TITOS 1:3 - Khasi CL Bible (BSI)

³ bad ha ka por kaba biang u la pynpaw ïa ka ha ka khubor jong u. Ïa kane la pynkhamti ha nga, bad nga pynbna ïa ka da ka hukum U Blei U Nongpynim jong ngi.

KA BAIBL

³ hynrei, ha ki Ïa jong u hi, u la pynpaw ïa ka ktien jong u ha ka jingïalap, ïa kaba la aiti ha nga katba kum ka hukum ka jong U Blei U Nongpynim jong ngi;

TITOS 1:3 ပူးပေါင်းရင်းမြစ်များ

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 45:15

U Blei ki Israel, uba pynim ïa la ki briew, u long U Blei uba buhrieh ïa lade.

ISAÏAH 45:21

Ale bad ai ïa ka kam jong phi ha ka ïingbishar; ai ba ki nongïasaid kin ïasyllok uwei ïa uwei pat. Mano ba la ïathuhlypa slem mynshuwa kaei ban jia? Hato ym dei ma nga, U Trai, U Blei uba pynim ïa la ki briew? Ym don uwei pat U Blei.

DANIEL 11:27

Nangta ki ar ngut ki syiem kin ïashong lang ban ïabam ha kajuh ka miej, hynrei ki jingthmu jong ki, kin long kiba sniew, bad kin ïa-lamler uwei ïa uwei pat. Kin ym ïoh ïa kaei kaba ki kwah, namar ka por na ka bynta kata kam pat poi.

DANIEL 8:23

“Haba ka jingkut jong kito ki hima ka la jan bad ki la long bymman katta katta ba ki la dei ban shah pynshitom, yn don u syiem uba mutlop, uba runar eh, bad uba dap da ka jingshukor.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

HABAKKUK 2:3

To buh ha ka jingthoh, namar kam pat dei ka por ba kan urlong. Hynrei ka por ka wan kloi, bad kaei kaba nga pyn-i ha me kan urlong. Ka i kumba ka wan suki jai, hynrei to ap ïa ka; kan sa jia long shisha, bad yn ym pyntud ïa ka.

MARKOS 1:15

“Ka por kaba dei ka la poi,” u ong, “bad ka Hima U Blei ka la hajan! To phai noh na ki pop jong phi bad ngeit ïa ka Khubor Babha!”

MARKOS 13:10

Hynrei shuwa ba ka jingkut kan wan, ïa ka Gospel yn ïalap ha ki jaitbynriew baroh.

MARKOS 16:15

U la ong ïa ki, “Leit sha ka pyrthei baroh kawei bad ïalap ïa ka Gospel sha ki jaitbynriew baroh.

LOUKAS 1:47

ka mynsiem jong nga ka shadkmen namar U Blei U Nongpynim jong nga,

KI KAM 10:36

Phi tip ïa ka khubor kaba u la phah sha ki paid Israel, da kaba pynbna ïa ka Khubor Babha jong ka jingsuk lyngba U Jisu Khrist, uba long U Trai jong baroh.

KI KAM 17:26

Na uwei u briew u la thaw ïa ki jaitbynriew baroh ha ka pyrthei bad u la pynlong ïa ki ban shong ban sah ha kylleng ka pyrthei. U hi da lade u la pynskhem lypa ïa ki por kiba biang bad ïa ki pud jong ki jaka ha kaba kin shong kin sah.

Ka Shithi U Paul Sha Ki Nong Rom 15:19

da ka bor jong ki kambah bad ki jingphylla, bad da ka bor jong U Mynsiem jong U Blei. Bad kumta, ha ka jingleit baroh shi lynter lynti naduh Jerusalem sha Illyrikom, nga la pynbna pura ïa ka Khubor Babha shaphang U Khrist.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

Ka Shithi U Paul Sha Ki Nong Rom 16:26

Mynta pat, ïa kata ka jingshisha la pynmih ha kaba paw lyngba ki jingthoh jong ki nongïathuhlypa; bad da ka hukum jong U Blei bymjukut, ïa ka la pyntip sha baroh ki jaitbynriew, khnang ba baroh ki lah ban ngeit bad kohnguh.

Ka Shithi U Paul Sha Ki Nong Rom 5:6

Namar mynba ngi dang long ki bym don jingkyrmen shuh, U Khrist u la ïap na ka bynta kiba bymman, ha ka por kaba U Blei u la jied.

1 KORINTH 9:17

Lada nga la trei ïa la ka kam da ka mon sngewbha, te nga la lah ban khmih lynti ban ïoh ïa ka bainong; hynrei nga leh ïa ka tang kum ka kamram, namar U Blei u la aiti ha nga ïa kane ka kam.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

EPHESOS 1:10

Kane ka jingthmu, ïa kaba U Blei un sa pyndep ha ka ïa kaba biang, ka long ban lumlang ïa ka jingpynlong baroh, ha bneng bad ha khyndew, lem bad U Khrist kum u khlieh.

EPHESOS 2:17

Kumta U Khrist u la wan bad u la ïalap ïa ka Khubor Babha jong ka jingsuk sha baroh — sha phi ki Jentil, kiba la jngai bah na U Blei, bad sha ki Jiw, kiba long hajan ïa u.

PHILIPPI 1:13

Kaba mih nangta ka long, ba ka kynhun nongap phira jong ka ïingsyiem baroh kawei bad baroh kiwei pat hangne, ki tip ba nga don ha ka byndi namar nga long u shakri jong U Khrist.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

KOLOSSAI 1:6

Ka gospel ka ïai wallam ki jingkyrkhu bad ka par kylleng ka pyrthei, kumba ka la long hapdeng jong phi naduh kata ka sngi kaba phi la ïohsngew nyngkong shaphang ka jingaiei jong U Blei bad phi la tip ïa ka kumba ka long shisha.

1 THESSALONI 2:4

Pynban, ngi kren borabor kumba U Blei u kwah ïa ngi kumta, namar u la ñiew ïa ngi kiba bit ban shaniah ïa ka Khubor Babha. Ngim shym pyrshang ban pynsngewbha ïa ki briew, hynrei, ban pynsngewbha ïa U Blei, uba tynjuh ïa ki jingthmu jong ngi.

1 TIMOTHI 1:1

Na u Paul, u apostol jong U Khrist Jisu kat kum ka hukum U Blei u Nongpynim jong ngi bad U Khrist Jisu uba long ka jingkyrmen jong ngi —

1 TIMOTHI 1:11

Ïa kata ka jinghikai la shem ha ka Gospel ïa kaba la pynkhamti ha nga ban pynbna, ka Khubor Babha na U Blei uba khrawburom bad ba la kyrkhu.

1 TIMOTHI 2:3

Kane ka long kaba bha bad kaba pynsngewbha ïa U Blei U Nongpynim jong ngi, namar u kwah ba uwei pa uwei un ïohlait im bad ban ïoh tip ïa ka jingshisha.

1 TIMOTHI 4:10

Ngi ïaleh tyngeh bad trei shitom, namar ngi la buh ïa ka jingkyrmen jong ngi ha U Blei uba im, uba long U Nongpynim ïa baroh bad khamtam ïa kito kiba ngeit.

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.

TITOS 2:10

Pynban, ki dei ban pyn-i ba ki long borabor kiba bha bad ba lah ban shaniah, khnang ban pynshisha ïa ka jinghikai shaphang U Blei U Nongpynim jong ngi ha baroh ba ki leh.

TITOS 2:13

katba ngi dang ap ïa ka jingwan jong kata ka Sngi ba la kyrkhu kaba ngi ap kyrmen, haba ka burom U Blei bakhraw bad U Jisu Khrist U Nongpynim jong ngi kan paw.

JINGPYNPAW 14:16

Te uta uba shong halor u lyoh u la pyndonkam ïa la ka rashi ha ka pyrthei, bad la ïohlum ïa ka jingot jong ka pyrthei.