SEPHANAÏAH 2:5 - Khasi CL Bible (BSI)

⁵ Ma phi ki Philistia phi long kiba la tim, phi ki briew kiba shong basah ha shi lynter jong ka rud duriaw. U Trai u la ai ka rai bishar halor jong phi. Un pynjot ïa phi, bad yn ym pynsah ïa uwei ruh.

KA BAIBL

⁵ Kordit ïa phi kiba shong harud ka duriaw, ka jaid ki Khereth! Ka ktien U Trai ka long pyrshah ïa phi, A ka Kanaan, ka ri ki Philistia; ngan pynjot ïa pha, haduh ba ym don bashong ha pha shuh.

SEPHANAÏAH 2:5 ပူးပေါင်းရင်းမြစ်များ

ISAÏAH 14:29

Ko ki briew ka Philistia, u dieng uba la tied ïa phi u la kheiñ, hynrei phim don kano kano ka daw ban shadkmen. Haba uwei u bseiñ u ïap, uwei pat uba kham sniew u wan ha ka jaka jong u. Ka pylleng bseiñ ka pynmih ïa u Ïakjakor uba her.

ISAÏAH 14:30

U Trai un long u nongaplangbrot ïa kiba duk jong ki briew jong u bad un shah ïa ki ban shong ha ka jingshngain. Hynrei un phah ïa ka 'nemsniew kaba shyrkhei ha phi ki Philistia, bad un ym pynsah im ïa uno uno ruh na phi.

JEREMAÏAH 47:7

Kumno ka lah ban shongthait, haba nga la ai kam ïa ka ban leh? Nga la hukum ïa ka ban tur ïaleh ïa ka Ashkelon bad ïa ki briew kiba sah ha ki rud duriaw.”

ESEKIEL 25:16

Bad kumta nga pynbna ba ngan tur ïaleh ïa ki Philistia bad ban pynjah syndon ïa ki. Ngan pynjot ïa kiba sah baroh kiba dang im ha ki jaka madan ka Philistia.

AMOS 3:1

Ko ki paid Israel, to sngew ïa kane ka khubor kaba U Trai u la kren shaphang jong phi, ka jaitbynriew baroh kawei kaba u la wan ïalam na ka ri Ijipt;

AMOS 5:1

To shahshkor, ko ki paid Israel, ïa kane ka jingrwai leit ontep kaba nga rwai ha phi:

SEPHANAÏAH 1:11

To ïam bad to kyang haba phi ïohsngew ïa kane. Phi kiba shong basah ha ki bynta ba ha trai jong ka nongbah, namar baroh ki nongkhaïi kin ïap!

SEPHANAÏAH 3:6

U Trai u ong, “Nga la pynduh lut ïa ki jaitbynriew baroh; nga la pynjot ïa ki nongbah jong ki bad iehnoh ïa ki kynroh bad ïa ki kut jong ki ha ki jingjot. Ki nongbah ki la shah iehnoh; ki lynti bah ki thylli — ym shym pynsah ïa uwei ruh.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

MARKOS 12:12

Ki nongïalam jong ki Jiw ki la pyrshang ban kem ïa U Jisu, namar ki la tip ba u la ong ïa kane ka pharshi pyrshah ïa ki. Hynrei ki la sheptieng ïa u paidbah, kumta ki la iehnoh ïa u bad ki la leit noh.

JOSHUA 13:2

Baroh ka ri jong ka Philistia bad ka Geshur,

JOSHUA 13:3

kumjuh ruh ka ri jong ka Abbim ha ka phang bashathie (ka jaka naduh ka wahduid Shihor ha ki khappud jong ka Ijipt haduh khappud Ekron ha ka phang bashatei, ïa kaba la ñiew ba ka dei ka jong ki Kanaan; ki syiem Philistia ki la shong ha Gasa, Ashdod, Ashkelon, Gath, bad Ekron).

NONGBISHAR 3:3

Kito kiba dang sah ha kata ka ri ki long ki san ngut ki syiem Philistia, ki Kanaan baroh, ki Sidon, bad ki Hib kiba shong ha ki Lum Lebanon naduh u Lum Baal Hermon haduh ka Khim Hamath.

1 SAMUEL 30:14

Ngi la leit lute ïa ka ri ki Khereth ha ka bynta kaba shathie jong ka Judah bad ïa ka ri jong ka jait u Kaleb, bad ngi la thang ruh ïa ka Siklag.”