SEPHANAÏAH 1:16 - Khasi CL Bible (BSI)

¹⁶ ka sngi kaba dap da ka jingsawa ki turoi thma bad ka jingpyrta-thma jong ki shipai kiba tur ïaleh ïa ki nongbah ba la ker kynroh bad ïa ki kut bajrong.

KA BAIBL

¹⁶ ka sngi ka turoi bad ka jingmaham, pyrshah ïa ki shnong ba la ker kynroh, bad pyrshah ïa ki kut bajrong.

SEPHANAÏAH 1:16 ပူးပေါင်းရင်းမြစ်များ

AMOS 3:6

Hato ka turoi thma ka ju sawa ha ka nongbah khlem da pynlong ïa ki briew ban sheptieng? Hato ka jingjynjar ka ju ngat ha ka nongbah lymda U Trai u phah ïa ka?

HOSIA 8:1

U Trai u ong, “Pynsawa ïa ka jingmaham! Ki nongshun ki hiar kynsan shapoh ha ka ri jong nga kum ki pukni! Ki briew jong nga ki la pynkheiñ ïa ka jutang kaba nga la ïateh bad ki, bad ki la ïaleh pyrshah ïa ka jinghikai jong nga.

ISAÏAH 32:14

Wat ïa ka ïingsyiem yn iehnoh bad ka nongbah kan long kynjah jar. Ki ïing bad ki jaka ba la tei kut kiba ïada ïa ki kin don hapdeng ka jingjot junom. Ki kada khlaw kin ïashang hangta, bad ki langbrot kin shem ki jaka phlang hangta.

HABAKKUK 3:6

Haba u sangeh, ka pyrthei ka khih; u tang shu peit, ki jaitbynriew ki kyiuh. Ki lumbah ba bymjukut ki khih; ki lumrit baneh junom ki ngam shapoh, ki lumrit ha kiba u ju ïaid ha ki por mynbarim.

HOSIA 5:8

To put ïa ki turoi thma ha Gibeah! Pynsawa ïa ka jingkyrsiew ha Ramah! Pyrta jam shaphang ka thma ha Bethaben! Tur sha ka thma, ko ki rangbah Benjamin!

JEREMAÏAH 8:16

Ki nongshun jong ngi ki la da don hapoh ka nongbah Dan; ngi ïohsngew ïa ka jingsawa pynhiar mynsiem jong ki kulai jong ki. Ka ri baroh kawei ka khynñiuh haba ki kulai jong ki, ki pah. Ki nongshun jong ngi ki la wan ban pynjot ïa ka ri jong ngi bad ïa kiei kiei baroh kiba ha ka, ka nongbah jong ngi bad baroh ki briew jong ka.”

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

ISAÏAH 59:10

bad ngi tare ruma kum ki briew kiba matlah. Ngi jynthut ha ka por shiteng sngi, la kumba long mynmiet, la kumba ngi don ha ka pyrthei kaba dum jong kiba ïap.

DEUTERONOMI 28:52

Kin tur pyrshah ïa ki shnong jong phi baroh ha kata ka ri ba U Trai U Blei jong phi u ai ha phi, bad ki kynroh kiba jrong bad kiba skhem ha kiba ai jingshngain ïa phi kin kyllon.

ISAÏAH 27:13

Haba kata ka sngi kan wan, ïa ka turoi yn put ban khot pat na Assyria bad Ijipt ïa baroh ki Israel kiba don ha ka jinglongmraw hangta. Kin wan bad mane ïa U Trai ha Jerusalem, ha u lum bakyntang jong u.

JOEL 2:1

To put ïa ka turoi, to pynsawa ba don jingma ha Seïon, u lum bakyntang jong U Blei. To khynñiuh, ko ki paid Judah! Ka sngi jong U Trai shen kan sa wan.

JOSHUA 6:20

Kumta ki lyngdoh ki put ïa ki turoi. Uta u paidbah, u tang shu ïohsngew ïa kata, u la risa jam, bad kita ki kynroh ki la khyllem. Te ki shipai baroh ki leit beit beit sha u lum sha kata ka nongbah bad ki kurup ïa ka.

ESEKIEL 7:7

Kaba kut ka la wan ha phi ki briew kiba shong ha ka ri. Ka por ka la jan ha kaba yn ym don shuh ka jingïaleh kmen ha ki jaka mane ha ki lumbah, tang ka jingkulmar suda.