SEPHANAÏAH 1:4 - Khasi CL Bible (BSI)

⁴ “Ngan pynshitom ïa ki briew jong ka Jerusalem bad ka Judah baroh. Ngan pynjot ïa ka dien bakhatduh ka jingmane ïa u Baal hangta, bad ym don mano mano ban kynmaw wat ïa ki lyngdoh blei nongwei kiba shakri ïa u.

KA BAIBL

⁴ “Bad ngan kner ïa la ka kti halor ka Judah, bad halor ki nong Jerusalem baroh; bad ngan ot noh ïa kaba sah jong u Baal na kane ka jaka, bad ïa ka kyrteng ki Khemar lem bad ki lyngdoh:

SEPHANAÏAH 1:4 ပူးပေါင်းရင်းမြစ်များ

2 SYIEM 21:13

Ngan pynshitom ïa ka Jerusalem kumba nga la leh ïa ka Samaria, kumba nga la leh ïa u Ahab u syiem ka Israel bad ïa ki khun ki ksiew jong u. Ngan pynkhuid phar ïa ka Jerusalem na ki briew jong ka kumba khuid ka pliang ba la ñiad bad pyndem pyllup ïa ka.

2 SYIEM 23:12

Ïa ki duwan kiba ki syiem Judah ki la tei halor tnum ka ïingsyiem hajrong ka jaka sah u syiem Ahas, u syiem Josaïah u la pyntwa lut, ryngkat bad ki duwan ba la pynïeng da u syiem Manasseh ha ki ar tylli ki phyllaw jong ka Templ; u la pynlwet ïa ki duwan lyngkhot lyngkhai bad bret ïa ki sha ka Them Kidron.

2 KHRONIKL 34:4

Hapoh ka jingbthah jong u ïa ki duwan ha kaba la mane ïa u Baal la pynpra, bad ïa ki duwan jingiwbih hajan jong ki la pyntwa. Ki pynlwet kum ki pui pui ïa ki dur ka Asherah bad ïa kiwei ki bleithaw baroh bad nangta ki bret ïa u pui pui ha ki jingtep jong ki briew kiba la ai jingkñia ïa lade ha ki.

EKSODOS 15:12

Me kner ïa la ka kti kamon, bad ka khyndew ka nguid ïa ki nongshun jong ngi.

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 6:12

Ïa ki ïing jong ki yn ai noh ha kiwei, bad kumta kan long ïa ki lyngkha jong ki bad ki tnga jong ki. Ngan sa pynshitom ïa ki briew jong kane ka ri.

ESEKIEL 25:7

Namar ïa kaei kaba phi la leh, ngan aiti noh ïa phi sha ki kiwei ki jaitbynriew ki ban lute ïa phi bad pynjot ïa phi. Ngan pynjot lut ïa phi ba phin ym long shuh ka jaitbynriew lane ban don ka ri la ka jong. Te phin tip ba nga long U Trai.”

ESEKIEL 6:14

Ho-oid ngan kner ïa ka kti jong nga bad pynjot ïa ka ri jong ki. Ngan sa pynlong ïa ka, ka jaka shrah naduh ka ri shyiap bashathie shaduh ka nongbah Riblah kaba na shatei, khlem da map ïa kano kano ruh ka jaka bashong ki Israel. Te baroh kin sa tip ba nga long U Trai.”

HOSIA 10:5

Ki briew kiba shong ha ka nongbah jong ka Samaria kin sheptieng bad ïam sngewsih namar ka jingduh noh ïa u masi ksiar ha Bethel. Ma ki bad kita ki lyngdoh kiba shakri ïa u bleithaw kin ïam sngewsih namar jong u. Kin sa ïam pangnud haba yn law lyngkhuit ïa ka jingthaba rong ksiar jong u.

MIKAH 5:13

Ngan pynjot ïa ki bleithaw bad ki rishot maw bakyntang jong phi; phin ym mane shuh ïa kiei kiei kiba phi hi phi la thaw.

SEPHANAÏAH 2:11

U Trai un pynshyrkhei ïa ki. Un pynhiar ïa ki blei jong ka pyrthei sha ka bym long ei ei, bad kumta kawei pa kawei ka jaitbynriew kan mane ïa u, kawei kawei ha la ka jong ka ri.

SEPHANAÏAH 2:13

U Trai un pyndonkam ïa ka bor jong u ban pynjot ïa ka Assyria. Un pynlong ïa ka nongbah Ninebeh ka jingjot ba la shah iehnoh, ka ri shyiap bym don um.