SEKHARAÏAH 7:10 - Khasi CL Bible (BSI)

¹⁰ Wat banbeiñ ïa ki riewkynthei, ki khunswet, ki nongwei kiba shong basah hapdeng jong phi, lane mano mano kiwei pat kiba kyrduh. Bad wat pyrkhat ïa ki rukom ban pynmynsaw iwei ïa iwei pat.’

KA BAIBL

¹⁰ bad wat banbeiñ ïa ka riewkynthei, lymne ïa u khunswet, ïa u nongwei, lymne ïa u baduk; bad mano mano ruh wat tharai sniew ha la ka dohnud ïa la u para.’

SEKHARAÏAH 7:10 ပူးပေါင်းရင်းမြစ်များ

SALM 140:2

Ki ïasylla ïa ki kam bymman borabor, borabor ki pynkhih ïa ki jingïakajia.

SALM 21:11

Ki pyrkhat ïa ki buit jong ki bad thmu sniew pyrshah ïa u, hynrei kin ym lah ban jop.

SALM 36:4

U thaw ki jingthmu basniew katba u dang don ha jingthiah; ym don kaba u leh kaba long kaba bha bad um ju kyntait ïa kano kano kaba sniew.

SALM 72:4

Ai ba u syiem un bishar hok ïa kiba duk; ai un ïarap ïa kiba kyrduh, bad un jop ïa ki nongbanbeiñ jong ki.

EKSODOS 23:9

“Wat lehbeiñ ïa u nongwei; phi tip kumno phi sngew ban long u nongwei, naba phi la ju long ki nongwei ha ka ri Ijipt.

PROBERB 3:29

Wat thmu sniew ei ei ban pynmong ïa la u paramarjan, uba sah hajan jong phi, uba shaniah ïa phi.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 49:11

Ieh ïa ki khunswet bad nga, bad ngan sumar ïa ki. Ki riewkynthei ki lah ban shaniah ha nga.

JEREMAÏAH 5:28

balei ba ki sngaid bad ba la ïoh jingbsa bha. Ym don pud satia ïa ki kam sniew jong ki. Kim ju ai ïa ki hok jong ki khunswet lane pyn-i ka jingbishar hok ïa kiba la shah banbeiñ.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

ESEKIEL 18:12

U shukor ïa kiba duk, u lute, u bat noh ïa kaei kaba u nongshim ram u ai ha u kum ka bynda. U leit sha ki jaka mane blei thala, da kaba mane ïa ki bleithaw ba-ijli,

ESEKIEL 22:12

Don na ki briew jong pha, kiba pynïap ïa ki briew da kaba ïoh jingsiew. Don kiba shim sut halor ki ram ba ki ai ïa ki para jait Israel bad ki riewspah da kaba shim kabu ïa ki. Ki la klet ïa nga.” U Trai Nongsynshar u la kren.

ESEKIEL 22:29

Kiba riewspah ki shukor bad ki lute. Ki leh bymdei ïa kiba duk bad ki shim kabu ïa ki nongwei.

ESEKIEL 22:7

Ym don uwei ruh ha ka nongbah uba burom ïa la ki kmie ki kpa. Phi shukor ïa ki nongwei bad shim kabu ïa ki riewkynthei bad ki khunswet.

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

SEKHARAÏAH 8:17

Wat thmu ïa ki rukom pynmynsaw iwei ïa iwei pat. Wat ai ïa ka jingsakhi lamler ha kaba jingsmai. Nga isih ïa ka jinglamler, ka jingbymlehhok bad ka jinglehbor.”

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

1 KORINTH 6:10

lane kiba tuh lane kiba kwah lalot lane kiba buaid lane kiba kren thadrong ïa kiwei lane ki nongtuh — yn ym don uno uno na kine u ban ïohkynti ïa ka Hima U Blei.

DEUTERONOMI 27:19

“ ‘Ka jingtim U Blei kan hap ha uta u briew uba pynduh ïa ki hok jong ki nongwei, ki khunswet, bad ki riewkynthei.’ “Bad u paidbah baroh un jubab lang, ‘Amen!’

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

1 ÏOANNIS 3:15

Uno uno uba isih ïa la u hynmen u para u long u nongpynïap briew, bad phi tip ba u nongpynïap briew um pat ïoh ka jingim bymjukut ha u.