SEKHARAÏAH 7:14 - Khasi CL Bible (BSI)

¹⁴ Kum ka 'erïong nga la sar noh ïa ki ban shong ban sah ha ki ri nongwei. Ïa kane ka ri babha la iehnoh kynjah ïa ka, khlem don mano mano bashong ba sah hangta.”

KA BAIBL

¹⁴ “hynrei, da ka lyer langthari ngan pynsaphred ïa ki hapdeng ki jaid bynriew baroh ïa kiba kim shym la ithuh. Kumne ka ri ka la long ka bymshong briew hadien jong ki, haduh ba ym don uba ïaid lyngba lymne uba wan phai: naba ki la pynlong kaba kynjah ïa ka ri kaba sngewtynnad.”

SEKHARAÏAH 7:14 ပူးပေါင်းရင်းမြစ်များ

2 KHRONIKL 36:21

Bad kumta ïa kaei kaba U Trai u la ïathuh mynshuwa lyngba u Jeremaïah u nongïathuhlypa la pyndep: “Ka ri kan sa sah kynjah haduh hynñiewphew snem, ban pynïabiang ïa ka jingshongthait Sabbaton, ïa kaba ym pat shym la rakhe.”

SALM 58:9

Ha shuwa ba kin tip ïa kata, la ot noh ïa ki kum ki ñiut; ha ka jingbitar lep U Blei un pyrsad noh jar ïa ki katba ki dang don jingim.

ISAÏAH 17:13

Ki jaitbynriew ki ïaid shaphrang kum ki jingat phyllung kiba wan stet, hynrei U Blei u sneng ïa ki bad ki kynran, la beh noh ïa ki kum u pui pui ha ki sharing lum, kum u phlangïap ha ka 'erlangthari.

ISAÏAH 21:1

Kane ka dei ka khubor shaphang ka Babilonia. Kum ka 'erlangthari kaba sar sha shiliang ka ri shyiap, ka jingjot kan wan na ka ri kaba shyrkhei.

ISAÏAH 60:15

“Yn ym iehnoh beiñ bad isih shuh ïa pha, ka nongbah kaba la shah iehnoh beiñ bad kynjah. Ngan pynlong ïa pha kaba khraw bad kaba itynnat, ka jaka jong ka jingkmen junom la junom.

ISAÏAH 66:15

U Trai un wan bad ka ding. Un shong ha ki thapniang jong ka 'erïong, ban pynshitom ïa kito kiba u la bitar.

JEREMAÏAH 12:10

Shibun ki nongsynshar nongwei ki la pynjot ïa ka bri sohwaiñ jong nga; ki la ïuhroit ïa ki lyngkha jong nga; ki la pynkylla ïa ka ri ba-itynnat jong nga sha ka ri shyiap.

JEREMAÏAH 23:19

Ka jingbitar jong U ka long ka 'erïong, ka 'erlangthari ka ban khih bitar halor ki khlieh jong ki bymman,

JEREMAÏAH 30:23

Ka jingbitar jong U Trai ka long ka 'erïong, ka lyer kaba jur eh ka ban beh kyrthep nalor ki khlieh jong ki bymman. Kan ym kut tad ynda u la pyndep ïa baroh kaba u thmu ban leh. Ha ki sngi ki ban wan ki briew kin shemphang kdar ïa kane.

JEREMAÏAH 36:19

Te ki la ong ha u, “Ma me bad u Jeremaïah phi dei ban leit noh bad ban rieh. Wat ai ïano ïano ban tip hangno phi ïadon.”

JEREMAÏAH 44:6

Te nga pynmih noh ïa ka jingbitar jong nga bad ka jingbitar shla ha ki shnong jong ka Judah bad ha ki surok bah ka Jerusalem, bad nga thang ïa ki da ka ding. La iehnoh ïa ki ha ki jingjot bad ki la long ka jingïohi ba-itriem, kumba ki long mynta ka sngi.

JEREMAÏAH 5:15

Ko ki paid Israel, U Trai u wallam ka jaitbynriew na sha jngai ban tur ïaleh ïa phi. Ka long ka jaitbynriew kaba khlaiñ bad kaba la rim, ka jaitbynriew kaba ïa ka ktien jong ka phim tip.

JEREMAÏAH 52:30

bad ha ka snem kaba arphew lai jong u, hynñiewspah sawphew san ngut — ba la rah noh da u Nebusaradan. Ha baroh, ïa ki saw hajar hynriewspah ngut ki briew la rah noh.

ESEKIEL 12:19

To ïathuh ïa ka jaitbynriew baroh kawei ba kane ka dei ka khubor jong U Trai Nongsynshar ïa ki briew jong ka Jerusalem kiba dang shong dang sah ha ka ri jong ki: Kin kyiuh haba ki bam bad kin khynñiuh da ka jingsheptieng haba ki dih. Ïa ka ri jong ki yn sloit lyngkhuit, namar uwei uwei baroh uba shong hangta u long uba thurmur.

ESEKIEL 22:15

Ngan pynsakma ïa ki briew jong pha sha man ki ri bad ki hima bad ngan pynkut noh ïa ki kam sniew jong pha.

ESEKIEL 5:10

Kaba mih nangta kan long ba ki kmie ki kpa ha Jerusalem kin bam ïa la ki khun, bad ki khun pat kin bam ïa la ki kmie ki kpa. Ngan pynshitom ïa pha bad ngan pynsakma kylleng ïa kino kino kiba dang im.

DANIEL 8:9

Na kawei na kine ki saw tylli ki reng la mih kawei ka reng barit, kaba ka bor jong ka, ka ïar shaphang shathie bad sha mihngi bad sha ka Ri ka Jingkular.

HOSIA 9:17

U Blei uba nga shakri un kyntait ïa ki briew jong u, namar ba kim shym la shahshkor ïa u. Kin kylla long ki nongïaidwir hapdeng ki jaitbynriew.

JOEL 2:3

Kum ka ding ki bam duh ïa ki jingthung. Ha khmat jong ki ka ri ka long kum ka Kper Eden, hynrei sha lyndet jong ki ka long ka ri shyiap shrah. Ym don kano kano kaba lait im na ki.

LEBITIKOS 26:22

Ngan phah ïa ki mradkhlaw kiba shyrkhei ba kin leh donbor halor jong phi; kine kin pynïap ïa ki khun ki kti jong phi, kin pynjot ïa ki jingri jingdup jong phi, bad kin sah sa tang khyndiat eh na phi, ba kumta ki lynti bah jong phi kin kynjah.

LEBITIKOS 26:33

Ngan pynkhie da ka thma ban pynsakma ïa phi kylleng kylleng ki ri nongwei. Ka ri jong phi kan sah kynjah, bad ki shnong jong phi kin sah ha ka jingjot.

AMOS 1:14

Kumta ngan phah ka ding ha ki kynroh ka nongbah Rabbah, bad kan thang duh ïa ki kut jong ka. Te kan don ki jingkhynwin ha ka sngi ïaleh thma, bad ka jingïaleh kaba jur kum ka 'erlangthari.

NAHUM 1:3

U Trai um ju bitar shen, hynrei u long uba khrawbor bad um ju shah ba kiba shah rai pynrem kin lait khlem shah pynshitom. Hangno ha kaba U Trai u ïaid, ki 'erïong ki khie; ki lyoh ki long ki pui pui ba la pynmih da ki kjat jong u!

HABAKKUK 3:14

Ki khnam jong me ki sam lyngba ïa u nongïalam ka kynhun shipai jong u haba u la wan kum ka 'erïong ban pynsakma ïa ngi, da ka jingsarong kum kito kiba banbeiñ ïa kiba duk ha kaba rieh.

SEPHANAÏAH 3:6

U Trai u ong, “Nga la pynduh lut ïa ki jaitbynriew baroh; nga la pynjot ïa ki nongbah jong ki bad iehnoh ïa ki kynroh bad ïa ki kut jong ki ha ki jingjot. Ki nongbah ki la shah iehnoh; ki lynti bah ki thylli — ym shym pynsah ïa uwei ruh.

SEKHARAÏAH 2:6

U Trai u la ong ha la ki briew, “Nga la pynsakma ïa phi ha ki liang baroh. Hynrei mynta, ma phi kiba shah ringmraw, phet noh na Babilonia bad leit phai pat sha Jerusalem.

SEKHARAÏAH 8:1

U Trai Badonbor Baroh u la ai ïa kane ka khubor ha u Sekharaïah:

SEKHARAÏAH 9:14

U Trai un mihpaw halor ki briew jong u; un siat ïa ki khnam jong u kum ka leilieh. U Trai Nongsynshar un pynsawa ïa ka turoi; un ïaid ha ki 'erïong na shathie.

DEUTERONOMI 28:33

Ki nongwei kin bam ei ïa ki jingmih na ki lyngkha jong phi ha kiba phi la trei shitom, katba phi pat phim ym ïoh ei ei lait tang ka jingshah banbeiñ bad ka jingshah lehbeiñ suda.

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.

DEUTERONOMI 28:64

“U Trai un pynsakma ïa phi hapdeng ki jaitbynriew baroh, kylleng sawdong ka pyrthei, bad hangta phin shakri ïa kiwei pat ki blei kiba da ka dieng bad da u maw, ki blei kiba ma phi bad ki kpa tymmen jong phi phim pat ju mane mynshuwa.

DEUTERONOMI 4:27

U Trai un pynsakma ïa phi hapdeng kiwei pat ki jaitbynriew, bad hangta tang khyndiat eh na phi phin lait im.