SEKHARAÏAH 7:7 - Khasi CL Bible (BSI)

⁷ Kane ka dei kaei kaba U Trai u la ong lyngba ki nongïathuhlypa kiba mynshuwa ha ka por mynba ka Jerusalem ka dang manbha bad dap da ki briew bad mynba dang don bun ki briew kiba shong basah ym tang ha ki shnong sawdong ïa ka nongbah hynrei kumjuh ruh ha ka phang bashathie bad ha ki kjat lum ha ka phang sepngi.

KA BAIBL

⁷ Hato phim dei ban sngap ïa kita ki ktien kiba U Trai u la pyrta da ki nongïathuhlypa kiba mynshuwa, mynba ka Jerusalem ka shong briew bad ka man bha, bad kita ki nongbah jong ka baroh sawdong ïa ka, bad ka ri shathie bad ka ri them ki ïashong briew?’ ”

SEKHARAÏAH 7:7 ပူးပေါင်းရင်းမြစ်များ

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

JEREMAÏAH 13:19

Ki shnong jong ka Judah bashathie ki don hapoh ka jingshah kerkut; ym don mano mano ba lah ban leit lyngba sha ki. Ïa ki briew baroh jong ka Judah la shim noh sha ka jinglongmraw.”

JEREMAÏAH 17:26

Ki briew kin wan na ki shnong jong ka Judah bad na ki shnongrit sawdong jong ka Jerusalem; kin wan na ka thain Benjamin, na ki kjat lum, na ki lumbah, bad na ka bynta bashathie jong ka Judah. Kin wallam sha ka Templ jong nga ïa ki jingainguh thang bad ïa ki jingkñia, ki jingainguh bam bad ka jingiwbih, kumjuh ruh ka jingainguh sngewnguh.

JEREMAÏAH 22:21

U Trai u la kren ha phi mynba phi dang manbha, hynrei phi kyntait ban shahshkor. Kata ka long kaei kaba phi leh shi lynter ka jingim jong phi, phim ju treh ban kohnguh ïa U Trai.

JEREMAÏAH 32:44

Ki briew kin thied ïa ki, bad ïa ki dulir thied jaka yn soi, shon muhor bad yn sakhi. Kane kan jia ha ka ri Benjamin, ha ki shnong sawdong ka Jerusalem, ha ki shnong ka Judah, bad ha ki shnong ka ri lum, ha ki kjat lum, bad ha ka Judah bashaphang shathie. Ngan pynïoh pat ha ki briew ïa ka ri jong ki. Ma nga, U Trai, nga la kren.”

JEREMAÏAH 33:13

Ha ki shnong jong ka ri lum, ha ki kjat lum, bad ha ka Judah bashaphang shathie, ha ka ri ki Benjamin, ha ki shnongrit sawdong ka Jerusalem bad ha ki shnong ka Judah, ki nongaplangbrot sa shisien kin ñiew biang ïa la ki langbrot. Ma nga, U Trai, nga la kren.”

JEREMAÏAH 44:4

Nga ïai phah sha phi ïa ki shakri jong nga kiba long ki nongïathuhlypa, kiba la ong ïa phi ban ym leh ïa kane kaei kaei kaba shyrkhei kaba nga isih.

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

JEREMAÏAH 7:5

“To pynkylla ïa ka rukom kaba phi im bad sangeh ban leh ïa kiei kiei kiba phi leh. To long u bym noh shiliang ha kaba phi ñiew iwei ïa iwei pat.

SEKHARAÏAH 7:12

bad ki pynlong ïa ki dohnud jong ki, kiba eh kum u mawsiang. Namar ba kim shym la shahshkor ïa ka jinghikai kaba nga la phah lyngba ki nongïathuhlypa kiba la im slem bah, nga la bitar shikatdei eh.

SEKHARAÏAH 7:6

Bad haba ki la bam bad dih, ka long na ka bynta ka jingpynhun ïa ki hi.”

SEKHARAÏAH 7:8

U Trai u la ai ïa kane ka khubor ha u Sekharaïah:

DEUTERONOMI 34:3

ka bynta bashathie jong ka ri Judah; bad ka ri thor kaba ïar naduh Soar haduh Jerikho, ka shnong ki dieng Tlai.