TITOS 2:2 - Khasi CL Bible (BSI)

² Hikai ïa kiba la kham rangbah ba kin long kiba adkar, kiba tipbriew bad kiba synshar ïa lade; kiba skhem ha ka jingngeit, ka jingieit bad ka jingïaishah jong ki.

KA BAIBL

² ba ki riewtymmen kin long kiba sharai, kiba shida, kiba khan adkar, kiba janai ha ka jingngeit, ha ka jingieit, ha ka jingïaishah.

TITOS 2:2 ပူးပေါင်းရင်းမြစ်များ

Ka Kitab U Job 12:12

Ki riewtymmen ki don ka jingstad, hynrei U Blei u don ka jingstad bad ka bor. Ki riewtymmen ki don ka jingïohi jngai; U Blei u don ka jingïohi jngai bad ka bor ban pyntreikam.

SALM 92:14

kiba dang seisoh haba ki la tymmen ruh bad ki ïai jyrngam bad khlaiñ.

PROBERB 16:31

Ban im slem ka long ka bainong jong kiba hok; u ñiuhlieh u long ka pansngiat badonburom.

ISAÏAH 65:20

Ki khunlung kin ym ïap shuh haba ki dang khunlung, bad baroh ki briew kin im haduh ba ki la pura bha ka rta. Kito kiba im kumba shispah snem yn ñiew ïa ki ba ki dang samla. Ban ïap shuwa ïa kata pat kan dei ka dak ba nga la pynshitom ïa ki.

LEBITIKOS 19:32

“Pyni burom ïa ki briew ba la tymmen bad ai burom ïa ki. Da kaba tiengburom kohnguh ïa nga; Nga long U Trai.

MARKOS 5:15

bad haba ki la wan ha U Jisu, ki la ïohi ïa uta u briew uba ju don shibun ki ksuid hapoh jong u. U la shong hangta, u la phong jaiñ bad ba u la tipbriew, bad baroh ki la sheptieng.

LOUKAS 8:35

Ki briew ki la ïaleit ban peit ïa kaei kaba la lah jia, bad haba ki la poi ha U Jisu, ki la shem ïa u briew na uba ki ksuid ki la mihnoh, ba u da shong ha ki kjat jong U Jisu, u la phong jaiñ bad ha ka jingtipbriew; bad baroh ki la sheptieng.

KI KAM 24:25

Hynrei katba u Paul u dang batai shaphang ka jingbha, ka bor halor lade, bad ka Sngi ka Jingbishar ka ban sa wan, u Pheliks u la sheptieng bad u la ong, “Mynta me lah ban leit noh shuwa. Ngan sa phah khot pat haba nga ïohlad.”

Ka Shithi U Paul Sha Ki Nong Rom 12:3

Bad namar ka jingaiei U Blei ïa nga, nga ong ïa uwei pa uwei na phi: To wat ñiewkor palat than ïa lade ban ïa kaba phi dei ban leh. Pynban, to long adkar ha ki jingmut jingpyrkhat jong phi, bad to bishar ïa lade kat kum ka jingngeit kaba U Blei u la ai ha phi.

1 KORINTH 15:34

To wan phai pat sha ka jingtipbriew bad sangeh na ki lynti bapop jong phi. Nga pynbna ba phin lehrain ba don hapdeng jong phi ki bymtip ïa U Blei.

1 KORINTH 9:25

Man uwei pa uwei u nongïamareh uba don ha ka jingshah hikai, u pyndem ha ka jinghikai kaba pyrkhing, khnang ba yn pynphong da ka pansngiat sla dieng ka bymneh; hynrei ma ngi pat ngi ïaleh na ka bynta kata ka ban neh junom la junom.

2 KORINTH 5:13

Hato ngi da lamwir shisha? Ka long na ka bynta U Blei. Lane hato ngi long kiba tipbriew? Te ka long na ka bynta jong phi.

GALATIA 5:23

Ym don ka hukum pyrshah ïa kiba kum kine kiei kiei.

PHILIPPI 4:8

Ha kaba wai noh, ko parabangeit jong nga, to pyndap ïa ki jingmut jong phi da kito kiei kiei kiba bha bad kita kiba dei ïaroh: Kiei kiei kiba shisha, kiba donburom, kiba beit, kiba khuid, kiba itynnat, bad kiba donburom.

1 THESSALONI 5:6

Kumta te, ngim dei ban ïohthiah kum kiwei pat; ngi dei ban peitmat bad pyngngad.

1 THESSALONI 5:8

Hynrei ngi dei ki jong ka sngi, bad ngi dei ban pyngngad. Ngi dei ban kup ïa ka jingngeit bad ïa ka jingieit kum ka jingda shadem, bad ka jingkyrmen jong ngi ïa ka jingpynim kum ka jingda khlieh.

1 TIMOTHI 1:14

Bad U Trai jong ngi u la theh noh buk ïa ka jingaiei ba-dap kyrhai ha nga bad u la ai ha nga ïa ka jingngeit bad ïa ka jingieit kiba long ki jong ngi ha U Khrist Jisu.

1 TIMOTHI 1:2

Ha u Timothi, u khun bashisha jong nga ha ka jingngeit: To U Blei U Kpa bad U Khrist Jisu uba U Trai jong ngi un ai ha me ïa ka jingaiei, ka jingisynei bad ka jingsuk.

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

1 TIMOTHI 3:11

Ki tnga jong ki ruh, ki dei ban don ka jinglong babha bad kim dei ban ïakren lorni; ki dei ban long kiba adkar bad kiba hok ha kiei kiei baroh.

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

1 TIMOTHI 3:8

Ki nongïarap ha ka balang ki dei ban don ka jinglong kaba bha bad kiba sngur mynsiem; kim dei ban kyrni dih waiñ lane kiba lalot pisa; ki dei ban bat ïa ka jingshisha ba la pynpaw jong ka jingngeit da ka jingïatiplem kaba sngur.

1 TIMOTHI 5:1

To wat sneng ïa uba la kham rangbah, hynrei to kyrpad ha u kum la u kpa. To ñiew ïa kiba kham samla kum la ki para, ïa ki kynthei kiba la kham ïaw kum ki kmie, bad ïa ki kynthei kiba kham samla kum ki para, da ka jingsngur mynsiem baroh.

TITOS 1:13

Na kane ka daw me dei ban sneng tyngeh ïa ki, khnang ba kin don ka jingngeit kaba shisha

TITOS 1:8

U dei ban long uba lehsbun bad uba ieit ïa kaei kaba bha. U dei ban long uba synshar ïa lade, uba beit, u bakhuid, bad uba leh ryntih.

TITOS 2:7

Ha kiei kiei baroh phi dei ban long ka nuksa jong ka jinglong babha. To long kiba minot bad kiba kitkhia ha ka jinghikai jong me.

PHILEMON 1:9

Hynrei namar ba nga ieit ïa me, nga pynlong ïa kane ka jingkyrpad. Nga leh ïa kane wat la nga long u Paul, u nonglamktien jong U Khrist Jisu, bad mynta ruh u nongsah byndi na ka bynta jong u.

1 PETROS 1:13

Kumta te, to ai ba ki jingmut jong phi kin pynkhreh ban treikam. To long adkar bad buh ïa ka jingngeit jong phi baroh phar ha ka jingkyrkhu ïa kaba yn sa ai ha phi haba ïa U Jisu Khrist yn pynpaw.

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

2 PETROS 1:6

ha ka jingtip jong phi pynlang ïa ka jingsynshar ïa lade; ha ka jingsynshar ïa lade pynlang ïa ka jingïaishah; ha ka jingïaishah pynlang ïa ka jinglong riewblei;