SEKHARAÏAH 6:1 - Khasi CL Bible (BSI)

¹ Nga la ïoh sa kawei pat ka jingïohipaw. Ha kane ka por nga la ïohi saw tylli ki kali ïapom kiba wan mih napdeng ki ar tylli ki lumbah rnong.

KA BAIBL

¹ Te nga la khmied ïa la ki khmat pat, bad nga la ïohi, te ha khmih, ki la wan mih saw tylli ki kali ïapom napdeng ar tylli ki lum; te kita ki lum ki la long ki lum rnong.

SEKHARAÏAH 6:1 ပူးပေါင်းရင်းမြစ်များ

2 SYIEM 6:17

Nangta u la duwai, “Ko Trai, to pynpeit ïa ki khmat jong u bad ai un ïohi.” U Trai u jubab ïa ka jingduwai jong u, bad u shakri jong u Elisha haba u peit shajrong bad u la ïohi ïa ka sharing lum ba la dap da ki kulai bad ki kali ïapom kiba da ka ding baroh sawdong jong u Elisha.

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

SALM 33:11

Hynrei ki jingthmu jong u ki neh junom, ki jingthmu jong u ki long pateng la pateng.

SALM 36:6

Ka hok jong me ka kerkut kum ki lumbah, ka jingbishar hok jong me ka long kum ki jingjylliew ka duriaw, ki briew bad ki mrad ki don ha ka jingsumar jong me.

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

ISAÏAH 43:13

Nga long U Blei bad ngan ïailong. Ym don u ban lait im na ka bor jong nga; ym don uba lah ban pynkylla ïa kaei ba nga leh.”

ISAÏAH 66:15

U Trai un wan bad ka ding. Un shong ha ki thapniang jong ka 'erïong, ban pynshitom ïa kito kiba u la bitar.

JEREMAÏAH 4:13

Ha khmih, u nongshun u wan kum ki lyoh. Ki kali ïapom jong u ki long kum ka 'erlangthari, bad ki kulai jong u ki kham stet ban ïa ki pukni. Ngi la shahjop! Ngim lah khie khlieh shuh!

DANIEL 4:15

Hynrei to ieh ïa ka dyngkhong jong u ha khyndew lem bad ka syrwiang nar bad rnong sawdong jong u. Iehnoh ïa u hangta ha pyntha bad u phlang. “ ‘Mynta ai ba ka umjer kan hap halor une u briew, bad shah ïa u ban im bad ki mrad bad ki jingthung.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

DANIEL 8:22

Ki saw tylli ki reng kiba la wan mih shalor haba la pynkheiñ noh ïa ka reng kaba nyngkong ki ïeng na ka bynta ki saw tylli ki hima sha kiba kata ka hima yn pynïabynta bad kin ym long kiba khlaiñ kum ka hima kaba nyngkong.

SEKHARAÏAH 5:1

Nga la khmih biang, bad ha kane ka por nga la ïohi ïa ka kot kli kaba her ha ka lyer.

SEKHARAÏAH 6:5

U la jubab, “Kine ki long ki sawlyer, ki dang shu lah wan na ka jingdon ryngkat jong U Trai ka pyrthei baroh.”

KI KAM 4:28

Ki la ïalumlang ban leh ïa kaei kaei baroh kaba ma me da ka bor bad ka mon jong me, me la lah thmu ba kan jia.

EPHESOS 1:11

Ïa kiei kiei baroh la leh kat kum ka jingthmu bad ka jingrai U Blei; bad U Blei u la jied ïa ngi ban long ki briew jong u hi ha U Khrist namar ka jingthmu jong u hi, ba la pynshong nongrim ha kaei kaba u la rai naduh kaba mynnyngkong.

EPHESOS 3:11

U Blei u la leh ïa kane kat kum ka jingthmu bymjukut kaba u la pyndep lyngba U Khrist Jisu uba U Trai jong ngi.

1 SAMUEL 2:8

U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.