SEPHANAÏAH 3:7 - Khasi CL Bible (BSI)

⁷ Nga la pyrkhat ba kumta ki briew jong nga kin da la ñiewkor ïa nga bad pdiang ïa ka jingsneng pynbeit jong nga, ba kin ym da la klet ïa ka jinghikai kaba nga la hikai ïa ki. Hynrei shen shen ki la leh bymman kumba ki ju leh.

KA BAIBL

⁷ Nga la ong, ‘Shisha phan sheptieng ïa nga, phan pdiang ïa ka jingsneng; ba kumta ïa ka jaka shong jong ka yn ym ot noh, katba kum ïa kiei kiei baroh ba nga la buh shaphang jong ka:’ pynban, ki la khie dang step bad ki la pynpyut ïa la ki jingleh baroh.

SEPHANAÏAH 3:7 ပူးပေါင်းရင်းမြစ်များ

JENESIS 6:12

U Blei u la khmih ïa ka pyrthei bad u la ïohi ba ka la sniew, namar ki briew baroh ki la im ka jingim kaba sniew.

2 KHRONIKL 33:11

Kumta U Trai u shah ïa ki rangbah shipai jong ka kynhun shipai Assyria ban tur ïaleh ïa ka Judah. Ki la kem ïa u Manasseh, ki pyndait jingbnoh ha u, ki teh ki kynjri ïa u, bad ïalam ïa u sha Babilon.

Ka Kitab U Job 36:10

U pynlong ïa ki ban shahshkor ïa ka jingmaham jong u, ban phai noh na ka jingbymman.

SALM 32:8

U Trai u ong, “Ngan hikai ïa me ïa ka lynti ha kaba me dei ban leit; ngan hikai ïa me bad ai jingmut ïa me.

PROBERB 19:20

Lada phi shahshkor ïa ka jingai jingmut bad phi kloi ban shah hikai, ha kawei ka sngi phin long uba stad.

ISAÏAH 5:4

Don kano kano kaba ngam shym la leh ïa ka? Te balei ka pynmih ki sohwaiñ kiba jew bad ym kiba bha kumba nga la khmih lynti?

ISAÏAH 63:8

U Trai u ong, “Ki long ki briew jong nga kin ym shukor ïa nga.” Bad kumta u la pyllait im ïa ki na ki jingjynjar jong ki baroh.

JEREMAÏAH 17:23

Ki kpa tymmen jong ki kim shym la shahshkor ïa nga lane pynleit jingmut ei ei. Pynban ki la kylla long kiba mutlop; kin ym kohnguh ïa nga lane ïoh jinghikai na nga.

JEREMAÏAH 25:5

Ki la ïa-ong ïa phi ban phai noh na ka lynti ka jingim bymman jong phi bad na kiei kiei kiba sniew ba phi leh, khnang ba phi lah ban leit ban ïoh shong ha kata ka ri ba U Trai u la ai ha phi bad ha ki kpa tymmen jong phi kum ka jingïohkynti baneh.

JEREMAÏAH 36:3

Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

JEREMAÏAH 38:17

Te nga la ong ha u Sedekaïah ba U Trai Badonbor Baroh, U Blei ki Israel, u la ong, “Lada phi pyndem ha ki rangbah pynïaidkam jong u syiem ka Babilonia, ïa ka jingim jong phi yn tyngkai, bad ïa kane ka nongbah yn ym thang noh. Ïa phi bad ïa ka longïing jong phi yn pyllait im.

JEREMAÏAH 6:8

Ko ki briew ka Jerusalem, ai ba kine ki jingjynjar kin long ka jingmaham ïa phi, lymda kumta ngan iehnoh ïa phi; ngan pynkylla ïa ka nongbah jong phi sha ka ri shyiap, ka jaka ha kaba ym don mano mano bashong basah.”

JEREMAÏAH 7:7

Lada phi kylla, ngan shah ïa phi ban ïaisah hangne hapoh ka ri kaba nga la ai ha ki kpa tymmen jong phi kum ka jingdon jingem kaba neh.

JEREMAÏAH 8:6

Nga la shahshkor biang biang, hynrei phim shym kren ïa ka jingshisha. Ym don mano mano na phi uba la sngewsih ïa la ka jinglong basniew; ym don mano mano na phi uba la kylli, ‘Nga la leh bakla aïu?’ Uwei uwei baroh u ïai ïaid ha la ka lynti, kum u kulai uba pynstet sha ka thma.

HOSIA 9:9

Ki la long sniew khlem jingkyrmen ha kaei kaei kaba ki leh, kumba ki la long ha Gibeah. U Blei un kynmaw ïa ka pop jong ki, bad un pynshitom ïa ki na ka bynta kata.

SEPHANAÏAH 3:2

Kam shym la pynshahshkor ïa U Trai lane pdiang ïa ka jingsneng pynbeit jong u. Kam shym la buh ïa la ka jingshaniah ha U Trai lane kyrpad ïa ka jingïarap jong u.

DEUTERONOMI 4:16

Te, na ka bynta ka jingbha jong phi hi, sumar ba phin ym leh pop da kaba thaw na ka bynta ïa lade kano kano ka durblei — la ka long ka dur u briew lane ka briew,

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

2 PETROS 3:9

U Trai um pyntud ban leh ïa kaei kaba u la kular, kumba don kiba pyrkhat. Pynban, u long uba ïaishah slem bad phi, namar um kwah ïano ïano ban jot noh, hynrei u kwah ba baroh kin phai noh na ki pop jong ki.