SEKHARAÏAH 3:1 - Khasi CL Bible (BSI)

¹ Ha kawei pat ka jingïohipaw, U Trai u la pyn-i ha nga ïa u Joshua u rangbah lyngdoh uba ïeng ha khmat u angel jong U Trai. Bad hangta hajan jong u Joshua la ïeng u Soitan, uba la khreh ban wallam ka jingmudui pyrshah ïa u.

KA BAIBL

¹ Bad u la pyni ha nga ïa u Joshua u rangbah lyngdoh ba u ïeng ha khmat u angel U Trai, bad u Soitan u ïeng ha ka kti kamon jong u kum u nongïaleh pyrshah.

SEKHARAÏAH 3:1 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

JENESIS 48:16

To u angel uba la pyllait ïa nga na ka jingsniew baroh, un kyrkhu ïa ki! To ka kyrteng jong nga, bad ka jong ki kpa jong nga, u Abraham bad u Isaak, Kan ïai im lyngba kine ki khun! To kin don bun ki khun ki kti bad ki khun ki ksiew kiba bun!”

1 KHRONIKL 21:1

U Soitan u la kwah ban wallam jingjynjar ha ki paid Israel, kumta u la pynlong ïa u Dabid ban rai ban shim ka jingkheiñbriew.

2 KHRONIKL 29:11

Ko khun jong nga, wat pyntud shuh. Phi long kiba la jied da U Trai ban thang ki jingiwbih ïa u, bad ban ïalam ïa ki briew ha kaba mane ïa u.”

ESRA 10:18

Kane ka dei ka thup kyrteng jong ki rangbah kiba don ki tnga nongwei: Ki lyngdoh, ba la jer kyrteng da ki kur: Ka kur u Joshua bad ki para jong u, ki khun shynrang u Jehosadak: U Maaseïah, u Elieser, u Jarib bad u Gedalaïah. Ki kular ban pyllait noh ïa ki tnga jong ki, bad ki ai ïa u langbrot kum ka jingkñia ïa ki pop jong ki. Ka kur u Immer: U Hanani bad u Sebadaïah. Ka kur u Harim: u Maaseïah, u Elijah, u Shemaïah, u Jehiel bad u Ussaïah. Ka kur u Pashhur: u Elioenai, u Maaseïah, u Ishmael, u Nethanel, u Josabad bad u Elasah. Ki Lebi: U Josabad, u Shimei, u Kelaïah (ba la khot ruh Kelita), u Pethahaïah, u Judah bad u Elieser. Ki nongput nongtem: U Eliashib. Ki nongap phira ka Templ: U Shallum, u Telem bad u Uri. Kiwei pat: Ka kur u Parosh: u Ramaïah, u Issaïah, u Malkhijah, u Mijamin, u Eleaser, u Malkhijah bad u Benaïah.

ESRA 2:2

Ki nongïalam jong ki, ki long u Serubbabel, u Joshua, u Nehemaïah, u Seraïah, u Reelaïah, u Mordekai, u Bilshan, u Mispar, u Bigbai, u Rehum bad u Baanah. Kane ka dei ka thup kyrteng jong ki kur ki Israel, bad kito kiba dei na kawei kawei ka kur kaba wan phai na ka jingshah ringmraw:

ESRA 5:2

Haba u Serubbabel u khun jong u Shealtiel bad u Joshua u khun jong u Jehosadak ki la ïohsngew ïa ki khubor, ki sdang ban tei biang ïa ka Templ ha Jerusalem, bad ki ar ngut ki nongïathuhlypa ki ïarap ïa ki.

SALM 106:23

Haba U Blei u la ong ban pynjot ïa ki briew jong u, u shakri ba la jied jong u, u Moses, u la ïeng pyrshah ïa U Blei bad khang ïa ka jingbitar jong u na kaba pynjot noh ïa ki.

SALM 109:6

To jied ïa uno uno u nongbishar uba bamsap ban bishar ïa u nongshun jong nga, bad to ai ba uwei na ki nongshun jong u hi un pharep ïa u.

JEREMAÏAH 15:19

Ïa kane U Trai u la jubab, “Lada me wan phai, ngan shim pat ïa me, bad men long biang u shakri jong nga. Lada ha ka jaka ban kren khlem jingmut me pynbna ïa ka khubor ba don jingmut, men long biang u nongïathuhlypa jong nga. Ki briew kin wan phai pat sha me, bad mem donkam ban leit sha ki.

ESEKIEL 44:11

Ki lah ban shakri ïa nga ha ka Templ da kaba khmih ïa ki khyrdop bad ban trei ïa ka kam jong ka Templ. Ki lah ban pynïap ïa ki mrad kiba ki briew ki ai na ka bynta ki jingainguh thang bad ki jingkñia, bad kin don ha ka kam ban shakri ïa ki briew.

ESEKIEL 44:15

U Trai Nongsynshar u la ong, “Hynrei kito ki lyngdoh kiba dei na ka jait Lebi kiba hiarpateng na u Sadok pat, ki la shakri hok ïa nga ha ka Templ mynba kiwei pat ki paid Israel ki la phai noh na nga. Kumta mynta ki long ma ki, ki ban shakri ïa nga bad wan ha ka jingdon ryngkat jong nga ban ai ïa nga ka khleiñ bad ka snam jong ki jingkñia.

HAGGAI 1:1

Ha ka snem kaba ar kaba u Darius u long u patsha ka Persia, ha ka sngi kaba nyngkong jong u bnai uba hynriew, U Trai u la kren lyngba u Haggai u nongïathuhlypa. Ka khubor ka la long na ka bynta u lat ka Judah, u Serubbabel u khun jong u Shealtiel, bad na ka bynta u Rangbah Lyngdoh, u Joshua u khun jong u Jehosadak.

HAGGAI 1:12

Te u Serubbabel bad u Joshua bad ki briew baroh kiba la wan phai na ka jingshah ringmraw ha Babilonia, ki la leh ïa kaei kaba U Trai U Blei jong ki u la ong ïa ki ban leh. Ki la sheptieng bad ki la kohnguh ïa u Haggai u nongïathuhlypa, u nonglamktien jong U Trai.

HAGGAI 2:4

Hynrei mynta to wat duh jingkyrmen, mano mano ruh na phi. Leh la ka kam, naba nga long ryngkat bad phi.

SEKHARAÏAH 1:13

U Trai u la jubab ïa u angel da ki kyntien pyntngen,

SEKHARAÏAH 1:19

Nga la kylli ïa u angel uba la lah kren ha nga, “Aïu kine ki reng ki kit jingmut?” U la jubab, “Ki ïeng na ka bynta ki bor pyrthei kiba la pynsakma ïa ki briew jong ka Judah, ka Israel, bad ka Jerusalem.”

SEKHARAÏAH 1:9

Nga la kylli ïa u, “Ko rangbah, kine ki kulai ki mut aïu?” U la jubab “Ngan pyn-i ïa phi aïu ki kit jingmut.

SEKHARAÏAH 2:3

Nangta nga la ïohi ïa u angel uba la lah kren ha nga ba u jam sha khmat bad ba uwei pat u angel u la wan ban ïashem ïa u.

SEKHARAÏAH 3:8

Kumta to pynshahshkor, ko Joshua, me uba long u Rangbah Lyngdoh, to pynshahshkor, phi ki para lyngdoh jong u, ma phi kiba long ka dak jong ka lawei babha: Ngan pynpaw ïa la u shakri, ïa uba la khot U Tnat!

SEKHARAÏAH 4:14

Nangta u la ong, “Kine ki long ki ar ngut ki rangbah kiba U Blei u la jied bad pynsleh ba kin shakri ïa u, U Trai jong ka pyrthei baroh kawei.”

SEKHARAÏAH 6:11

To thaw ka pansngiat na ka rupa bad ka ksiar kaba ki la ai, bad buh ïa ka halor ka khlieh jong u Joshua, u Rangbah Lyngdoh u khun jong u Jehosadak.

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

LOUKAS 22:31

“Ko Simon, Simon! Sngap! U Soitan u la ïoh jingbit ban tynjuh ïa phi baroh, ban pynïakhlad ïa kaba bha na kaba sniew, kumba u nongrep u pynïakhlad ïa u kew na u stait.

DEUTERONOMI 10:8

Ha kata ka por U Trai u thung ïa ki rangbah kiba na ka jait Lebi ban sumar ïa ka Synduk ka Jutang, ban shakri ïa u kum ki lyngdoh, bad ban ai ïa ki jingkyrkhu ha ka kyrteng jong u. Kine ki dang dei ki kamram jong ki haduh mynta.

DEUTERONOMI 18:15

Un phah ha phi napdeng jong phi hi ïa u nongïathuhlypa uba kum ma nga, bad phi dei ban kohnguh ïa u.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

1 SAMUEL 6:20

Kumta ki rangbah na Beth Shemesh ki ïa-ong, “Uei uba lah ban ïeng ha khmat U Trai, une U Blei uba Khuid? Shano ngi lah ban phah ïa u ba un lait noh na ngi?”