SEKHARAÏAH 5:4 - Khasi CL Bible (BSI)

⁴ U Trai Badonbor Baroh u ong ba un phah shabar ïa kane ka jingtim, bad kan rung shapoh ka ïing jong uwei pa uwei u nongtuh bad sha ka ïing jong uwei pa uwei uba ïathuh lamler hapoh ka jingsmai. Kan ïaineh ha ki ïing jong ki bad ieh ïa ki ha ka jingjot.”

KA BAIBL

⁴ “Ngan pynmih noh ïa ka,” ong U Trai ki paid, “bad kan leit bsut hapoh ka ïing jong u nongtuh, bad hapoh ka ïing jong uba smai lamler da ka kyrteng jong nga: bad kan sah hapdeng ka ïing jong u, bad kan bam duh ïa ka, lem bad ki dieng jong ka bad ki maw jong ka.”

SEKHARAÏAH 5:4 ပူးပေါင်းရင်းမြစ်များ

Ka Kitab U Job 18:15

Mynta uno uno u lah ban shong ha ka ïingjaiñ jong u — hadien ba la ber da u kyndok ban pynïap ïa ki khñiang jingpang!

Ka Kitab U Job 20:26

Ïa baroh kaba u la kynshew yn pynjot; ka ding ïa kaba ym shym la pynmeh da ki kti briew ka thang ïa u bad ïa baroh ka longïing jong u.

Ka Kitab U Job 8:15

Lada ki shaniah ha ka snur thapbawa, hato ka lah ban shan ïa ki? Lada ki kynrup ïa u ksai, hato u lah ban ïarap ïa ki ban ïeng?

Ka Kitab U Job 8:22

hynrei un wanrah jingjahburom ïa kito kiba isih ïa me, bad ki ïing ki riewbymman kin jah noh.”

PROBERB 3:33

U Trai u buh ka jingtim ha ki longïing jong ki riewbymman, hynrei u kyrkhu ïa ki longïing jong kiba hok.

ISAÏAH 24:6

Kumta U Blei u la pynbna ïa ka jingtim ha ka pyrthei. Ki briew jong ka ki hap ban siew ïa kaei kaba ki la leh. Kiba im ki la nang duna bad nang duna.

JEREMAÏAH 2:26

U Trai u ong, “Kumba u nongtuh u shah pynjahburom haba la kem ïa u, kumta ïa phi baroh ki paid Israel yn pynjahburom — ki syiem bad ki rangbah synshar jong phi, ki lyngdoh bad ki nongïathuhlypa jong phi.

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

HOSIA 4:3

Bad kumta ka ri kan sa tyrkhong, kiei kiei baroh kiba im ha ka kin ïap. Baroh ki mrad bad ki sim, bad wat ki dohkha ruh, kin ïap.”

AMOS 3:10

U Trai u ong, “Kine ki briew ki pyndap ïa la ki ïing paki dulan da kiei kiei kiba la shim da ki kam runar bad ki kam lehbor. Kim tip satia wat kumno ban lehhok.

SEKHARAÏAH 5:3

Nangta u la ong ha nga, “Halor jong ka la thoh ïa ka jingtim kaba dei ban leit sha ka ri baroh kawei. Ha kawei ka liang jong ka kot kli ka ong ba ïa uwei pa uwei u nongtuh yn weng noh na ka ri; bad ha kawei pat ka liang ka ong ba ïa uno uno uba ïathuh lamler hapoh ka jingsmai yn shim noh ïa u ruh.

SEKHARAÏAH 8:17

Wat thmu ïa ki rukom pynmynsaw iwei ïa iwei pat. Wat ai ïa ka jingsakhi lamler ha kaba jingsmai. Nga isih ïa ka jinglamler, ka jingbymlehhok bad ka jinglehbor.”

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

DEUTERONOMI 28:16

“U Trai un tim ïa ki shnong bad ki lyngkha jong phi.

DEUTERONOMI 7:26

Wat rah ïa kano kano ka bleithaw sha la ïing ïoh ba kajuh ka jingtim kan ngat sa ha phi ruh. Phi dei ban isih bad ibeiñ ïa kine ki bleithaw, namar ki long kiba la tim da U Trai.

JOSHUA 9:20

Ngin hap ban shah ïa ki ba kin im namar ka jingkular jong ngi; lada ngim leh kumta, U Blei un pynshitom ïa ngi.