SEKHARAÏAH 9:12 - Khasi CL Bible (BSI)

¹² To wan phai, phi kiba shah ringmraw kiba mynta phi la don ka jingkyrmen; to wan phai sha ka jaka jong phi kaba shngain. Mynta nga ong ïa phi ba ngan siew pat ar shah ïa phi da ka jingkyrkhu na ka bynta baroh kaba phi la shahshitom.

KA BAIBL

¹² To phai noh sha kata ka kut baskhem, phi ki nongsah byndi ba sah jingkyrmen: wat ha kane ka sngi, nga pynbna ba ngan pynburia ha pha ar shah.

SEKHARAÏAH 9:12 ပူးပေါင်းရင်းမြစ်များ

Ka Kitab U Job 42:10

Nangta, hadien ba u Job u la duwai na ka bynta ki lai ngut ki paralok jong u, U Trai u la pynriewspah biang ïa u bad u la ai ha u ar shah ban ïa kaba u la don mynshuwa.

ISAÏAH 24:22

U Blei un buh khapngiah ïa ki syiem kum ki koidi ha ka thliew. Un set ïa ki ha ka ïingbyndi haduh ka por jong ka jingpynshitom ïa ki.

ISAÏAH 38:18

Ym don uno uno ha ka pyrthei kiba ïap uba lah ban ïaroh ïa me; uba ïap un ym lah ban shaniah ha ka jinglonghok jong me.

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

ISAÏAH 49:9

Ngan ong ha kiba shah set byndi, ‘Leit ha kaba laitluid!’ bad ïa kito kiba don ha ka jingdum, ‘Wan sha ka jingshai!’ Kin long kum ki langbrot kiba bam phlang halor ki lumrit;

ISAÏAH 52:2

Kynther ïa lade, ko Jerusalem! Ïeng joit na u pui pui bad shong halor la ka khet! Law noh ïa ki kynjri kiba teh ïa pha, ki briew ba la shah khum jong ka Seïon!

ISAÏAH 61:7

Ki jinglehrain bad jingjahburom jong phi kin kut noh. Phin sa shong ha la ka jong ka ri, bad ka spah jong phi kan roi ar shah; ka jingkmen jong phi kan neh bymjukut.

JEREMAÏAH 14:8

Tang ma me, me long ka jingkyrmen jong ka Israel; me long uta uba la pyllait im ïa ngi na ka jingpynjot. Balei me long kum u nongwei ha ka ri jong ngi, kum u nongleit jingleit uba sah tang shi miet?

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 17:13

A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

JEREMAÏAH 31:17

Ka don ka jingkyrmen na ka bynta ka lawei jong phi; ki khun jong phi kin wan phai pat sha la ka ri. Ma nga, U Trai, nga la kren.

JEREMAÏAH 31:6

Ho-oid, ka por kan wan haba ki nongap kin khot ha ki lum ka Ephraim, ‘Ïa ngin ïaleit haduh Seïon, sha U Trai U Blei jong ngi.’ ”

JEREMAÏAH 50:28

(Ki nongphetwir ki la lait phet na Babilonia bad wan sha Jerusalem, bad ki ïathuh kumno U Trai U Blei jong ngi u siew kylliang na ka bynta kaei kaba ki nong Babilonia ki la leh ïa ka Templ jong u.)

JEREMAÏAH 51:10

U Trai u ong, “Ki briew jong nga ki pyrta, ‘U Trai u la pyn-i ba ngi la leh ïa kaba dei. Ïa ngin ïaleit bad ïathuh ïa ki briew jong ka Jerusalem ïa kaei kaba U Trai U Blei jong ngi u la leh.’ ”

ESEKIEL 37:11

U Blei u la ong ha nga, “Ko khun u briew, ki briew ka Israel ki long kum kine ki shyieng. Ki ong ba ki la tyrkhong, khlem kano kano ka jingkyrmen bad ym don shuh ka lawei.

HOSIA 2:15

Ngan ai pat ha ka ïa ki bri sohwaiñ jong ka, bad ngan pynlong ïa ka Them Jingshitom sha ka khyrdop ka jingkyrmen. Hangta kan sa phai ktien ïa nga kumba ka la leh mynba ka dang samla, mynba ka wan mihnoh na ka ri Ijipt.

JOEL 3:16

U Trai u kyrhuh na u lum Seïon; ka sur jong u ka byrthen na Jerusalem; ka khyndew bad ka suiñbneng ki khynñiuh. Hynrei un ïada ïa la ki briew.

MIKAH 4:8

Bad ma pha, ko Jerusalem, ha kaba U Blei, kum u nongaplangbrot, u sumar ïa la ki briew, phan long pat sa shisien ka nongbah jong ka hima kaba la ju long ka jong pha.

NAHUM 1:7

U Trai u long uba bha; u ïada ïa ki briew jong u ha ki por ka jingjynjar; u ri sumar ïa kito kiba phai sha u.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

HEBRU 6:19

Ngi don kane ka jingkyrmen kum u angkor ïa ki jingim jong ngi. Ka long kaba skhem bad kaba thikna, bad ka ïaid lyngba ka jingkah jong ka Templ ba kynja bneng shaduh ka kamra kaba kham shapoh.