TITOS 2:8 - Khasi CL Bible (BSI)

⁸ Pyndonkam da ki ktien kiba shongnia ïa kiba yn ym don ba wad daw, khnang ba yn ïoh pynlehrain ïa ki nongshun jong me da ka bym don ei ei kaba sniew ban ïoh kren pyrshah shaphang jong ngi.

KA BAIBL

⁸ ïa ka ktien janai, ïa ka bym lah ban pynrem; ba uta uba ïaleh pyrshah un ïoh lehrain, naba um don ei ei ka basniew ban ong shaphang jong ngi.

TITOS 2:8 ပူးပေါင်းရင်းမြစ်များ

NEHEMAÏAH 5:9

Nangta nga ong, “Kaei kaba phi leh ka long kaba bakla! Phi dei ban kohnguh ïa U Blei bad leh ïa kaei kaba dei, khnang ba phin ym pynlong ïa ki nongshun jong ngi, ki Jentil, ïa kano kano ka daw ba kin krenbeiñ ïa ngi.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

MARKOS 12:17

Kumta U Jisu u la ong, “Te kumta, siew sha u patsha ïa kaei kaba long ka jong u patsha, bad siew sha U Blei ïa kaei kaba long ka jong U Blei.” Bad ki la sngewlyngngoh ïa U Jisu.

MARKOS 12:28

Uwei u nonghikai ka Hukum uba don hangta u la ïohsngew ïa ka jingïakren. U la ïohi ïa U Jisu ba u la ai ïa ki Saddusi ka jubab kaba dei, kumta u la wan ha u ryngkat bad ka jingkylli: “Kano ka hukum kaba long kaba kongsan tam na baroh?”

MARKOS 12:32

Uta u nonghikai ka Hukum u la ong ïa U Jisu, “Kaba dei, ko Nonghikai! Ka long kaba shisha, kumba me la ong, ba tang U Trai u long U Blei bad ym don uwei pat u blei hynrei tang ma u.

MARKOS 12:34

U Jisu u la ïohi katno u la long uba stad ha ka jingjubab jong u, bad kumta U la ong ïa u, “Mem long jngai na ka Hima U Blei.” Hadien kane, ym don shuh mano mano ba nud ban kylli kino kino ki jingkylli ïa U Jisu.

LOUKAS 13:17

Ka jingjubab jong u ka pynlong ïa ki nongshun jong u ban sngewlehrain ïa lade, katba ki briew ki la risa ha kiei kiei baroh kiba phylla kiba u la leh.

2 THESSALONI 3:14

Ka lah ban long ba yn don uno uno u ban ym kohnguh ïa ka khubor kaba ngi phah sha phi ha kane ka shithi. Lada ka long kumta, khmih ïa u bad wat ïadon bynta ei ei bad u, khnang ba un lehrain.

1 TIMOTHI 5:14

Te ngan kham lah ba ki riewkynthei kiba dang kham samla kin shongkurim, kin don ki khun ki kti, bad sumar ïa la ki ïing, khnang ban ym ailad ïa ki nongshun jong ngi ban kren sniew ïa ngi.

1 TIMOTHI 6:3

Uno uno uba hikai ïa ka jinghikai shongtynrai kaba pher bad um mynjur ïa ki ktien bashisha jong U Jisu Khrist uba U Trai jong ngi bad ïa ki jinghikai jong ka jingngeit jong ngi u long uba dap da ka jingsarong bad u bymtip ei ei.

TITOS 3:14

Ki briew jong ngi ki dei ban nang ban pynlut ïa la ka por ha kaba leh babha, khnang ba ki lah ban pyndap ïa ki jingdonkam bashisha; kim dei ban im ka jingim ka bymlarkam.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 2:15

Naba U Blei u kwah ïa phi ban pynsngap jar ïa ka jingkren khlem pyrkhat jong ki briew kiba bieit da ki kam babha ba phi leh.

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.