Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




SEKHARAÏAH 7:5 - Khasi CL Bible (BSI)

5 U la ong, “Ïathuh ïa ki briew jong ka ri bad ïa ki lyngdoh ba haba ki shahjingit bad ïambriew ha u bnai basan bad bahynñiew ha kine ki hynñiewphew snem, kam shym dei ha ka jingñiewburom ïa nga.

အခန်းကိုကြည့်ပါ။ ကော်ပီ

KA BAIBL

5 “To kren ha u paidbah ka ri baroh, bad ha ki lyngdoh, to ong, ‘Mynba phi la shah jingit bad phi la ïam sngewsih ha u bnai u basan bad ha u bahynñiew, kine ki hynñiewphew snem, phi la shah jingit ha nga, ha nga keiñ?

အခန်းကိုကြည့်ပါ။ ကော်ပီ




SEKHARAÏAH 7:5
27 ပူးပေါင်းရင်းမြစ်များ  

Haba ki rangbah synshar ka Judia bad ki shipai ki bym shym la pyndem wait ki ïohsngew shaphang kane ki wan ïasoh bad u Gedalaïah ha Mispah. Kine ki rangbah pynïaidkam ki long u Nethanaïah, u Johanan u khun jong u Kareah, u Seraïah u khun jong u Jesanaïah na Maakah.


Hynrei ha u bnai uba hynñiew jong kata ka snem, u Ishmael u khun jong u Nethanaïah bad u ksiew jong u Elishama, u dkhot ka ïingsyiem, u leit sha Mispah lem bad shiphew ngut ki rangbah, u tur ïaleh ïa u Gedalaïah bad pynïap ïa u. U la pynïap ruh ïa ki Israel bad ïa ki nong Babilonia kiba don bad u.


Phim shym la wallam ha nga ïa ki jingainguh thang ki langbrot jong phi; phim shym la burom ïa nga da ki jingkñia jong phi. Ngam shym la bankhia ïa phi da kaba dawa ki jingainguh lane pynbtai ïa phi da kaba pan jingiwbih.


Ki briew ki kylli, “Balei ngin shahjingit, lada U Trai um patiaw? Balei ngi dei ban leit khlem bam lada um shahshkor?” U Trai u ong ïa ki, “Ka jingshisha ka long ba ha kajuh ka por ba phi shahjingit, phi ïabeh ïa la ki jong ki jingmyntoi bad banbeiñ ïa la ki nongtrei.


Ka ri baroh kawei kan sa shah iehnoh ha ka jingjot bad ka jinglong ba sngewkyndit, bad ki jaitbynriew ba-marjan kin shakri ïa u syiem ka Babilonia hynñiewphew snem.


“U Trai u ong, ‘Haba ki hynñiewphew snem jong ka Babilonia ki la kut, ngan pyn-i ïa ka jingsngewkhia jong nga na ka bynta jong phi bad bat ïa ka kular jong nga ban wallam pat ïa phi sha ïing.


Ha ka sngi kaba shiphew jong u bnai uba san ha ka snem kaba khatkhyndai jong ka jingsynshar u Nebukhadnessar u syiem ka Babilonia, u Nebusaradan, u nongaibuit jong u syiem bad u rangbah jong ka kynhun shipai jong u, u rung shapoh Jerusalem.


Ha ka snem kaba nyngkong jong ka jingsynshar jong u, nga la pule bniah ïa ki kitab bakyntang bad pyrkhat shaphang ki hynñiewphew snem kiba ka Jerusalem kan don ha ki jingpra, kat kum kaei kaba U Trai u la lah ïathuh ha u Jeremaïah u nongïathuhlypa.


Kim shym la duwai ha nga naduh la ka dohnud, hynrei pynban ki bret ïa lade ha madan bad ïam pangnud kumba leh kiba mane blei thala. Haba ki duwai ban ïoh ïa u kew bad ka waiñ, ki ot pynmong ïa lade kum kiba mane blei thala. A haduh katno ki long kiba ïaleh pyrshah!


Nangta u angel u la ong, “A Trai Badonbor Baroh, me la bitar ïa ka Jerusalem bad ïa ki nongbah jong ka Judah haduh hynñiewphew snem mynta. Slem sa katno kan long ha shuwa ba men pyn-i ha ki ka jingisynei?”


bad ban kylli ïa ki lyngdoh bad ki nongïathuhlypa ïa kane ka jingkylli: “Hato ngin nang bteng ban ïambriew namar ka jingpynjot ïa ka Templ, da kaba shahjingit ha u bnai uba san kumba ngi la ju leh la bun bun snem mynta?”


Kane ka long ka khubor jong U Trai kaba la wan ha nga.


Bad haba ki la bam bad dih, ka long na ka bynta ka jingpynhun ïa ki hi.”


“Ki jingshah jingit kiba la long ha u bnai basaw, uba san, uba hynñiew, bad uba shiphew kin kylla long ki Jingkhawai Niam ka jingkmen bad ka jingshadkmen ïa ki paid Judah. Phi dei ban ieit ïa ka jingshisha bad ka jingsuk.”


Ki leh ïa kiei kiei baroh khnang ba ki briew kin ïohi ïa ki. Peit ïa ki jingteh 'sai snieh kiba don ki jingthoh bakhuid ïa kiba ki teh ha ki shyllangmat bad ki ksang'ti jong ki, bad khmih haduh katno ki long kiba heh! Khmih ruh katno kiba jrong ki ksai jyrthiaw ha ki jaiñkup jong ki!


“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.


“Kumta haba phi ai ei ei ha u briew uba kyrduh, wat pynsawa jam ïa ka, kumba ki riewarsap ki leh ha ki synagog bad ha ki lynti bah. Ki leh ïa ka khnang ba ki briew kin ïaroh ïa ki. Nga pynthikna ïa phi, ba ki la da ïoh ka jingsiew ba-pura.


“Haba phi duwai, wat long kum ki riewarsap! Ki ieit ban ïeng bad duwai ha ki synagog bad ha ki kyndong surok, khnang ba baroh kin ïohi ïa ki. Nga pynthikna ïa phi, ki la ïoh lypa ïa ka jingsiew kaba pura.


Kumta, ha kaei kaei kaba phi leh, ha kaba bam ne ha kaba dih, to leh phi ïa kiei kiei baroh na ka bynta ka burom U Blei.


U la ïap na ka bynta baroh, khnang ba kito kiba im kim dei shuh ban im na ka bynta ïa lade, hynrei tang na ka bynta jong uta uba la ïap bad ba la pynmihpat na ka bynta jong ki.


Ïa kaei kaei kaba phi leh, trei ïa ka naduh mynsiem, kumba phi trei na ka bynta U Trai bad ym na ka bynta ki briew.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ