SEKHARAÏAH 9:6 - Khasi CL Bible (BSI)

⁶ Ki briew ba ïakhleh jaitbynriew kin shong kin sah ha Ashdod. U Trai u ong, “Ngan pyndem lut ïa kine ki Philistia kiba sarong.

KA BAIBL

⁶ Bad u khun klim un shong ha Ashdod, bad ngan ot noh ïa ka jingsarong ki Philistia.

SEKHARAÏAH 9:6 ပူးပေါင်းရင်းမြစ်များ

EKLESIASTIS 6:2

U Blei un ai ha ngi ka spah, ka burom bad ka jingdon jingem, ho-oid baroh kaba ngi kwah, hynrei un ym shah ïa ngi ban ïoh lehkmen ïa ka. Pynban uwei pat u nongwei un ïoh lehkmen ïa ka. Ka long ka bymmyntoi, bad ka shu long ka bym dei.

ISAÏAH 23:9

U Trai Badonbor Baroh u la thmu ïa kata. U la thmu ïa kata khnang ban pynkut noh ïa ka jingsarong jong ki ha kaei kaba ki la leh bad ban pynpoh ïa ki rangbah ïa kiba la ñiewburom.

ISAÏAH 28:1

Ka hima Israel ka la kut! Ka burom jong ka, ka la jah kum ki pansngiat syntiew ha ki khlieh jong ki nongïalam buaid. Ïa ki khlieh basarong jong ki la pyniwbih bha, hynrei hangta ki ïathiah, ki buaid bhor.

JEREMAÏAH 47:1

Ha shuwa ba u syiem jong ka Ijipt un tur ïaleh ïa ka Gasa, U Trai u la kren ha nga shaphang ka Philistia.

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

AMOS 1:8

Ngan weng noh ïa ki nongsynshar jong ki nongbah ka Ashdod bad ka Ashkelon. Ngan pynshitom ïa ka nongbah Ekron, bad ïa baroh ki Philistia kiba dang sah kin ïap.”

SEPHANAÏAH 2:10

Kata ka long kumno ki briew jong ka Moab bad ka Ammon kin shah pynshitom na ka bynta ka jingsarong bad jingmeng jong ki bad na ka bynta ka jingkrenbeiñ ïa ki briew jong U Trai Badonbor Baroh.

SEPHANAÏAH 2:4

Yn ym iehnoh ïano ïano ha ka nongbah Gasa. La iehnoh ïa ka Ashkelon. Ïa ki briew jong ka Ashdod yn beh noh ha ka shiteng sngi, bad ïa ki briew jong ka Ekron yn beh noh na ka nongbah jong ki.

SEKHARAÏAH 9:5

Ka nongbah Ashkelon kan ïohi ïa kane bad kan sheptieng. Ka nongbah Gasa kan ïohi ïa kane bad kan shah ka jingshitom bakhraw. Kumta ruh kan long ka Ekron, bad ïa ki jingkyrmen jong ka yn pynkhynñiuh. Ka Gasa kan duh noh ïa u syiem jong ka, bad ïa ka Ashkelon yn ieh kynjah.

SEKHARAÏAH 9:7

Kin ym lah shuh ban bam ïa ka doh lem bad ka snam ha ka, lane ïa kiwei pat ki jingbam ba la mana. Baroh kiba lait im kin long ka bynta jong ki briew jong nga bad kin long kum ka kur ha ka jait Judah. Ka Ekron kan kylla long ka bynta jong ki briew jong nga, kumba ki Jebus ki la long.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”