SEKHARAÏAH 8:16 - Khasi CL Bible (BSI)

¹⁶ Kine ki long kiei kiei kiba phi dei ban leh. Kren ïa ka jingshisha iwei ïa iwei pat. Ha ki ïingbishar ai ïa ki jingbishar hok kiba shisha — kaba wanrah ïa ka jingsuk.

KA BAIBL

¹⁶ Kiei kiei kiba phin leh ki long kine: ‘To kren ïa kaba shisha uwei uwei ïa la u paramarjan; to bishar ïa ka jingbishar jong ka jingshisha bad ka jingsuk ha la ki khyrdop:

SEKHARAÏAH 8:16 ပူးပေါင်းရင်းမြစ်များ

SALM 15:2

U briew uba kohnguh ïa U Blei ha kiei kiei baroh bad uba leh ïa kaei kaba dei, uba ki ktien jong u, ki long kiba shisha bad kiba sngur,

SALM 34:15

U Trai u khmih sumar ïa kiba hok, bad u shahshkor ïa ki jingïam jong ki;

PROBERB 12:17

Haba phi ïathuh ïa ka jingshisha, ka don ka jingbishar hok, hynrei ki jingshukor ki ïalam sha ka jingshah bishar bymhok.

PROBERB 12:19

Ka jinglamler ka neh tang shipor, hynrei ka jingshisha ka neh junom.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

JEREMAÏAH 22:3

“Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

ESEKIEL 18:8

Um ju ai pisa kylliang na ka bynta ban ïohnong. U kyntait ban leh ïa kaba sniew bad u ai ka jingrai kaba beit ha kano kano ka jingïakajia.

ESEKIEL 45:9

U Trai Nongsynshar u la ong, “Phi la leh pop la slem bha, ko ki nongsynshar ka Israel! Sangeh noh na ka jingleh jubor bad ka jingbanbeiñ jong phi. Leh ïa kaei kaba dei bad kaba hok. Phim dei shuh ban beh noh ïa ki briew jong nga na ka ri jong ki. Ma nga, U Trai Nongsynshar, nga ong ha phi ïa kane.

LEBITIKOS 19:11

“Wat tuh lane shukor lane lamler.

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

AMOS 5:24

Pynban, ai ba ka jingbishar hok kan tuid kum ka wahduid, bad ka jinglehhok kum ka wah ka bym ju rngad.

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

SEPHANAÏAH 3:13

Ki paid Israel kiba lait im kin ym leh kano kano ka bym dei ïano ïano, kin ym ïathuh lamler, lymne pyrshang ban shukor. Kin manbha bad shongshngain, kin ym sheptieng ïano ïano.”

SEKHARAÏAH 7:9

“La slem bah nga la ai ïa kine ki hukum ha ki briew jong nga: ‘Phi dei ban peit ba ïa ka jinglehhok la pyndep, bad phi dei ban pyn-i ka jingbhasbun bad ka jingisynei iwei ïa iwei pat.

SEKHARAÏAH 8:19

“Ki jingshah jingit kiba la long ha u bnai basaw, uba san, uba hynñiew, bad uba shiphew kin kylla long ki Jingkhawai Niam ka jingkmen bad ka jingshadkmen ïa ki paid Judah. Phi dei ban ieit ïa ka jingshisha bad ka jingsuk.”

SEKHARAÏAH 8:3

Ngan wan phai pat sha Jerusalem, ka nongbah bakhuid jong nga, bad ban shong ban sah hangta. Ïa ka yn tip kum ka nongbah baïaineh, bad ïa u lum jong U Trai Badonbor Baroh yn khot u lum bakyntang.

MATHAÏOS 5:9

Suk kito kiba trei na ka bynta ka jingsuk; U Blei un khot ïa ki, ki khun jong u!

EPHESOS 4:17

Ha ka kyrteng U Trai, te, nga maham ïa phi; wat ïai im kum kiba mane blei thala, kiba ki jingpyrkhat jong ki kim donbor, bad kiba ki jingmut jong ki, ki long ha ka jingdum.

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

1 THESSALONI 4:6

Ha kane ka rukom, te, uno uno u briew un ym dei ban leh bymdei ïa la u parabangeit lane shim kabu ïa u. Ngi la ïathuh ïa phi ïa kane mynshuwa, bad ngi maham jur ïa phi ba U Trai un pynshitom ïa kito kiba leh ïa kata.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”