SEKHARAÏAH 3:7 - Khasi CL Bible (BSI)

⁷ U Trai Badonbor Baroh u la lah ong: “Lada me kohnguh ïa ki aiñ jong nga bad leh ïa ki kamram kiba nga la shaniah ha me, te men ïailong uba khmih ïa ka Templ jong nga bad ïa ki phyllaw jong ka, bad ngan shahshkor ïa ki jingduwai jong me, kumba nga shahshkor ïa ki jingduwai jong ki angel kiba don ha ka jingdon ryngkat jong nga.

KA BAIBL

⁷ “Kumne u ong U Trai ki paid: ‘Lada men ïaid ha ki lynti jong nga, bad lada men ap khmih ïa ka jingsumar jong nga, ynda kumta, me ruh men ïoh bishar ïa ka ïing jong nga, bad men ap khmih ruh ïa ki phyllaw jong nga, bad ngan ai ha me ka jaka ban rung hapdeng kine kiba ïeng hajan.

SEKHARAÏAH 3:7 ပူးပေါင်းရင်းမြစ်များ

JENESIS 26:5

Ngan kyrkhu ïa me, namar ba u Abraham u la kohnguh ïa nga, bad u la sumar ïa ki aiñ bad ki hukum jong nga.”

1 SYIEM 2:3

Kohnguh ïa ki aiñ bad ki hukum jong u baroh, kumba la thoh ha ka Aiñ u Moses, khnang ba haba me leit shano shano me lah ban manbha ha kaei kaei kaba me leh.

1 SYIEM 3:14

Bad lada me kohnguh ïa nga bad sumar ïa ki aiñ bad ki hukum jong nga, kumba u Dabid u kpa jong me u la leh, ngan ai ha me ka jingim kaba jlan.”

1 KHRONIKL 23:32

La ai ha ki ka jingkitkhlieh ban sumar ïa ka Ïingjaiñ Ka Jingdon Ryngkat U Trai bad ïa ka Templ, bad ban ïarap ïa ki ba-ha-ïing jong ki, ki lyngdoh kiba hiarpateng na u Aaron, ha ka jingmane ha ka Templ.

ISAÏAH 62:9

Hynrei phi kiba bet bad ot ïa u kew, phin bam ïa u kpu bad ïaroh ïa U Trai, bad phi kiba sumar bad lum ïa ki sohwaiñ phin dih ïa ka waiñ ha ki phyllaw ka Templ jong nga.”

ESEKIEL 44:8

Kim shym la khmih bha ïa ki jinglehniam bakyntang ha ka Templ jong nga, hynrei pynban ki la buh da ki nongwei ban khmih.

ESEKIEL 48:11

Kane ka jaka bakhuid kan long na ka bynta ki lyngdoh kiba long ki khun ki ksiew u Sadok. Ki la shakri hok ïa nga bad kim shym la ïasnohkti lang bad kiwei ki Israel ha ka jingleh bymdei, kum kiwei ki dkhot jong ka jait Lebi kiba la leh.

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

LEBITIKOS 8:35

Phi dei ban sah ha khmat ka jingkhang jong ka Ïingjaiñ miet la bad sngi haduh hynñiew sngi, ban leh ïa kata kaba U Trai u la hukum. Lada phim leh kumta, phin ïap. Kane ka long kaba U Trai u la hukum ïa nga.”

SEKHARAÏAH 3:6

Nangta u angel jong U Trai u la ïathuh ha u Joshua ba

SEKHARAÏAH 4:14

Nangta u la ong, “Kine ki long ki ar ngut ki rangbah kiba U Blei u la jied bad pynsleh ba kin shakri ïa u, U Trai jong ka pyrthei baroh kawei.”

SEKHARAÏAH 6:15

Ki rangbah kiba sah sha jngai bah kin wan bad ïarap ban tei pat ïa ka Templ jong U Trai. Bad haba la tei pat ïa ka, phin tip ba U Trai Badonbor Baroh u la phah ïa nga sha phi. Kane baroh kan jia lada phi kohnguh lut ïa ki hukum jong U Trai U Blei jong phi.

SEKHARAÏAH 6:5

U la jubab, “Kine ki long ki sawlyer, ki dang shu lah wan na ka jingdon ryngkat jong U Trai ka pyrthei baroh.”

MATHAÏOS 19:28

U Jisu u la ong ha ki, “Phi lah ban thikna ba haba U Khun U Briew u shong ha ka khet badonburom jong u ha ka Ïa kaba thymmai, te ma phi ki khat-ar ngut ki nongbud jong nga phin ïashong ruh ha ki khet, ban synshar ïa ki khat-ar ki jait Israel.

LOUKAS 22:30

Phin bam bad dih ha ka miej jong nga ha ka Hima jong nga, bad phin shong halor ki khet ban synshar halor ki khat-ar jait ki Israel.

ÏOANNIS 14:2

Don shibun ki kamra ha ka ïing U Kpa jong nga, bad ngan leit ban pynkhreh ka jaka ïa phi. Ngan ym jin da la ïathuh ïa phi lada kam long kumta.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.