SEPHANAÏAH 3:6 - Khasi CL Bible (BSI)

⁶ U Trai u ong, “Nga la pynduh lut ïa ki jaitbynriew baroh; nga la pynjot ïa ki nongbah jong ki bad iehnoh ïa ki kynroh bad ïa ki kut jong ki ha ki jingjot. Ki nongbah ki la shah iehnoh; ki lynti bah ki thylli — ym shym pynsah ïa uwei ruh.

KA BAIBL

⁶ “Nga la ot noh ïa ki jaid bynriew, ki kut jong ki long ki jaka kynjah; nga la pynjot noh ïa ki lynti shnong jong ki, ba ym don ba ïaid ha ki: ïa ki nongbah jong ki la pynduh, haduh ba ym don briew, ba ym don uba shong shnong shuh.

SEPHANAÏAH 3:6 ပူးပေါင်းရင်းမြစ်များ

ISAÏAH 14:26

Kane ka dei ka jingthmu jong nga ïa ka pyrthei, bad ka ïa ka kti jong nga la kner ban pynshitom ïa ki jaitbynriew.”

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

JEREMAÏAH 9:12

Nga la kylli, “Ko Trai, balei ka ri ka ha ka jingjot jingpra bad ka tyrkhong kum ka ri shyiap, ba ym don mano mano ba leit jingleit lyngba jong ka? Uei uba stad eh ban shemphang ïa kane? Hano me la batai ïa ka ba u lah ban ïathuh ha kiwei pat?”

LEBITIKOS 26:31

Ha ka jingijli bakhraw, ngan pynjot thiaw ïa ki shnong jong phi, ngan pynpra ïa ki jaka mane blei jong phi, bad ngan kyntait ïa ki jingkñia ainguh jong phi.

SEPHANAÏAH 2:5

Ma phi ki Philistia phi long kiba la tim, phi ki briew kiba shong basah ha shi lynter jong ka rud duriaw. U Trai u la ai ka rai bishar halor jong phi. Un pynjot ïa phi, bad yn ym pynsah ïa uwei ruh.

SEKHARAÏAH 7:14

Kum ka 'erïong nga la sar noh ïa ki ban shong ban sah ha ki ri nongwei. Ïa kane ka ri babha la iehnoh kynjah ïa ka, khlem don mano mano bashong ba sah hangta.”

MATHAÏOS 23:38

Bad kumta ïa ka Templ jong pha yn iehnoh bad kan long kaba thylli.

1 KORINTH 10:11

Kine kiei kiei baroh ki la jia ha ki kum ki nuksa ïa kiwei pat, bad la thoh ïa kine kum ka jingmaham ïa ngi. Naba ngi im ha ka por ba kaba kut ka la jan poi.

1 KORINTH 10:6

Mynta, kane baroh ka long ka nuksa ïa ngi, ban maham ïa ngi ban ym kwah brai ïa kiei kiei kiba sniew, kumba ki la leh, lymne mane ïa ki bleithaw, kumba don na ki kiba la leh kumta.

JOSHUA 23:4

Nga la ai kum ka jingïohkynti jong ki jait jong phi ïa ka ri jong kita ki jaitbynriew kiba dang sah, lem bad ka jong kito ki jaitbynriew kiba nga la dep jop, naduh ka wah Jordan ha ka phang mihngi haduh ka Duriaw Mediterranian ha ka phang sepngi.