SEKHARAÏAH 9:9 - Khasi CL Bible (BSI)

⁹ To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

KA BAIBL

⁹ “To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

SEKHARAÏAH 9:9 ပူးပေါင်းရင်းမြစ်များ

1 SYIEM 1:38

Kumta u Sadok, u Nathan, u Benaïah, bad ki nongïada syiem ki pynshong ïa u Solomon halor u khashor jong u Syiem Dabid bad ki la synran ïa u sha ka Umpohliew Gihon.

SALM 149:2

To kmen, ko Israel, namar u Nongthaw jong phi; to shadkmen, ko ki briew ka Seïon, na ka bynta u syiem jong phi!

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 45:1

Ki kyntien basngewtynnat ki pyndap ïa ka jingmut jong nga, katba nga dang thaw ïa kane ka jingrwai na ka bynta u syiem. Kum u khulom jong u nongthoh batbit u thylliej jong nga u la kloi ban thaw jingrwai.

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 30:6

Kane ka dei ka khubor jong U Blei shaphang ki mrad jong ka ri shyiap bashathie: “Ki nongkit 'tiensyiem ki ïaid lyngba ka ri bashyrkhei, ha kaba ki sing ki don bad ha kaba ki bseiñ kiba don bih bad ki Ïakjakor kiba her. Ki pynkit halor ki kada bad ki ut jong ki da ki jingai sngewbha baremdor na ka bynta ka hima ka bym lah ban ai ïa ki kano kano ka jingïarap.

ISAÏAH 33:22

Baroh ki tyllai teh ha kito ki liengbah kim don jingmyntoi; ki jaiñ pdiang lyer kim lah ban pyiar! Ngin knieh noh ïa baroh ka spah jong ki kynhun shipai nongshun, bad kan bun haduh katta katta ba wat ki briew kiba dkoh ruh kin ïa-ïoh bynta. U Trai hi da lade un long u syiem jong ngi; un synshar halor jong ngi bad un ïada ïa ngi.

ISAÏAH 40:9

Ko Jerusalem, leit kiew sha u lumbah bajrong bad to pynbna ïa ka khubor babha! To kyang da ka sur bajam, ko Seïon; to pynbna ka khubor babha! To kren bad wat sheptieng. Ïathuh ïa ki shnong ka Judah ba U Blei jong ki u la wan!

ISAÏAH 43:11

“Nga hi marwei nga long U Trai, uba tang marwei uba lah ban pynim ïa phi.

ISAÏAH 43:3

Naba nga long U Trai U Blei jong phi, U Blei bakhuid jong ki Israel, uba pynim ïa phi. Ngan kyntait ïa ka Ijipt ban pyllaitluid ïa phi; ngan kyntait ïa ka Sudan bad ka Seba.

ISAÏAH 45:21

Ale bad ai ïa ka kam jong phi ha ka ïingbishar; ai ba ki nongïasaid kin ïasyllok uwei ïa uwei pat. Mano ba la ïathuhlypa slem mynshuwa kaei ban jia? Hato ym dei ma nga, U Trai, U Blei uba pynim ïa la ki briew? Ym don uwei pat U Blei.

ISAÏAH 52:7

Katno ka long kaba phylla ban ïohi ïa u nonglamktien ba u wan na ki lumbah, u wanrah ïa ka khubor babha, ka khubor jong ka jingsuk! U pynbna ïa ka jingjop bad u ong ïa ka Seïon, “U Blei jong phi u long u syiem!”

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 62:11

Ba U Trai u la pynbna shaduh ka pyrthei baroh: “To ong ha ki paid ka Jerusalem ba U Trai un wan ban ïada ïa phi un wallam bad u ïa ki briew kiba u la pyllait im.”

JEREMAÏAH 30:9

Pynban, kin shakri ïa nga, U Trai U Blei jong ki, bad ïa uba hiarpateng na u Dabid, uba ngan pynshong ha ka khet kum u syiem.

ESEKIEL 21:32

Yn pynjot ïa phi da ka ding. Ïa ka snam jong phi yn pynmih ha la ka ri, bad yn ym don ba kynmaw shuh ïa phi.’ ” U Trai u la kren.

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

MIKAH 4:8

Bad ma pha, ko Jerusalem, ha kaba U Blei, kum u nongaplangbrot, u sumar ïa la ki briew, phan long pat sa shisien ka nongbah jong ka hima kaba la ju long ka jong pha.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

SEKHARAÏAH 2:10

U Trai u la ong, “To rwai da ka jingkmen, ko ki paid ka Jerusalem! Nga wan ban shong ban sah hapdeng jong phi!”

MATHAÏOS 1:21

Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

MATHAÏOS 11:29

To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

MATHAÏOS 2:2

“Hangno u don u khunlung uba la kha ban long u syiem jong ki Jiw? Ngi la ïohi ïa u khlur jong u mynba u la mih ha ka phang mihngi, bad ngi la wan ban mane ïa u.”

MARKOS 11:7

Ki la wallam ïa uta u kada ha U Jisu, ki la tap ïa ki jaiñkup jong ki halor uta u khun kada, bad U Jisu u la shong halor jong u.

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

ÏOANNIS 1:49

“Ko Nonghikai,” la jubab u Nathanael, “me long U Khun U Blei! Me long u Syiem ki Israel!”

ÏOANNIS 19:15

Ki la pyrta biang, “To pynïap noh ïa u! Pynïap noh ïa u! Sahnarphna ïa u!” U Pilat u la kylli ïa ki, “Phi kwah ïa nga ba ngan sahnarphna ïa u syiem jong phi?” Ki rangbah lyngdoh ki la jubab, “U syiem uba ngi don u dei tang u Patsha!”

NONGBISHAR 10:4

U don laiphew ngut ki khun shynrang kiba shong halor ki laiphew tylli ki kada. Ki don laiphew tylli ki nongbah ha ka ri Gilead, ïa kiba la dang khot ki nongrit u Jair.