SEPHANAÏAH 3:16 - Khasi CL Bible (BSI)

¹⁶ Ka por ka poi haba kin ong ïa ka Jerusalem, “Wat sheptieng, ko ka nongbah Seïon! Wat ai ba ki kti jong pha kin noh kyrwep!

KA BAIBL

¹⁶ Ha kata ka sngi, yn ong ha ka Jerusalem, “Wat sheptieng, ko Seïon, wat pynjem ïa la ka kti.

SEPHANAÏAH 3:16 ပူးပေါင်းရင်းမြစ်များ

Ka Kitab U Job 4:3

Me la hikai ïa kiba bun ki briew bad me pynkhlaiñ ïa ki kti kiba tlot.

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

ISAÏAH 40:9

Ko Jerusalem, leit kiew sha u lumbah bajrong bad to pynbna ïa ka khubor babha! To kyang da ka sur bajam, ko Seïon; to pynbna ka khubor babha! To kren bad wat sheptieng. Ïathuh ïa ki shnong ka Judah ba U Blei jong ki u la wan!

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 44:2

Nga long U Trai uba la thaw ïa phi; naduh ka por ba la kha ïa phi, nga la ïarap ïa phi. Wat sheptieng; phi long u shakri jong nga, ki briew ba la jied jong nga kiba nga ieit.

ISAÏAH 54:4

Wat nym sheptieng — phan ym shah pynlehrain biang; phan ym shah pynjahburom. Phan klet noh ïa ka jingbymlongkhuid kum ka tnga ba dang kham samla, bad ïa ka jinglong marwei ba shah ibeiñ kum ka riewkynthei.

JOEL 2:21

“Ko ki lyngkha, wat sheptieng, hynrei to risa bad lehkmen namar baroh kaba U Trai u la leh ïa phi.

SEKHARAÏAH 8:13

Ko ki paid Judah bad Israel! Ha ki por ba-mynshuwa ki nongwei ki ïatim iwei ïa iwei pat da kaba ong, ‘Ai ba kijuh ki jingpynjot kiba la hap ha Judah bad Israel kin hap halor jong phi!’ Hynrei ngan pynim ïa phi, bad nangta kito ki nongwei kin ong iwei ïa iwei pat, ‘Ai ba phin ïohpdiang ïa kijuh ki jingkyrkhu kiba la wan ha ka Judah bad Israel!’ Kumta to long shlur bad wat sheptieng.”

SEKHARAÏAH 8:15

Hynrei mynta nga pynkhreh ban kyrkhu ïa ki paid ka Jerusalem bad Judah. Kumta wat sheptieng.

ÏOANNIS 12:12

Ha ka sngi kaba bud, u paidbah byllien uba la wan sha ka Jingkhawai Niam Ka Jinglait u la ïohsngew ba U Jisu u dang wan sha Jerusalem.

2 KORINTH 4:1

U Blei ha ka jingisynei jong u, u la ai ha ngi ïa kane ka kam ban trei, bad kumta ngim shym la noh mynsiem.

GALATIA 6:9

Kumta to ai ba ngin ym man thait ha kaba lehbha; namar lada ngim duh bor noh, ka por kan poi ha kaba ngin lum ïa ka jingot.

EPHESOS 3:13

Nga kyrpad ïa phi, te ban ym noh mynsiem namar nga shahshitom na ka bynta jong phi; ka dei na ka bynta ka jingmyntoi jong phi baroh.

HEBRU 12:12

Te to rah ïa ki kti ba la thait jong phi, bad pynkhlaiñ ïa ki khohsiew kiba la kyiuh jong phi!

JINGPYNPAW 2:3

Pha long kaba ïaishah, pha la shahshitom na ka bynta jong nga, bad pham shym la kynran dien.