SEKHARAÏAH 9:1 - Khasi CL Bible (BSI)

¹ Kane ka long ka khubor jong U Trai: U la rai pynshitom ïa ka ri Hadrakh bad ïa ka nongbah Damaskos. Ym tang ki jait Israel hynrei ka nongbah Syria ruh ka long ka jong U Trai.

KA BAIBL

¹ Ka jingkit ka ktien U Trai halor ka ri u Hadrakh, bad ka Damaskos kan long ka jaka shong jong ka: naba ka khmat u briew bad ka jong ki jaid Israel baroh ka peit sha U Trai:

SEKHARAÏAH 9:1 ပူးပေါင်းရင်းမြစ်များ

JENESIS 14:15

Hangta u pynbynta kynhun kynhun ïa la ki briew, u tur pyrshah ïa ki nongshun mynmiet, bad u jop ïa ki. U beh ruh ïa ki haduh Hobah, kaba shaphang shatei jong ka Damaskos, bad u la ïoh pat ruh ïa kat kaba ki la lute.

2 KHRONIKL 20:12

Me long U Blei jong ngi! Pynshitom ïa ki, naba ngim lah leh ei ei ruh em ha khmat jong kane ka kynhun shipai babun paid kaba tur ïaleh ïa ngi. Ngim tip kumno ngin leh, hynrei ngi phai sha me na ka bynta ka jingïarap.”

SALM 145:15

Baroh kiei kiei kiba im ki khmih da ka jingkyrmen sha me, bad me ai ïa ki ka jingbam haba ki donkam ïa ka.

SALM 25:15

Nga khmih sha U Trai ban ïoh jingïarap ha ki por baroh, bad u pyllait ïa nga na ki jingma.

ISAÏAH 13:1

Kane ka dei ka khubor shaphang ka Babilon, kaba u Isaïah u khun jong u Amos u la ïohpdiang na U Blei.

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

AMOS 1:9

U Trai u ong, “Ki briew ka Tyros ki la ïai leh pop, bad na ka bynta kane ngan pynshitom da shisha ïa ki. Ki la ring ïa u paidbah baroh sha ka jinglongmraw ha ka ri ki Edom, bad kim shym bat ïa ka jutang ka jingïalong paralok ba ki la ïateh.

AMOS 3:12

U Trai u ong, “Kumba u nongaplangbrot u shem pat sa tang ar tylli ki kjat, ne ka shkor jong ka langbrot ba u sing u la bam, kumta ruh yn pyllait im tang khyndiat ïa ki briew ka Samaria, kiba mynta ki shong shaniah ha ki jingthiah baremdor.

NAHUM 1:1

Kane ka long ka khubor shaphang ka Ninebeh, ka jingïathuh shaphang ka jingïohipaw kaba la ïohi da u Nahum, uba dei na Elkosh.

SEKHARAÏAH 4:10

Ki la noh mynsiem namar ka jingsuki jong ka jingïaid ka kam. Hynrei kin ïohi ba u Serubbabel u dang ïai tei ïa ka Templ, bad kin long kiba kmen.” U angel u la ong ha nga, “Ki hynñiew tylli ki sharak ki long ki hynñiew tylli ki khmat jong U Trai kiba khmih halor ka pyrthei baroh.”

SEKHARAÏAH 5:4

U Trai Badonbor Baroh u ong ba un phah shabar ïa kane ka jingtim, bad kan rung shapoh ka ïing jong uwei pa uwei u nongtuh bad sha ka ïing jong uwei pa uwei uba ïathuh lamler hapoh ka jingsmai. Kan ïaineh ha ki ïing jong ki bad ieh ïa ki ha ka jingjot.”

MALAKHI 1:1

Kane ka dei ka khubor kaba U Trai u la ai ha u Malakhi ban ïathuh ïa ki paid Israel.