SEKHARAÏAH 3:2 - Khasi CL Bible (BSI)

² U angel jong U Trai u la ong ha u Soitan, “To U Trai un pynrem ïa me, ko Soitan! To U Trai, uba ieit ïa ka Jerusalem, un pynrem ïa me. Une u briew u long kum u dieng ïa uba la sei noh na ka ding.”

KA BAIBL

² Te U Trai u la ong ha u Soitan, “To U Trai un sneng ïa me, u Soitan; shisha, U Trai uba la jied ïa ka Jerusalem un sneng ïa me: hato une um long u dieng tyllaw ïa uba la knieh na ka ding?”

SEKHARAÏAH 3:2 ပူးပေါင်းရင်းမြစ်များ

2 KHRONIKL 6:5

‘Naduh ka por ba nga la wan ïalam ïa ki briew jong nga na Ijipt haduh mynta, ngam shym la jied ïa kano kano ka nongbah ha ri Israel kum ka jaka ban tei ïa ka Templ ha kaba yn mane ïa nga, bad ngam shym la jied ruh ïano ïano ban ïalam ïa ki briew jong nga ki Israel.

2 KHRONIKL 6:6

Hynrei mynta nga la jied ïa ka Jerusalem kum ka jaka ha kaba yn mane ïa nga, bad ïa me, Dabid, ban synshar ïa ki briew jong nga.’”

SALM 109:31

namar u kyrshan ïa u briew uba duk bad u pynim ïa u na kito kiba pynrem ïa u sha ka jingïap.

ISAÏAH 7:4

Ong ïa u ban da husiar, ban long jai jai, bad ban ym sheptieng lane khih jingmut. Ka jingbitar u Syiem Resin bad ki Syria jong u bad ka jong u Syiem Pekah kam long shuh kaba don jingma ban ïa ka tdem jong ki ar tylli ki shynraiñ dieng kiba don ding.

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

AMOS 4:11

“Nga la pynjot katto katne na phi kumba nga la pynjot ïa ka Sodom bad ka Gomorrah. Kito na phi kiba la lait im ki long kum ka dieng barhem ba la sei na ka ding. Katta ruh phim shym la wan phai pat sha nga,” ong U Trai.

SEKHARAÏAH 1:17

U angel u la bthah ruh ïa nga ban pynbna: “U Trai Badonbor Baroh u ong ba ki nongbah jong u kin manbha biang bad ba sa shisien pat un ïarap ïa ka Jerusalem bad kam ïa ka nongbah kum ka jong u hi.”

SEKHARAÏAH 2:12

Sa shisien pat ka Judah kan long ka nongkynti bakyrpang jong U Trai ha ka ri bakyntang jong u, bad ka Jerusalem kan long ka nongbah kaba u ieit tam na baroh.

MARKOS 1:25

U Jisu u la hukum ïa u mynsiem, “Sngap jar bad mihnoh na une u briew!”

MARKOS 9:25

U Jisu u la ïohi ba u paidbah u la nang kyntur ïa ki, kumta u la hukum ïa u mynsiem bymkhuid. “Mynsiem bakyllut bad bymnang kren,” u la ong, “Nga hukum ïa me ban mihnoh na u khynnah bad wat ju rung shuh hapoh jong u!”

LOUKAS 22:32

Hynrei nga la duwai na ka bynta jong me, ko Simon, ba ka jingngeit jong me kan ym duh noh. Bad haba me la wan phai pat sha nga, me dei ban pynkhlaiñ ïa ki hynmen ki para jong me.”

LOUKAS 4:35

U Jisu u la hukum ïa u mynsiem, “Sngap jar bad mihnoh na une u briew!” U mynsiem bymkhuid u la bret ïa uta u briew sha madan ha khmat jong ki, bad u la mihnoh na u, khlem pynmynsaw ei ei ïa u.

LOUKAS 9:42

Katba uta u khynnah u dang wan, u mynsiem bymman u la shoh pynkyllon ïa u sha madan bad u la bret ïa u ha ka jingkhie ring. U Jisu u la ai hukum ïa u mynsiem bymman, U la pynkhiah ïa uta u khynnah, bad U la ai pat ïa u ha u kpa jong u.

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

Ka Shithi U Paul Sha Ki Nong Rom 16:20

Bad U Blei, uba long ka tyllong jong ka jingsuk jong ngi, shen un pynlwet ïa u Soitan hapoh ki kjat jong phi. To ka jingaiei jong U Jisu uba U Trai jong ngi kan long lem bad phi.

Ka Shithi U Paul Sha Ki Nong Rom 8:33

Uei u ban mudui ïa kiba la jied jong U Blei? U Blei hi da lade u la pynbna ba ki long khlem pop!

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.

JUDAH 1:23

to pyllait im ïa kiwei, da kaba knieh kynthet ïa ki na ka ding; bad ïa kiwei pat, to isynei da ka jingsheptieng, hynrei to da isih ïa ki jaiñphong jong ki hi, kiba la bit tngit da ki jingkwah brai bapop.

JUDAH 1:9

Wat u Mikhael, u angel rangbah um shym la leh ïa kane. Ha ka jingïakajia jong u bad u Soitan, mynba ki la ïania shaphang uei u ban ïoh ïa ka met u Moses, u Mikhael um shym nud ban pynrem ïa u Soitan da ki ktien ban krenbeiñ, hynrei u la ong, “U Trai un da sneng ïa me!”

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”