SEKHARAÏAH 7:13 - Khasi CL Bible (BSI)

¹³ Namar ba kim shym la shahshkor mynba nga la kren, ngam shym la jubab mynba ki la duwai.

KA BAIBL

¹³ Te ka la jia, ba kumba u la pyrta, bad ki kim sngap; kumta, ki kin pyrta, nga de ngan ym sngap,” la ong U Trai ki paid;

SEKHARAÏAH 7:13 ပူးပေါင်းရင်းမြစ်များ

PROBERB 21:13

Lada phi kyntait ban shahshkor ïa ka jingud kiba duk, ïa ka jingkyang jingïarap jong phi hi yn ym don ba ïohsngew.

PROBERB 28:9

Lada phim kohnguh ïa ka hukum, U Blei un shem ïa ki jingduwai jong phi kiba ijli eh ban sngap.

ISAÏAH 1:15

“Haba pha rah ïa la ki kti ha ka jingduwai, ngan ym khmih ïa pha. Kam pher haduh katno pha duwai, ngan ym shahshkor, namar ïa ki kti jong pha la tap da ka snam.

ISAÏAH 50:2

“Balei ba ki briew jong nga kim jubab haba nga la leit sha ki ban pynim ïa ki? Balei ba kim phai ktien haba nga la khot ïa ki? Hato nga tlot eh ban pynim ïa ki? Nga lah ban pynrngad noh ïa ka duriaw da kaba shu hukum bad pynkylla ïa ki wah sha ka ri shyiap, ba ki dohkha kiba don ha ki kin ïap na ka jingduna um.

JEREMAÏAH 11:10

Ki la leit phai pat sha ki pop jong ki kpa tymmen jong ki, kiba la kyntait ban leh ïa kaei kaba nga ong; ki la mane ïa kiwei pat ki blei. Baroh ar, ka Israel bad ka Judah ki la pynkheiñ ïa ka jutang kaba nga la pynlong bad ki kpa tymmen jong ki.

JEREMAÏAH 11:11

Kumta mynta, ma nga, U Trai, nga maham ïa ki ba ngan wanrah ka jingpynjot halor jong ki, bad kin ym lah ban lait. Bad haba ki kyang sha nga ban ïoh jingïarap, ngan ym shahshkor ïa ki.

JEREMAÏAH 11:14

Ko Jeremaïah, wat duwai ha nga lane ïasaid bad nga na ka bynta kine ki briew. Haba ki don ha ka jingjynjar bad ki pyrta sha nga ban ïoh jingïarap, ngan ym shahshkor ïa ki.”

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 14:2

“Ka Judah ka don ha ka jingïambriew; ki nongbah jong ka ki la jan ïap, ki briew jong ka ki thiah ha madan ha ka jingsngewsih, bad ka Jerusalem ka kyang jam ban ïoh jingïarap.

JEREMAÏAH 7:27

“Kumta, ko Jeremaïah, men kren ïa kine ki kyntien baroh ha ki briew jong nga, hynrei kin ym shahshkor ïa me; men khot ïa ki, hynrei kin ym jubab.

SNGEWSYNEI 3:44

da u lyoh jong ka jingbitar shla jong me uba rben katta katta ïa ki jingduwai jong ngi ban ksam lyngba.

ESEKIEL 14:3

“Ko khun u briew,” u la ong, “kine ki briew ki la ai ïa ki dohnud jong ki ha ki bleithaw bad ki la shah ba ki bleithaw kin ïalam ïa ki sha ka pop. Hato ki pyrkhat ba ngan ai ha ki ka jubab?

ESEKIEL 20:3

“Ko khun u briew,” u la ong, “kren ha kine ki nongïalam bad ïathuh ïa ki ba U Trai Nongsynshar u ong: Phi la ïawan ban kylli ïa ka mon jong nga, hato ym dei kumta? Kumba da shisha nga long U Blei uba im, ngan ym shah ïa phi ban kylli ei ei ïa nga. Ma nga, U Trai Nongsynshar nga la kren.

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

MIKAH 3:4

Ka por kan poi haba phin kyang sha U Trai, hynrei un ym jubab ïa phi. Un ym sngap ïa ki jingduwai jong phi, naba phi la leh ïa kaba sniew.

LOUKAS 13:25

U kynrad jong ka ïing un khie bad un khang ïa ka jingkhang; nangta haba phi ïeng shabar bad sdang ban tied ha ka jingkhang bad ong, ‘To plie ïa ka jingkhang na ka bynta jong ngi, ko kynrad!’ Un jubab ïa phi, ‘Ngam ithuh ïa phi nangno phi ïawan!’

JAKOB 4:3

Bad haba phi pan, phim ïoh ïa ka, namar ki jingthmu jong phi ki long kiba sniew; phi pan ïa kiei kiei ban pyndonkam na ka bynta ki jingsngewbha jong phi hi.