SEKHARAÏAH 8:3 - Khasi CL Bible (BSI)

³ Ngan wan phai pat sha Jerusalem, ka nongbah bakhuid jong nga, bad ban shong ban sah hangta. Ïa ka yn tip kum ka nongbah baïaineh, bad ïa u lum jong U Trai Badonbor Baroh yn khot u lum bakyntang.

KA BAIBL

³ Kumne u ong U Trai: “Nga la wan phai sha ka Seïon, bad ngan shong sah hapdeng ka Jerusalem: bad ïa ka Jerusalem yn khot ‘Ka nongbah ka jingshisha’; bad ïa u lum U Trai ki paid, ‘U lum u bakhuid.’ ”

SEKHARAÏAH 8:3 ပူးပေါင်းရင်းမြစ်များ

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 48:1

U Trai u long uba khraw ïa uba dei ban ïaroh eh ha ka nongbah jong U Blei jong ngi, halor u lum bakyntang jong u.

EKSODOS 29:45

Te ngan shongduh hapdeng ki Israel bad ngan long U Blei jong ki.

ISAÏAH 1:21

Ka nongbah kaba shisien ka la long kaba lah ban shaniah ka la leh kum ka nuti! Ha kawei ka por ka la dap da ki rangbah bahok, hynrei mynta ki sah tang ki nongpynïap briew.

ISAÏAH 1:26

Ngan ai ha pha ki nongsynshar jong pha bad ki nongai jingmut kum kito kiba pha ju don slem bah mynshuwa. Nangta ïa ka Jerusalem yn khot ka nongbah bahok, baïaineh.”

ISAÏAH 11:9

Halor u Lum Seïon, u lum uba kyntang jong U Blei, yn ym don kano kano kaba pynmynsaw lane kaba sniew. Ka ri kan shlei da ka jingtip ïa U Trai kumba ki duriaw ki dap da ka um.

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 32:16

Ha kylleng ka ri, ïa ka hok bad ka jingbishar hok, yn pyndep.

ISAÏAH 60:14

Ki khun shynrang jong kito kiba la banbeiñ ïa pha kin sa wan ban dem khrup ban burom ïa pha. Baroh kito kiba la ju ibeiñ ïa pha kin dem ngon ha ki kjat jong pha. Kin khot ïa pha, ‘Ka Nongbah U Trai,’ ‘Ka Seïon, ka nongbah U Blei U Bakhuid ki Israel.’

ISAÏAH 65:25

Ki suri bad ki khunlangbrot kin ïabam lang, ki sing kin bam phlang, kumba bam ki masi, bad ki bseiñ kin ym long shuh ka jingma. Ha Seïon, u lum bakyntang jong nga yn ym don shuh ka jingma ne kaba sniew.”

ISAÏAH 66:20

Kin wallam pat ïa baroh ki para kur ki para jait jong phi na ki jaitbynriew baroh kum ka jingai sngewbha ïa nga. Kin wallam ïa ki sha u lum bakyntang jong nga ha Jerusalem ha ki kulai, ki khashor bad ha ki ut, bad ha ki kali ïapom bad ki kali kit jingkit, kumba ki Israel ki wanrah ïa ki jingainguh bam sha ka Templ ha ki khiew lehniam kiba khuid.

ISAÏAH 8:18

Nga don hangne bad ki khun kiba U Blei u la ai ha nga. U Trai Badonbor Baroh, uba ka khet jong u ka long halor u Lum Seïon, u la phah ïa ngi kum ki khubor ba-im sha ki paid Israel.

JEREMAÏAH 14:9

Balei me long kum u briew uba la shah shim kynsan, kum u shipai u bymdonbor ban ïarap? Da shisha, A Trai, me long bad ngi! ngi long ki briew jong me; wat iehnoh ïa ngi.’ ”

JEREMAÏAH 26:18

“Mynba u Hesekaïah u long u syiem ka Judah, u Mikah u nongïathuhlypa na Moresheth u la bthah ïa baroh ki briew ba U Trai Badonbor Baroh u la lah ong, “ ‘Ïa ka Seïon yn lur kum ka lyngkha, ka Jerusalem kan kylla ka kynton ki jingpra, bad u lum ka Templ un kylla khlaw.’

JEREMAÏAH 31:23

U Trai Badonbor baroh, U Blei ki Israel, u ong, “Haba ngan wallam pat ïa ki briew sha ka ri jong ki, sa shisien pat kin ong ha ka ri Judah bad ki shnong jong ka, “ ‘To U Trai un kyrkhu ïa u lum bakyntang jong ka Jerusalem, ka jaka bakhuid ha kaba u shong.’

JEREMAÏAH 33:16

Ïa ki briew ka Judah bad ka Jerusalem yn pyllait im bad kin im hapdeng ka jingshngain. Ïa ka nongbah yn khot ‘U Trai ka Jingpynim jong ngi.’

ESEKIEL 48:35

Ka lynter baroh jong ka kynroh ha baroh sawdong ka nongbah ka long khyndai hajar mitar. Ka kyrteng jong ka nongbah naduh mynta kan long, “U Trai U Don Hangne!”

DANIEL 9:16

Me la ïada ïa ngi ha kaba mynshuwa, kumta te to wat bitar shuh ïa ka Jerusalem. Ka long ka nongbah jong me, u lum bakyntang jong me. Baroh ki briew ha ki ri ba-marjan ki khmih beiñ ïa ka Jerusalem bad ïa ki briew jong me namar ki pop jong ngi bad ka jingbymman ba ki kpa tymmen jong ngi ki la leh.

JOEL 3:17

“Te ko Israel, phan sa tip ba nga long U Trai U Blei jong pha. Nga shong ha Seïon, u lum bakyntang jong nga. Ka Jerusalem kan long ka nongbah bakyntang; ki nongwei kin ym lah ban jop shuh ïa ka lano lano ruh.

MIKAH 4:1

Ha ki sngi ki ban wan u lumbah ha kaba ka Templ ka ïeng un long uba jrong tam na baroh, uba tyllep ïa ki lumrit baroh. Ki jaitbynriew kiba bun kin wan tuid sha u,

SEPHANAÏAH 3:13

Ki paid Israel kiba lait im kin ym leh kano kano ka bym dei ïano ïano, kin ym ïathuh lamler, lymne pyrshang ban shukor. Kin manbha bad shongshngain, kin ym sheptieng ïano ïano.”

SEKHARAÏAH 1:16

Kumta nga la wan phai pat sha Jerusalem ban pyn-i jingisynei ïa ka nongbah. Yn pynïeng pat ïa ka Templ jong nga, bad ïa ka nongbah yn tei pat.”

SEKHARAÏAH 12:6

“Ha kata ka por ngan pynlong ïa ki kur ka Judah kum ka ding ha ka khlaw lane ha ka lyngkha kew ba la ih — kin pynjot ïa ki jaitbynriew kiba don sawdong. Ki briew ka Jerusalem kin ïaisah ha ka jingshngain ha ka nongbah.

SEKHARAÏAH 14:10

Ïa ka thain baroh kawei naduh Geba ha ka phang bashatei bad shaduh Rimmon ha ka phang bashathie, yn pynmadan. Ka Jerusalem kan ïeng halor ka ri sawdong jong ka; ka nongbah kan kot naduh ka Khyrdop Benjamin shaduh ka Khyrdop Kyndong, ha kaba la ju don ka khyrdop ba-mynshuwa, bad na u Mot Hananel sha ki jaka khñiot waiñ jong u syiem.

SEKHARAÏAH 8:16

Kine ki long kiei kiei kiba phi dei ban leh. Kren ïa ka jingshisha iwei ïa iwei pat. Ha ki ïingbishar ai ïa ki jingbishar hok kiba shisha — kaba wanrah ïa ka jingsuk.

SEKHARAÏAH 8:19

“Ki jingshah jingit kiba la long ha u bnai basaw, uba san, uba hynñiew, bad uba shiphew kin kylla long ki Jingkhawai Niam ka jingkmen bad ka jingshadkmen ïa ki paid Judah. Phi dei ban ieit ïa ka jingshisha bad ka jingsuk.”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

KOLOSSAI 2:9

Naba ka jingdap pura jong ka jinglong Blei ka shong tylli ha U Khrist, ha ka jinglongbriew jong u, bad la ai ha phi ïa ka jingim ba-dap pura ha u.

JINGPYNPAW 21:10

U Mynsiem u la bat synshar ïa nga, bad u angel u la rah ïa nga sha kliar jong u lumbah uba jrong. U la pyn-i ha nga ïa ka Jerusalem, ka Nongbah Bakhuid, kaba da wan hiar na bneng na U Blei

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.