SEPHANAÏAH 3:1 - Khasi CL Bible (BSI)

¹ Ka Jerusalem ka long kaba la tim, kata ka nongbah kaba ijli, kaba ïeng ïaleh pyrshah, kaba banbeiñ ïa la ki jong ki briew.

KA BAIBL

¹ Kordit ïa kata kaba kiat bad kaba tngit, ïa kata ka nongbah kaba banbeiñ!

SEPHANAÏAH 3:1 ပူးပေါင်းရင်းမြစ်များ

ISAÏAH 30:12

Hynrei kane ka dei kaei kaba U Blei Bakhuid ki Israel u ong: “Phi kyntait ïa kaei kaba nga ong ïa phi bad phi shaniah ha ka jingleh jubor bad ka jingshukor.

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

ISAÏAH 59:13

Ngi la ïeng ïaleh pyrshah ïa me, kyntait ïa me, bad ngim treh ban bud ïa me. Ngi la banbeiñ ïa kiwei bad phai lyndet na me. Ki jingmut jong ngi ki long kiba bakla; ki ktien jong ngi ki long kiba lamler.

ISAÏAH 59:6

Hynrei ki jingïasylla jong phi kim wanrah jingbha ei ei ïa phi — ki long bymlarkam kum ka jaiñphong ba la thain da ka snur thapbawa!

JEREMAÏAH 22:17

Hynrei me lah ban ïohi tang ïa la ki jingmyntoi shimet; me pynïap ïa kiba lui lui, bad me banbeiñ tyngeh ïa la ki briew. U Trai u la kren.

JEREMAÏAH 5:23

Hynrei ma phi ki briew! Phi long kiba eh ryndang bad kiba ïeng ïaleh pyrshah; phi la phai noh sharud bad iehnoh ïa nga.

JEREMAÏAH 6:6

U Trai Badonbor Baroh u la hukum ïa kine ki syiem ban khet ïa ki dieng bad ban shna ki kynton khnang ban kerkut ïa ka Jerusalem. U la ong, “Ngan pynshitom ïa kane ka nongbah namar ka la dap da ka jingbanbeiñ.

JEREMAÏAH 6:7

Kumba ka pukri ka pynneh sngur ïa ka um jong ka, kumta ruh ka Jerusalem ka pynneh ïa ka jingsniew jong ka. Nga ïohsngew ïa ka jingleh jubor bad ka jingpynjot hapoh ka nongbah, ka jingpang bad ki jingmong ki long baroh kiba nga ïohi.

ESEKIEL 22:29

Kiba riewspah ki shukor bad ki lute. Ki leh bymdei ïa kiba duk bad ki shim kabu ïa ki nongwei.

ESEKIEL 22:7

Ym don uwei ruh ha ka nongbah uba burom ïa la ki kmie ki kpa. Phi shukor ïa ki nongwei bad shim kabu ïa ki riewkynthei bad ki khunswet.

ESEKIEL 23:30

Pha la long ka nuti ïa ki jaitbynriew bad pynjakhlia ïa lade bad ki bleithaw.

LEBITIKOS 1:16

Un khlaw noh ïa u khu bad baroh kat kiba don ha u, bad un bret ïa ki ha ka jaka theh dpei kaba shaphang mihngi na kata ka duwan.

AMOS 3:9

To pynbna ha kito kiba shong ha ki ïingsyiem ha Ijipt bad Ashdod: “Ïalumlang ha ki lum sawdong ka Samaria, bad peit ïa ka jingkhynwin kaba khraw bad ka jingbymman ba la leh hangta.”

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

MIKAH 2:2

Haba ki ikwah ïa ki lyngkha, ki shu knieh ïa ki; haba ki ikwah ïa ki ïing, ki shu shim ïa ki. Ym don ka longïing ne ka jingdon jingem jongno jongno kaba shongshngain.

SEKHARAÏAH 7:10

Wat banbeiñ ïa ki riewkynthei, ki khunswet, ki nongwei kiba shong basah hapdeng jong phi, lane mano mano kiwei pat kiba kyrduh. Bad wat pyrkhat ïa ki rukom ban pynmynsaw iwei ïa iwei pat.’

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.