SEKHARAÏAH 7:6 - Khasi CL Bible (BSI)

⁶ Bad haba ki la bam bad dih, ka long na ka bynta ka jingpynhun ïa ki hi.”

KA BAIBL

⁶ Bad haba phi bam, bad haba phi dih, hato phim ïabam ha lade, bad phi ïadih ha lade?

SEKHARAÏAH 7:6 ပူးပေါင်းရင်းမြစ်များ

1 KHRONIKL 29:22

Kumta ha kata ka sngi ki la kmen shikatdei katba ki ïabam ïadih ha ka jingdon ryngkat U Trai. Ha ka sien kaba ar ki la thung syiem ïa u Solomon. Ha ka kyrteng jong U Trai ki la pynsleh ïa u kum u nongsynshar jong ki bad ïa u Sadok kum u lyngdoh.

ISAÏAH 43:23

Phim shym la wallam ha nga ïa ki jingainguh thang ki langbrot jong phi; phim shym la burom ïa nga da ki jingkñia jong phi. Ngam shym la bankhia ïa phi da kaba dawa ki jingainguh lane pynbtai ïa phi da kaba pan jingiwbih.

ISAÏAH 58:3

Ki briew ki kylli, “Balei ngin shahjingit, lada U Trai um patiaw? Balei ngi dei ban leit khlem bam lada um shahshkor?” U Trai u ong ïa ki, “Ka jingshisha ka long ba ha kajuh ka por ba phi shahjingit, phi ïabeh ïa la ki jong ki jingmyntoi bad banbeiñ ïa la ki nongtrei.

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

HOSIA 9:4

Ha kito ki ri nongwei kin ym lah ban ai ka jingainguh waiñ ha U Trai, lane wanlam ki jingkñia ha u. Ki jingbam jong ki kin pyntngit ïa uno uno uba bam ïa ki, kum ki jingbam ba bam ha ka por ïapbriew. Yn pyndonkam ïa ki tang ban pynkdang ïa la ka jingthngan; ym don kawei ruh ka ban shim kum ka jingainguh ha ka Templ U Trai.

SEKHARAÏAH 7:5

U la ong, “Ïathuh ïa ki briew jong ka ri bad ïa ki lyngdoh ba haba ki shahjingit bad ïambriew ha u bnai basan bad bahynñiew ha kine ki hynñiewphew snem, kam shym dei ha ka jingñiewburom ïa nga.

SEKHARAÏAH 7:7

Kane ka dei kaei kaba U Trai u la ong lyngba ki nongïathuhlypa kiba mynshuwa ha ka por mynba ka Jerusalem ka dang manbha bad dap da ki briew bad mynba dang don bun ki briew kiba shong basah ym tang ha ki shnong sawdong ïa ka nongbah hynrei kumjuh ruh ha ka phang bashathie bad ha ki kjat lum ha ka phang sepngi.

1 KORINTH 10:31

Kumta, ha kaei kaei kaba phi leh, ha kaba bam ne ha kaba dih, to leh phi ïa kiei kiei baroh na ka bynta ka burom U Blei.

DEUTERONOMI 12:7

Hangta ha khmat U Trai U Blei jong phi, uba la kyrkhu ïa phi, ma phi bad ki ba-ha-ïing ha-sem jong phi phin ïabam bad ïalehkmen ha kiei kiei kiba bha kiba phi la trei shitom.

DEUTERONOMI 14:26

Pynlut ïa ka kat ha kaba phi kwah — la ha ka doh masi, ka doh blang, ka waiñ, lane ka kyiad — bad hangta ha khmat U Trai U Blei jong phi, ma phi bad ki ba-ha-ïing ha-sem jong phi phin ïabam bad phin ïalehkmen ruh.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”