SEPHANAÏAH 2:9 - Khasi CL Bible (BSI)

⁹ Kumba shisha nga long U Trai uba im, U Blei jong ka Israel, nga smai ba ka Moab bad ka Ammon kin shah pynjot kum ka Sodom bad Gomorrah. Kin long ka jaka jong ki thliew mluh bad ki jingjot bymjukut, kaba la tap da ki ñiut. Kito na ki briew jong nga kiba lait im kin lute ïa ki bad shim ïa ka ri jong ki.”

KA BAIBL

⁹ Namar kata, katba nga im,” ong U Trai ki paid, U Blei ki Israel, “da shisha u Moab un long kum ka Sodom, bad ki khun u Ammon kum ka Gomorra, ka jaka ki teiñthap, bad ki thliew mluh, bad ka jaka kynjah junom: kita kiba sah na ki briew jong nga kin lute ïa ki, bad kiba sah na ka jaid bynriew jong nga kin ïoh kynti ïa ki.”

SEPHANAÏAH 2:9 ပူးပေါင်းရင်းမြစ်များ

ISAÏAH 11:14

Ryngkat lang kin tur ïaleh ïa ki Philistia ha ka phang sepngi bad lute ïa ki briew kiba shong ha ka phang mihngi. Kin hiarthma ïa ki briew jong ka Edom, bad ka Moab, bad ki briew jong ka Ammon kin kohnguh ïa ki.

ISAÏAH 25:10

U Trai un ïada ïa u Lum Seïon, hynrei ki briew jong ka Moab kin shah ïuhroit, kumba ïa u phlangïap la ïuh haba shna sboh.

ISAÏAH 49:18

Khmih baroh sawdong bad peit kaei kaba jia! Ki briew jong pha ki ïalumlang — ki ïawan sha la ïing! Kumba nga long U Blei uba im, phan sngewsarong ïa la ki briew, kumba sngewsarong ka nongleitkurim ïa la ki mawlynnai.

JEREMAÏAH 46:18

Ma nga, U Trai Badonbor Baroh, nga long u syiem. Nga long U Blei Uba im. Kumba u lum Tabor u ïeng kynjang tam ïa ki lum bad u lum Karmel u ïeng hajrong tam ïa ka duriaw, kumta kan long ka jingkhlaiñ jong uta uba tur ïaleh ïa me.

JEREMAÏAH 48:1

Kane ka dei kaei kaba U Trai Badonbor Baroh u ong shaphang ka Moab: “Isynei ïa ki briew jong ka Nebo — ïa ka shnong jong ki la pynjot! La kurup ïa ka Kiriathaim, ïa ka kut baskhem la pynpra, bad ïa ki briew jong ka la pynlehrain; ka burom jong ka Moab ka la jah noh.

JEREMAÏAH 49:1

Kane ka dei kaei kaba U Trai u ong shaphang ka Ammon: “Shano ki rangbah ka Israel? Hato ym don mano mano ban ïada ïa la ka ri? Balei ba ki shah ïa ki briew kiba mane ïa u Molekh kin shim ïa ki jaka jong ka jait Gad bad shongduh hangta?

JEREMAÏAH 49:18

Kajuh hi kan jia ïa ka Edom kumba ka la jia ïa ka Sodom bad Gomorrah, mynba ïa ki bad ïa ki shnong ba-marjan la pynjot. Yn ym don ban sah biang hangta. Ma nga, U Trai, nga la kren.

JEREMAÏAH 49:33

Ïa ka Hasor yn pynkylla ri shyiap junom, ka jaka ha kaba tang ki myrsiang kin im. Yn ym don mano mano shuh ban shong ban sah biang hangta. Ma nga, U Trai, nga la kren.”

JEREMAÏAH 50:40

Kajuh kaei kaei kan jia ïa ka Babilon kumba ka la jia ïa ka Sodom bad Gomorrah, haba nga la pynjot ïa ki bad ïa ki shnong kiba marjan. Yn ym don ba shong shuh hangta. Ma nga, U Trai, nga la kren.

AMOS 1:13

U Trai u ong, “Ki briew ka Ammon ki la ïai leh pop, bad na ka bynta kane ngan pynshitom da shisha ïa ki. Ha ki thma jong ki ban pynïoh bun ki jaka, ki la puid wat ïa ki kynthei kiba punkhun ha Gilead.

AMOS 2:1

U Trai u ong, “Ki briew jong ka Moab ki la ïai leh pop, bad na ka bynta kane ngan pynshitom da shisha ïa ki. Kim shym burom ïa ki shyieng u syiem Edom da kaba thang haduh ba kin da kylla dpei.

SEPHANAÏAH 2:14

Kan long ka jaka ha kaba ki kynhun jingri, ki masi, bad ki mrad ba bun jait kin dem. Ki dkhoh kin shong ha ki jingjot jong ka bad kin pah na ki jingkhangïit. Ki tyngab kin pah ha ki khmat jingkhang. Ïa ki dieng Kedar jong ki jingtei jong ka yn sloit noh.

SEPHANAÏAH 2:7

Ki paid ka Judah kiba lait im kin buhai ha ka ri jong phi. Kin pynbamphlang ïa ki kynhun langbrot jong ki hangta bad thiah hapoh ki ïing ka Ashkelon. U Trai U Blei jong ki un long lem bad ki bad un pynlong ïa ki ban manbha pat.

SEPHANAÏAH 3:13

Ki paid Israel kiba lait im kin ym leh kano kano ka bym dei ïano ïano, kin ym ïathuh lamler, lymne pyrshang ban shukor. Kin manbha bad shongshngain, kin ym sheptieng ïano ïano.”

SEKHARAÏAH 2:13

To pynjar jar, uwei pa uwei baroh, ha ka jingdon ryngkat jong U Trai, namar u wan na ka jaka shong kaba khuid jong u.

JINGKHEIÑ 14:21

Hynrei nga kular skhem ba kumba nga long uba im bad kumba ka jingdon jong nga ka dap ïa ka pyrthei baroh,

Ka Shithi U Paul Sha Ki Nong Rom 14:11

Naba ka Jingthoh Bakhuid ka ong, “Kumba da shisha nga long U Blei ba-im, ong U Trai, baroh kin dem khohsiew ha khmat jong nga, bad baroh kin phla ba nga long U Blei.”

DEUTERONOMI 29:22

“Ha ki pateng ki ban wan, ki khun ki ksiew jong phi bad ki nongwei na ki ri kiba jngai kin ïohi ïa ki jingpynjot bad ki jingshah shitom ba U Trai u la pynngat ha ka ri jong phi.

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.