SEKHARAÏAH 3:8 - Khasi CL Bible (BSI)

⁸ Kumta to pynshahshkor, ko Joshua, me uba long u Rangbah Lyngdoh, to pynshahshkor, phi ki para lyngdoh jong u, ma phi kiba long ka dak jong ka lawei babha: Ngan pynpaw ïa la u shakri, ïa uba la khot U Tnat!

KA BAIBL

⁸ To sngap te, ko Joshua u rangbah lyngdoh, ma me bad la ki lok kiba shong ha khmat jong me; naba ki long ki briew kiba long ka dak: naba ha khmih, ngan pynmih noh ïa u shakri jong nga “u Tnat.”

SEKHARAÏAH 3:8 ပူးပေါင်းရင်းမြစ်များ

SALM 71:7

Ka jingim jong nga ka la long ka nuksa ïa kiba bun, namar me la long ka jingïada bakhlaiñ jong nga.

ISAÏAH 11:1

Ka pateng longsyiem jong u Dabid ka long kum u dieng ba la khet; hynrei kumba ki tnat bathymmai ki khie lung na ka dyngkhong, kumta u syiem bathymmai un mih napdeng ki khun ki ksiew jong u Dabid.

ISAÏAH 20:3

Haba la kurup ïa ka Ashdod, U Trai u la ong, “U Isaïah u shakri jong nga u la ïaid lyngkhuit kylleng bad da ka kjat suda haduh lai snem. Kane ka dei ka dak jong kaei ka ban jia ïa ka Ijipt bad ïa ka Sudan.

ISAÏAH 4:2

Ka por ka poi ha kaba U Trai un pynlong ïa uwei pa uwei u jingthung bad u dieng ha ka ri ban long uba heh bad ba-itynnat. Baroh ki paid Israel kiba lait im kin dap da ka jingkmen bad jingsarong ha ki mar rep ba ka ri ka pynmih.

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 49:3

U la ong ïa nga, “Ko Israel, me long u shakri jong nga; namar jong me, ki briew kin ïaroh ïa nga.”

ISAÏAH 49:5

Ha shuwa ban kha ïa nga, U Trai u la thung ïa nga; u la pynlong ïa nga u shakri jong u ban wallam pat ïa ki briew jong u, ban wallam pat ïa ka jaitbynriew Israel kaba la saphriang kylleng. U Trai u ai ha nga ka burom; u long u tyllong jong ka jingkhlaiñ jong nga.

ISAÏAH 52:13

U Trai u ong, “U shakri jong nga un jop ha ka kam jong u; un ïoh ka burom bakhraw.

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

ISAÏAH 53:2

Ka dei ka mon jong U Trai ba u shakri jong u un san kum u jingthung uba ksam ïa ki thied ha ka khyndew kaba tyrkhong. Um don main ne jingitynnat ban pynlong ïa ngi ban peit ïa u. Ym don kano kano kaba ngin ibha ïa u, ym don kano kano ka ban khring ïa ngi sha u.

ISAÏAH 8:18

Nga don hangne bad ki khun kiba U Blei u la ai ha nga. U Trai Badonbor Baroh, uba ka khet jong u ka long halor u Lum Seïon, u la phah ïa ngi kum ki khubor ba-im sha ki paid Israel.

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 33:15

Ha kata ka por ngan jied kum u syiem ïa u nonghiarpateng uba hok na u Dabid. Uta u syiem un leh ïa kaei kaba dei bad kaba hok ha ka ri baroh kawei.

ESEKIEL 12:11

Ïathuh ïa ki ba kaei kaba me la leh ka dei ka dak jong kaei ka ban jia ha ki — kin long ki nongphetwir bad kiba shah ring koidi.

ESEKIEL 12:6

Shah ïa ki ban khmih ba me tawah ïa la ka song halor ka tyrpeng jong me bad mih shabar sha kaba dum da kaba tap ïa ki khmat jong me, khnang ba men ym ïohi shano me leit. Kaei kaba me leh kan long ka jingmaham ïa ki Israel.”

ESEKIEL 24:24

Te ngan long ka dak ïa pha; phan leh ïa kiei kiei baroh kiba nga la leh. U Trai u ong ba haba kane kan jia, phan ïoh tip ba u long U Trai Nongsynshar.”

ESEKIEL 34:29

Ngan ai ha ki ïa ki jaka rep kiba seisoh bad ngan pynkut noh ka jingïapthngan ha ka ri. Kiwei pat ki ri kin ym rkhiebeiñ shuh ïa ki.

ESEKIEL 37:24

U syiem uba kum u Dabid, u shakri jong nga un long u syiem jong ki. Kin ïalong kawei hapoh uwei u nongsynshar bad kin kohnguh hok ïa ki aiñ jong nga.

SEKHARAÏAH 6:12

Ïathuh ïa u ba U Trai Badonbor Baroh u ong, ‘U briew ïa uba la khot U Tnat un manbha ha kaba u don bad un tei ïa ka Templ jong U Trai.

LOUKAS 1:78

U Blei jong ngi u long uba dap da ka jingisynei bad uba jemnud. Un pynlong ïa ka step baphyrnai jong ka jingpynim ban mih ha ngi