SEKHARAÏAH 3:3 - Khasi CL Bible (BSI)

³ U Joshua u la ïeng hangta, u da phong ki jaiñ bajakhlia.

KA BAIBL

³ Te ïa u Joshua la kup da ki jaiñ tngit, bad u la ïeng ha khmat uta u angel.

SEKHARAÏAH 3:3 ပူးပေါင်းရင်းမြစ်များ

ESRA 5:2

Haba u Serubbabel u khun jong u Shealtiel bad u Joshua u khun jong u Jehosadak ki la ïohsngew ïa ki khubor, ki sdang ban tei biang ïa ka Templ ha Jerusalem, bad ki ar ngut ki nongïathuhlypa ki ïarap ïa ki.

ESRA 9:15

A Trai U Blei ki Israel, me long uba hok, hynrei me la shah ïa ngi ban im. Ngi phla ïa ki pop jong ngi ha me; ngim don hok shuh ban wan ha ka jingdon ryngkat jong me.”

ISAÏAH 4:4

Da la ka bor U Trai un bishar bad pynkhuid ïa ka jaitbynriew bad sait noh ïa ka jingpalat jong ka Jerusalem, bad ïa ka snam kaba la pynmih noh hangta.

ISAÏAH 64:5

Me pdiang sngewbha ïa kito kiba shem jingkmen ha kaba leh ïa kaei kaba dei, ïa kito kiba kynmaw kumno me kwah ïa ki ban im. Me la bitar ïa ngi, hynrei ngi dang ïai leh pop; wat la me la bitar shla ngi dang ïai leh ïa kaba sniew naduh mynbarim.

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

DANIEL 9:18

To shahshkor ïa ngi, A Blei; to khmih sha ngi, bad peit ïa ka jingjynjar kaba ngi don bad ïa ka jingshah shitom jong ka nongbah kaba kit ïa ka kyrteng jong me. Ngi duwai ha me namar ba me long uba dap da ka jingisynei, ym namar ba ngi la leh ïa kaba dei.

JAKOB 2:2

Tharai u briew uba riewspah uba deng ïa ka sati ksiar bad uba riam da ki jaiñ kiba kynsai u wan rung sha ka jingïalang jong phi, bad u briew uba duk ha ki jaiñjot ruh u wan.

JUDAH 1:23

to pyllait im ïa kiwei, da kaba knieh kynthet ïa ki na ka ding; bad ïa kiwei pat, to isynei da ka jingsheptieng, hynrei to da isih ïa ki jaiñphong jong ki hi, kiba la bit tngit da ki jingkwah brai bapop.

JINGPYNPAW 19:8

La ai ha ka ïa ka jaiñ linen baphyrnai kaba khuid ban phong.” (Ka jaiñ linen ka long ki kam babha jong ki briew jong U Blei.)