SEPHANAÏAH 3:9 - Khasi CL Bible (BSI)

⁹ “Nangta ngan pynkylla ïa ki briew jong ki hima, bad kin duwai tang sha nga bad ym sha kiwei pat ki blei. Ki baroh kin kohnguh ïa nga.

KA BAIBL

⁹ “Naba hangta ngan pynai pat ha ki paidbah ïa ka shyntur ka bakhuid, ba baroh kin khot ïa ka kyrteng U Trai, ïa ka ban shakri ïa u da kawei ka jingmut.

SEPHANAÏAH 3:9 ပူးပေါင်းရင်းမြစ်များ

JENESIS 11:1

Ha kaba nyngkong, ki briew ha ka pyrthei baroh ki la don tang kawei ka ktien ka thylliej bad pyndonkam ïa kijuh ki kyntien.

JENESIS 4:26

U Seth u la ïoh uwei u khun, ïa uba u la kyrteng, u Enosh. Dei ha kata ka por ba ki briew ki la sdang ban pyndonkam ïa ka kyrteng bakhuid jong U Trai ha ka jingmane Blei.

SALM 113:3

Naduh mihngi shaduh sepngi A to ïaroh ïa ka kyrteng jong U Trai!

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

ISAÏAH 19:18

Haba kata ka por ka wan, ïa ka ktien Hebru yn kren ha ki san tylli ki nongbah jong ka Ijipt. Ki briew hangta kin shim jingsmai ha ka kyrteng jong U Trai Badonbor Baroh. Ïa kawei na ki nongbah yn khot, “Ka Nongbah jong ka Sngi.”

ISAÏAH 57:19

Nga ai jingsuk ïa baroh, ïa kiba hajan bad ïa kiba sha jngai! Ngan pynkhiah ïa ki briew jong nga.

ISAÏAH 6:7

U la ktah ïa ki rmiang shyntur jong nga da u rnga barhem bad ong, “Une u la ktah ïa ki rmiang shyntur jong me, bad mynta ka jingkitpop jong me ka la jah noh, bad ïa ki pop jong me la map.”

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

ESEKIEL 37:17

Nangta bat ïa kine ki ar tylli ki dieng na tduh ha tduh ha ka kti jong me ba kin i kum uwei u dieng.

HABAKKUK 2:14

Hynrei ka pyrthei kan long ba la dap da ka jingtip ïa ka burom U Trai kumba ki duriaw ki dap da ka um.

SEPHANAÏAH 2:11

U Trai un pynshyrkhei ïa ki. Un pynhiar ïa ki blei jong ka pyrthei sha ka bym long ei ei, bad kumta kawei pa kawei ka jaitbynriew kan mane ïa u, kawei kawei ha la ka jong ka ri.

SEKHARAÏAH 14:9

Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

MATHAÏOS 12:35

U briew uba bha u sei ïa kiei kiei kiba bha na ka jingkynshew jong kiei kiei kiba bha; u briew uba sniew u sei ïa kiei kiei kiba sniew na ka jingkynshew jong kiei kiei kiba sniew.

EPHESOS 4:29

Wat kren ïa ki ktien pynmong, hynrei, tang ki ktien kiba long ka jingïarap, kita keiñ kiba tei bad kiba ïadei tang ïa kata kaba donkam, khnang ba kaei kaba phi kren kan long kaba bha ïa kita kiba shahshkor ïa phi.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”