TITOS 2:5 - Khasi CL Bible (BSI)

⁵ ban long kiba synshar ïa lade bad kiba sngur mynsiem, bad ki nongsumar ïing babha kiba pyndem ha la ki tnga, ba yn ym don mano mano ba lah ban kren sniew ïa ka khubor kaba wan na U Blei.

KA BAIBL

⁵ ban long kiba khan adkar, kiba sngur, kiba trei ha la ïing, kiba sbun, kiba kohnguh ïa la ki tnga, ba yn ym krenbeiñ ïa ka ktien U Blei.

TITOS 2:5 ပူးပေါင်းရင်းမြစ်များ

JENESIS 18:9

Nangta ki ïakylli ïa u, “Ha-ei ka Sarah ka tnga jong me?” U jubab, “Ka don hapoh ka ïingjaiñ.”

JENESIS 3:16

Ha kata ka briew pat u ong, “Ngan pynjur ïa ka jingjynjar jong pha haba pha punkhun, bad ïa ka jingshitom jong pha haba pha kha khun. La katta ruh, phan ïai kwah ïa la u tnga, pynban yn pyndem ïa pha ha u.”

2 SAMUEL 12:14

Hynrei namar ba phi la pyn-i ïa kum kane ka jingñiewbeiñ ïa U Trai ha kaba leh ïa kane, u khun jong phi un ïap.”

SALM 74:10

Sa katno, A Blei, ba ki nongshun jong me kin rkhiebeiñ ïa me? Hato kin ibeiñ ïa ka kyrteng jong me junom?

PROBERB 7:11

Ka dei ka briew kaba shlur bad ka bym don jinglehrain, kaba ju ïaid borabor ha ki lynti bah;

KI KAM 9:36

Ha Joppa la don ka briew kaba kyrteng ka Tabitha, kaba long ka riewngeit. (Ka kyrteng jong ka ha ka Ktien Grik ka long ka Dorkas, kaba mut “ka skei.”) Ka la pynlut ïa ka por jong ka baroh ha kaba leh babha bad ha kaba ïarap ïa kiba duk.

KI KAM 9:39

Kumta u Petros u la khreh bad u la leit bad ki. Haba u la poi, la ïalam ïa u sha ka kamra kaba haneng, ha kaba ki riewkynthei baroh ki la ïalum sawdong ïa u, ki da ïam bad pyn-i ïa ki sopti bad ki jaiñkup kiba ka Dorkas ka la suh mynba ka dang im.

Ka Shithi U Paul Sha Ki Nong Rom 14:16

To wat ai ba kaei kaba phi ñiew ba ka long kaba bha kan ïoh ïa ka kyrteng basniew.

Ka Shithi U Paul Sha Ki Nong Rom 2:24

Ka Jingthoh Bakhuid ka ong, “Na ka daw jong phi ki Jiw, ki Jentil ki kren sniew ïa U Blei.”

1 KORINTH 11:3

Hynrei nga kwah ïa phi ba phin sngewthuh ba U Khrist u long halor tam ïa uwei pa uwei briew, u tnga u long halor la ka tnga, bad U Blei u long halor tam ïa U Khrist.

1 KORINTH 14:34

Kumba ka long ha ki balang jong u paidlang U Blei, ki kynthei ki dei ban sngap jar ha ki jingïaseng. Ym shah ïa ki ban kren; kumba ka Hukum ki Jiw ka ong, kim dei ban leh trai khlieh.

EPHESOS 5:33

Hynrei ka thew ruh ïa phi: Man u shynrang u dei ban ieit ïa la ka tnga kumba ïa lade, bad man ka kynthei ka dei ban ñiewburom ïa la u tnga.

KOLOSSAI 3:18

Ko ki kynthei, to pynhapoh ïa lade ha ki tnga jong phi, naba kata ka long kaei kaba phi dei ban leh kum ki bangeit.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

1 TIMOTHI 6:1

Kito kiba long ki mraw ki dei ban ñiew ba ki kynrad jong ki, ki long kiba dei hok ban ïoh ïa ka burom baroh, khnang ba yn ym don mano mano ki ban kren sniew ïa ka kyrteng U Blei bad ïa ka jinghikai jong ngi.

TITOS 2:4

Ki dei ban hikai ïa kaei kaba bha, khnang ba ki lah ban hikai ïa ki kynthei ba dang kham samla ban ieit ïa la ki tnga bad ki khun,