SEPHANAÏAH 3:8 - Khasi CL Bible (BSI)

⁸ “Shu ap,” U Trai u ong. “Ap ïa ka sngi haba ngan ïeng ban pynrem ïa ki jaitbynriew. Nga la pynbeit ïa la ka jingmut ban lumlang ïa ki jaitbynriew bad ki hima khnang ban shah ïa ki ban sngew ïa ka bor ka jingbitar jong nga. Ïa ka pyrthei baroh kawei yn pynjot da ka ding ka jingbitar shla jong nga.

KA BAIBL

⁸ “Namar kata, phin ap ïa nga,” ong U Trai, “haduh kata ka sngi ba ngan ïeng ïa ka jinglute: naba ka jingthmu jong nga ka long ba ngan ïalum ïa ki jaid bynriew, ba ngan lum lang ïa ki hima, ïa ka ban theh halor jong ki ïa ka jingbitar jong nga, wat ïa ka jingbitar ba-meh ding jong nga baroh; naba yn jliah ïa ka pyrthei baroh da ka ding ka jingsatnud jong nga.

SEPHANAÏAH 3:8 ပူးပေါင်းရင်းမြစ်များ

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 123:2

Kumba u shakri u shaniah ha la u kynrad, kumba ka shakri ka shaniah ha la ka kynrad, kumta ngin ïai peit sha me, A Trai U Blei jong ngi, haduh ba men da leh-isynei ïa ngi.

SALM 27:14

To shaniah ha U Trai, to ngeit, wat duh jingkyrmen. To shaniah ha U Trai.

SALM 37:34

Buh ïa ka jingkyrmen jong phi ha U Trai, bad kohnguh ïa ki hukum jong u, un pyndonburom ïa phi da kaba ai kynti ha phi ïa ka ri, bad phin ïohi ïa u bymman ba la beh noh.

SALM 37:7

To ïaishah bad ap ïa U Trai ba un trei; wat pynkhuslai namar kito kiba manbha, lane ïa kito kiba jop ha ki buit sniew jong ki!

SALM 62:1

Nga ap da ka jingïaishah slem ïa U Blei ban pynim ïa nga; nga shaniah tang ha u hi.

SALM 62:5

Nga shaniah tang ha U Blei hi; nga buh ïa la ka jingkyrmen ha u.

SALM 79:5

A Trai, Hato men bitar ïa ngi shi junom? Hato ka jingbitar jong me kan bteng ban pluh kum ka ding?

SALM 79:6

To pynphai ïa ka jingbitar jong me ha ki jaitbynriew ki bym mane ïa me, halor ki briew ki bym ju duwai sha me.

PROBERB 20:22

Wat shim ha lade ban siew kylliang ïa kaba sniew. Shaniah ha U Trai bad un pynlong ïa ka kaba dei.

JINGRWAI SOLOMON 8:6

Khang ïa ka dohnud jong phi sha kano kano ka jingieit lait noh ka jong nga; wat bat ïano ïano ha ki kti jong phi lait na nga. Ka jingieit ka long kaba khlaiñbor kum ka jingïap; ka jingkwah kaba khlaiñ kum ka jingïap hi. Ka bthei ban kem ding bad ka ing kum ka ding baklang.

ISAÏAH 14:26

Kane ka dei ka jingthmu jong nga ïa ka pyrthei, bad ka ïa ka kti jong nga la kner ban pynshitom ïa ki jaitbynriew.”

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 34:2

U Trai u bitar ïa baroh ki hima bad baroh ki kynhun shipai jong ki. U la pynrem ïa ki sha ka jingjot.

ISAÏAH 63:6

Ha ka jingbitar jong nga, nga ïuhroit ïa ki jaitbynriew baroh bad nga lynthaw ïa ki. Nga la theh ïa ka snam jong ki ha madan.”

JEREMAÏAH 10:25

Pynphai ïa ka jingbitar jong me halor ki jaitbynriew ki bym mane ïa me bad halor ki briew kiba kyntait ïa me. Ki la pynïap ïa ki briew jong me; ki la pynjot khoit ïa ngi bad iehnoh ïa ka ri jong ngi ha ka jingjot jingpra.

HOSIA 12:6

Kumta mynta, ko ki khun ki ksiew u Jakob, shaniah ha U Blei jong phi bad wan phai pat sha u. Long kiba ïaineh bad kiba lehhok, bad ap da kaba ïaishah ïa U Blei jong phi ban leh.

JOEL 3:2

Ngan lumlang ïa baroh ki jaitbynriew bad wallam ïa ki sha ka Them jong ka Jingbishar. Hangta ngan bishar ïa ki na ka bynta baroh kaba ki la leh ïa ki briew jong nga. Ki la pynsakma ïa ki Israel sha ki ri nongwei bad ki la phiah ïa ka Israel, ka ri jong nga.

MIKAH 7:7

Hynrei ngan ap khmih ïa U Trai; ngan ap skhem ïa U Blei, u ban pyllait im ïa nga. U Blei jong nga un sngew ïa nga.

HABAKKUK 2:3

To buh ha ka jingthoh, namar kam pat dei ka por ba kan urlong. Hynrei ka por ka wan kloi, bad kaei kaba nga pyn-i ha me kan urlong. Ka i kumba ka wan suki jai, hynrei to ap ïa ka; kan sa jia long shisha, bad yn ym pyntud ïa ka.

SEPHANAÏAH 1:18

Ha ka sngi haba U Trai un pyn-i ïa ka jingbitar shla jong u, wat ka rupa bad ka ksiar jong ki baroh kan ym lah ban pynim ïa ki. Ïa ka pyrthei baroh kawei yn pynjot da ka ding ka jingbitar jong u. Un pynkut — ka jingkut kaba kynsan — ïa uwei pa uwei uba im ha ka pyrthei.

HAGGAI 2:22

bad pynkyllon ïa ki hima bad pynkut ïa ka bor jong ki. Ngan pynkylla khongpong ïa ki kali ïapom bad ïa ki nongñiah jong ki; ki kulai kin ïap, bad ki nongshong kulai kin ïa-pynïap para ma ki.

MATHAÏOS 25:32

bad ïa ki briew jong ki jaitbynriew baroh yn lumlang ha khmat jong u. Nangta un phiah ïa ki ha ki ar kynhun, kumba u nongaplangbrot u pynïakhlad ïa ki langbrot na ki blang.

2 PETROS 3:10

Hynrei ka Sngi jong U Trai kan wan kum u nongtuh. Ha kata ka Sngi, ki bneng kin jah noh lem bad ka jingsawa kaba jam, ki metbneng kin ing duh bad yn pynjot, bad ka pyrthei lem bad kiei kiei baroh kiba don ha ka kin jah rngai.

JINGPYNPAW 16:1

Nangta nga la ïohsngew ïa ka sur kaba jam kaba kren na ka Templ, ha ki hynñiew ngut ki angel: “Khie leit bad theh noh ïa ki hynñiew tylli ki pliang jong ka jingbitar U Blei ha ka pyrthei!”

JINGPYNPAW 16:14

Ki long ki mynsiem jong ki ksuid kiba leh ïa ki kambah. Kine lai tylli ki mynsiem ki leit noh sha ki syiem baroh jong ka pyrthei, ban lumlang ïa ki na ka bynta ka thma ha ka Sngi kaba khraw jong U Blei Badonbor Baroh.