaei kaba dei ka jong U Blei.”

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

DEUTERONOMI 17:12

Uno uno uba nud ban ïaleh pyrshah ïa u nongbishar lane ïa u lyngdoh uba shakri ha kata ka por ha khmat U Trai U Blei jong phi; u dei ban shah pynïap. Da kumta phin pynkhuid ïa kata ka jingbymman na Israel.

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.

KOLOSSAI 1:10

Nangta phin lah ban im kumba U Trai u kwah bad ba phin ïai leh borabor ïa kaei kaba pynsngewbha ïa u. Ka jingim jong phi kan pynmih ïa baroh ki jingleh babha babun jait, bad phin san ha ka jingtip jong phi ïa U Blei.

1 TIMOTHI 4:6

Lada me ai ïa kine ki jinghikai ha ki parabangeit, men long u shakri babha jong U Khrist Jisu, kumba me bsa ïa lade ha ka mynsiem da ki ktien jong ka jingngeit bad jong ki jinghikai bashisha ïa kiba me la bud.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

2 TIMOTHI 1:6

Na kane ka daw nga pynkynmaw ïa me ban ïai pynrhem ïa kata ka jingai kaba U Blei u la ai ha me mynba la buh ïa ki kti jong nga ha me.

2 TIMOTHI 2:14

To pynkynmaw ïa ki briew jong me ïa kane, bad to ai ha ki ïa ka jingkyntu bajai jai ha khmat U Blei ba kin ym ïa-wohnia halor ki kyntien ba ki ïakren. Kam long kaba pynmyntoi, hynrei tang ban pynjot ïa ki briew kiba sngap.

2 TIMOTHI 2:21

Lada uno uno u pynkhuid ïa lade na kiei kiei baroh kiba sniew, yn pyndonkam ïa ki na ka bynta ki jingthmu kiba kyrpang, namar la pynkyntang ïa ki bad ki long kiba myntoi ïa u Kynrad jong ki, kin long kiba bit ïa ka ban pyndonkam na ka bynta ka kam babha baroh.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

TITOS 3:14

Ki briew jong ngi ki dei ban nang ban pynlut ïa la ka por ha kaba leh babha, khnang ba ki lah ban pyndap ïa ki jingdonkam bashisha; kim dei ban im ka jingim ka bymlarkam.

TITOS 3:8

Kane ka long ka jingong kaba shisha. Nga kwah ba men ïai ban kyrpang ïa kine kiei kiei, khnang ba kito kiba ngeit ha U Blei kin kitkhia ha kaba ai ïa ka por jong ki ban leh ïa ki kam babha, kiba long ki babha bad kiba myntoi ïa baroh.

2 PETROS 1:12

Bad kumta ngan ïai pynkynmaw ïa phi shaphang kine kiei kiei, wat la phi la tip lypa bad phi ïeng skhem ha ka jingshisha kaba phi la ïohpdiang.

JUDAH 1:5

Naba wat ba phi la tip ïa kane baroh, nga kwah ban pynkynmaw biang ïa phi ba kumno U Trai u la pyllait im shisien ïa ki paid Israel na ka ri Ijipt, hynrei hadien, u la pynjot ïa kito ki bym shym la ngeit.