SEKHARAÏAH 4:6 - Khasi CL Bible (BSI)

⁶ U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

KA BAIBL

⁶ Ynda kumta, u la ïathuh bad u la kren, u da ong, “Kane ka long ka ktien U Trai ha u Serubbabel, ka da ong, ‘Ym da u paidïapom, lymne da ka bor, hynrei, da U Mynsiem jong nga,’ ” ong U Trai ki paid.

SEKHARAÏAH 4:6 ပူးပေါင်းရင်းမြစ်များ

JENESIS 41:16

U Joseph u jubab, “Syiem Kynrad, ngam lah; hynrei U Blei un ai ka jingbatai kaba ai jinghun.”

1 SYIEM 19:12

Hadien u jumai, la wan ka ding — hynrei U Trai um shym don ha ka ding. Bad hadien ka ding, la wan ka sur kaba sawa jem jai jai.

2 KHRONIKL 14:11

U Asa u duwai ha U Trai U Blei jong u, “A Trai, me lah ban ïarap ïa ka kynhun shipai kaba tlot da kaba suk kum kaba khlaiñ. Ïarap ïa ngi mynta, Ko Trai U Blei jong ngi, namar ba ngi shaniah ha me, bad ha ka kyrteng jong me ngi la mih ban ïaleh pyrshah ïa kane ka kynhun shipai kaba bun. A Trai, me long U Blei jong ngi; ym don u ban kyrmen ban jop ïa me.”

ESRA 2:2

Ki nongïalam jong ki, ki long u Serubbabel, u Joshua, u Nehemaïah, u Seraïah, u Reelaïah, u Mordekai, u Bilshan, u Mispar, u Bigbai, u Rehum bad u Baanah. Kane ka dei ka thup kyrteng jong ki kur ki Israel, bad kito kiba dei na kawei kawei ka kur kaba wan phai na ka jingshah ringmraw:

ESRA 3:10

Haba ki rangbah ki la sdang ban tei ïa ka nongrim jong ka Templ, ki lyngdoh ha ki jingriam jong ki, ki ïeng ha la ki jaka bad ki turoi ha ki kti jong ki, bad ki Lebi jong ka kur Asaph ki ïeng hangta ryngkat bad ki shakuriaw. Ki ïaroh ïa U Trai kat kum ki jingbthah ba la ai pateng naduh ka por u syiem Dabid.

ESRA 5:2

Haba u Serubbabel u khun jong u Shealtiel bad u Joshua u khun jong u Jehosadak ki la ïohsngew ïa ki khubor, ki sdang ban tei biang ïa ka Templ ha Jerusalem, bad ki ar ngut ki nongïathuhlypa ki ïarap ïa ki.

SALM 33:16

U syiem um shym jop namar ka kynhun shipai badonbor jong u; u shipai um shym jop namar ka jingkhlaiñ jong u.

EKLESIASTIS 9:11

Nga la sngewthuh sa kawei pat, ba ha kane ka pyrthei ki nongmareh kiba stet kim ju ïai jop sah ïa ki jingïamareh thong, bad kiba shlur kim ju ïai jop sah ïa ka thma. Ki briew kiba stad kim ju ïai kamai sah ban im, ki briew kiba proh jingmut kim ju ïai ïoh spah, bad ki briew kiba lah ban leh ei ei kim ju ïai kiew sha ki kyrdan bashalor. Ka kupar basniew ka jia ha uwei pa uwei.

ISAÏAH 30:1

U Trai u la kren: “Kito kiba synshar ïa ka Judah kin jot noh namar ki ïaleh pyrshah ïa nga. Ki bud ïa ki jingthmu kiba ngam shym la shna, bad ki soi ïa ki jingïateh kular pyrshah ïa ka mon jong nga, da kaba kynton kawei ka pop halor kawei pat.

ISAÏAH 32:15

Hynrei sa shisien pat U Blei un phah ha ngi ïa U Mynsiem jong u. Ka jaka shrah kan sa kylla seisoh, bad ki lyngkha kin sa pynmih ki jingbam kyrhai.

ISAÏAH 34:16

To wad ha ka kitab jong U Trai ïa ki jingthaw ba-im bad pule ïa kaei ba ka ong. Yn ym don tang kawei ruh na kine ki jingthaw ka ban jah noh, bad yn ym don tang kawei ruh ka ban ym don lok. U Trai u la hukum ba kan long kumta; ma u hi da lade un wallam lang ïa ki.

ISAÏAH 59:19

Naduh mihngi shaduh sepngi baroh kin sheptieng ïa u bad ïa ka bor bakhraw jong u. Un wan kum ka um ba kyrthep, kum ka lyer kaba jur.

DANIEL 2:34

Katba phi dang khmih ïa ka, u maw uba khraw u la lait na ka synrang khlem don mano mano ba ktah ïa u, u la shoh ïa ka kjat nar bad dewbyrtha jong ka durbriew, bad u la pynkhynñiuh ïa ki.

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

HAGGAI 1:1

Ha ka snem kaba ar kaba u Darius u long u patsha ka Persia, ha ka sngi kaba nyngkong jong u bnai uba hynriew, U Trai u la kren lyngba u Haggai u nongïathuhlypa. Ka khubor ka la long na ka bynta u lat ka Judah, u Serubbabel u khun jong u Shealtiel, bad na ka bynta u Rangbah Lyngdoh, u Joshua u khun jong u Jehosadak.

HAGGAI 2:21

ïa u Serubbabel, u lat ka Judah: “Nga la jan ban pynkhih ïa ka bneng bad ka khyndew

SEKHARAÏAH 6:12

Ïathuh ïa u ba U Trai Badonbor Baroh u ong, ‘U briew ïa uba la khot U Tnat un manbha ha kaba u don bad un tei ïa ka Templ jong U Trai.

JINGKHEIÑ 27:16

“A Trai uba U Blei, uba long ka thymmei jong ka jingim baroh, nga kyrpad ïa me to thung ïa u briew uba lah ban ïalam ïa u paidbah,

EPHESOS 6:17

Bad to pdiang ïa ka jingpynim kum ka jingïada khlieh, bad ka ktien U Blei kum ka waitlam kaba U Mynsiem u ai ha phi.

1 PETROS 1:12

U Blei u la pynpaw ha kine ki nongïathuhlypa ba ka jingtrei jong ki kam shym la long na ka bynta ka jingmyntoi jong ki hi, hynrei na ka bynta jong phi, katba ki dang lah kren shaphang kito kiei kiei ïa kiba phi la ïohsngew mynta na ki nonglamktien kiba la pynbna ïa ka Khubor Babha da ka bor U Mynsiem Bakhuid ba la phah na bneng. Kine ki long kiei kiei kiba wat ki angel ki thrang ban shemphang.

1 SAMUEL 14:6

U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”

1 SAMUEL 17:47

Te ka pyrthei baroh kawei kan tip ba ki Israel ki don U Blei, bad ba uwei pa uwei hangne un ïohi ba U Trai um donkam ïa ki waitlam ne ki sum ban pyllait im ïa la ki briew. U long u nongjop ha ka thma, naba ka thma ka long ka jong U Trai, bad un buh ïa phi baroh hapoh ka bor jong ngi.”