SEPHANAÏAH 1:12 - Khasi CL Bible (BSI)

¹² “Ha kata ka por ngan shim ïa ka sharak bad wad ïa ka Jerusalem. Ngan pynshitom ïa ki briew kiba sngewhun ha lade bad kiba sngewskhem, kiba ong ha lade, ‘U Trai um ju leh ei ei, kumne lane katai.’

KA BAIBL

¹² Te ha kata ka por, ngan wad ïa ka Jerusalem da ki sharak; bad ngan pynshitom ïa kita ki briew kiba la rben ha la ka jinglang, kiba ong ha la ka dohnud, ‘U Trai un ym leh ïa ka babha, lymne un ym leh ïa ka basniew.’

SEPHANAÏAH 1:12 ပူးပေါင်းရင်းမြစ်များ

Ka Kitab U Job 21:15

Ki pyrkhat bymdonkam ban shakri ïa U Blei lane ban don kano kano ka jingmyntoi ban duwai ha u.

SALM 10:4

U riewbymman um salia shaphang U Trai; ha ka jingsarong jong u, u pyrkhat ba U Blei um da donkam.

SALM 14:1

Kiba bieit ki ong ha lade, “Ym don Blei.” Ki baroh ki long kiba jakhlia, bad ki la leh ïa kiei kiei kiba shyrkhei; Ym don uwei ruh uba leh ïa kaba dei.

SALM 94:7

Ki ong, “U Trai um ym ïohi ïa ngi; U Blei ki Israel um ithuh ei ei.”

ISAÏAH 5:19

Phi ong, “Ai ba U Trai un pynstet bad leh ïa kaei kaba u ong ba un leh, ba kumta ngi lah ban ïohi ïa ka. Ai ba U Blei bakhuid ka Israel un pyndep ïa ki jingthmu jong u, to ngin khmih kaei u don ha ka jingmut jong u.”

JEREMAÏAH 10:5

Kiba kum kine ki bleithaw ki long kum ki jingpyntieng ïa ki sim ha ki lyngkha sohkhia; kim lah ban kren; la dei ban rah ïa ki namar kim lah ban ïaid. Wat sheptieng ïa ki: kim lah ban pynmynsaw ïa phi, bad kim lah ban lehbha ïa phi.”

JEREMAÏAH 48:11

U Trai u ong, “Ka Moab ka la ju long kaba shongshngain bad ym pat ju ïalam mraw ïa ka. Ka Moab ka long kum ka waiñ kaba la shu ieh kumta khlem pynkhih bad ka bym ju phylliew na uwei u klong sha uwei pat. Ïa ka jingsuhsieng jong ka ym pat shu pynsniew, bad ka jingmad jong ka, ka long kaba bang kumba ju long.

ESEKIEL 8:12

U Blei u la kylli ïa nga, “Ko khun u briew, me ïohi aïu ki rangbah Israel ki ïaleh ha kaba rieh? Baroh ki ïamane ha ka kamra kaba dap da ki dur bleithaw. Ka jingpynksan jong ki ka long: ‘U Trai um ïohi ïa ngi! U la iehnoh ïa ka ri.’ ”

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

ESEKIEL 9:9

U Blei u la jubab, “Ki paid Israel bad Judah ki la rem na ki pop kiba shyrkhei. Ki la pynïap briew ha ka ri baroh kawei bad ki pyndap ïa ka Jerusalem da ki kam runar. Ki ong ba ma nga, U Trai, nga la iehnoh ïa ka ri jong ki bad ngam ïohi ïa ki.

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

OBADAÏAH 1:6

Ko ki khun ki ksiew u Iso, ïa ki jingkynshew bakordor jong phi la lute.

MALAKHI 2:17

Phi la pynlwait ïa U Trai da ki jingkren jong phi. Hynrei phi kylli, “Da kumno ngi la pynlwait ïa u?” Da kaba ong, “U Trai Badonbor Baroh u pyrkhat ba baroh ki nongkamsniew ki long kiba bha; ha ka jingshisha u sngewtynnat ïa ki.” Lane da kaba kylli, “Hangno don U Blei uba dei ban long uba lehhok?”

2 PETROS 3:4

Kin ibeiñ ïa phi bad kin kylli, “U la kular ban wan, hato um shym la kular kumta? Hangno u don? Ki kpa tymmen ki la lah ïap, hynrei kiei kiei baroh ki dang ïaisah kumjuh kum mynba la pynlong ïa ka pyrthei!”

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.