SEKHARAÏAH 2:8 - Khasi CL Bible (BSI)

⁸ Uno uno uba shoh ïa phi u shoh ïa uta uba kordor eh ha nga.” Kumta U Trai Badonbor Baroh u la phah ïa nga lem bad kane ka khubor ïa ki jaitbynriew kiba la lute ïa ki briew jong u:

KA BAIBL

⁸ Naba kumne u ong U Trai ki paid: “Ban wad ïa ka burom, u la phah ïa nga ha kita ki jaid bynriew kiba la lute ïa phi: naba uta uba ktah ïa phi u ktah ïa i briew khmat jong u.

SEKHARAÏAH 2:8 ပူးပေါင်းရင်းမြစ်များ

JENESIS 20:6

U Blei u jubab ïa u ha kata ka jingphohsniew, “Ho-oid, nga tip ba me la leh ïa kane da ka jingïatiplem kaba sngur; kumta nga la khang ïa me ban leh pop pyrshah ïa nga, bad ngam shym la shah ïa me ban ktah ïa ka.

2 SYIEM 24:2

U Trai u phah ïa ki kynhun kieng atiar jong ka Babilonia, ka Syria, ka Moab, bad ka Ammon pyrshah ïa u Jehoïakim ban pynjot ïa ka Judah, kumba U Trai u la ong lyngba ki nongïathuhlypa ki shakri jong u ba un leh.

SALM 17:8

To ïada ïa nga kumba me leh ïa la ki jong ki khmat; buhrieh ïa nga ha ka jingkah ki thapniang jong me

PROBERB 7:2

Leh ïa kaei kaba nga ong, bad phin ïoh im. Da sumar bha ban bud ïa ki jinghikai jong nga kumba phi sumar ïa la ki khmat;

ISAÏAH 49:19

“Ïa ka ri jong pha la pynjot bad la iehnoh kynjah — hynrei mynta kan rit eh na ka bynta kito ki ban wan ban shong hangta. Bad ïa kito kiba la iehnoh ïa pha ha ka jingjot yn pynkynriah jngai na pha.

JEREMAÏAH 12:14

U Trai u ong, “Nga don ei ei ban ong shaphang ki paramarjan jong ka Israel kiba la pynjot ïa ka ri kaba nga la ai ha ki briew jong nga ki Israel. Ngan shim noh ïa kito ki briew bymman na ki ri jong ki kum ïa u jingthung ba la rat, bad ngan pyllait im ïa ka Judah na ki.

JEREMAÏAH 27:7

Baroh ki jaitbynriew kin shakri ïa u, bad kin shakri ïa u khun bad u khun ksiew jong u tad haduh ba ka por kan wan ïa ka hima jong u hi ban kyllon. Te ka jaitbynriew jong u kan shakri ïa ki jaitbynriew badonbor bad ïa ki syiem bakhraw.

ESEKIEL 25:12

U Trai Nongsynshar u la ong, “Ki paid ka Edom ki la pynhiarkput jubor halor ka Judah, bad kata ka jingpynhiarkput ka la wanrah ka jingpynrem baneh ha ka Edom.

ESEKIEL 25:15

U Trai Nongsynshar u la ong, “Ki Philistia ki la pynhiarkput jubor ïa ki nongshun ba la slem bha bad ki la pynjot ïa ki ha ka jingshun jong ki.

ESEKIEL 26:2

“Ko khun u briew,” u la ong, “kane ka long kaei kaba ki briew ha ka nongbah Tyros ki ïa sngewkmen. Ki pyrta, ‘Ka Jerusalem ka la pra! Ka bor khaïi pateng jong ka kam don shuh! Kan ym long shuh ka nongïaleh pyrshah jong ngi!’

ESEKIEL 26:20

Ngan phah ïa pha sha trai jong ka pyrthei kiba ïap ban pynïasoh bad ki briew kiba shong ha ki por mynbarim. Ngan pynlong ïa pha ba phan shong ha kata ka pyrthei kaba shapoh ka khyndew hapdeng ki jingjot bymjukut, ban ïadon lang bad kiba ïap. Namarkata phan ym lah shuh ban shong ban sah ha ka ri jong ki briew kiba im.

ESEKIEL 35:5

“Me la long u nongshun baïaineh ka Israel bad me shah ba ki briew jong ka kin shah pynïap ha ka por ka jingjynjar jong ka, ka por jong ka jingshah pynshitom bakhatduh namar ki pop jong ka.

ESEKIEL 36:11

Ngan pynroi ïa ki briew bad ïa ki jingri. Hangta phin nang kham roi ban ïa kaba long mynshuwa bad phin ïoh shibun ki khun ki kti. Ngan shah ïa phi ban shong hangta kumba phi la ju shong, bad ngan pynlong ïa phi ban kham man roi ban ïa kaba mynshuwa. Te phin sa tip ba nga long U Trai.

ESEKIEL 38:11

Men sa rai ban leit hiarthma ïa ka ri ka bym don jingïarap ha kaba ki briew ki ïashongsuk shongshngain ha ki shnong kiba khlem ker kynroh bad ki bym don jingker.

ESEKIEL 38:14

Kumta U Trai Nongsynshar u la phah ïa nga ban ïathuh ha u Gog ïa kaei kaba u ong ïa u: “Mynta katba ki Israel, ki briew jong nga ki dang shong ha ka jingsngewskhem,

AMOS 1:11

U Trai u ong, “Ki briew ka Edom ki la ïai leh pop, bad na ka bynta kane ngan pynshitom da shisha ïa ki. Ki la beh krad ïa la ki hynmen ki para, ïa ki Israel bad khlem da pyn-i jingisynei ïa ki. Ka jingbitar jong ki kam don pud bad kim shah ba kin ïap.

AMOS 1:13

U Trai u ong, “Ki briew ka Ammon ki la ïai leh pop, bad na ka bynta kane ngan pynshitom da shisha ïa ki. Ha ki thma jong ki ban pynïoh bun ki jaka, ki la puid wat ïa ki kynthei kiba punkhun ha Gilead.

AMOS 1:9

U Trai u ong, “Ki briew ka Tyros ki la ïai leh pop, bad na ka bynta kane ngan pynshitom da shisha ïa ki. Ki la ring ïa u paidbah baroh sha ka jinglongmraw ha ka ri ki Edom, bad kim shym bat ïa ka jutang ka jingïalong paralok ba ki la ïateh.

MIKAH 4:11

Ki jaitbynriew kiba bun ki la ïalumlang ban tur ïaleh ïa phi. Ki ong, “Ïa ka Jerusalem dei ban pynjot! Ngin ïohi ïa kane ka nongbah ha ki jingjot!”

MIKAH 5:6

Da ka borbah jong ki tiar thma kin jop ïa ki Assyria, ka ri jong u Nimrod, bad kin pyllait im ïa ngi na ki Assyria haba ki hiarthma ïa ka ri jong ngi.

MIKAH 7:10

Te ki nongshun jong ngi kin ïohi ïa kane bad kin shah pynjahburom — kijuh ki nongshun kiba la pynthut ïa ngi da kaba kylli, “Hangno U Trai U Blei jong phi u don?” Ngin ïohi ba ki la shahjop, shah ïuh kum ka ktieh ha ki lynti bah.

HABAKKUK 2:17

Phi la pynduh ïa ki khlaw ka Lebanon; mynta yn pyndkut ïa phi. Phi la pynïap ïa ki mrad ha ka; mynta ki mrad kin pyntriem ïa phi. Kane kan jia namar ki kam pynïap ba phi la leh bad namar ki kam leh jubor pyrshah ïa ki briew jong ka pyrthei bad ki nongbah jong ka.

HABAKKUK 2:8

Phi la thombor ïa ki briew jong ki hima kiba bun, hynrei mynta kito kiba la lait im kin thombor ïa phi namar ki kam pynïap briew ba phi la leh bad namar ki jingleh jubor jong phi pyrshah ïa ki briew jong ka pyrthei bad ki nongbah jong ka.

SEPHANAÏAH 2:8

U Trai Badonbor Baroh u ong, “Nga la ïohsngew ba ki briew jong ka Moab bad Ammon ki krenbeiñ bad ki pynsalia ïa ki briew jong nga, bad ki kren khraw ba kin kurup ïa ka ri jong ki.

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

SEKHARAÏAH 2:9

“U Trai da lade hi un ïaleh pyrshah ïa phi, bad ïa phi yn sa lute da ki briew kiba shisien ki la long ki shakri jong phi.” Haba kane ka jia, uwei uwei baroh un tip ba U Trai Badonbor Baroh u la phah ïa nga.

SEKHARAÏAH 8:5

Bad ki lynti bah kin dap pat da ki khynnah shynrang bad kynthei kiba ïalehkai.

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MATHAÏOS 25:45

U Syiem un jubab, ‘Nga ong ha phi, ha man ba phi kyntait ban ïarap ïa iwei na kine kiba rit tam, phi kyntait ban ïarap ïa nga.’

ÏOANNIS 14:26

Uta U Nongïarap, U Mynsiem Bakhuid, ïa uba U Kpa un phah ha ka kyrteng jong nga, un hikai ïa phi ïa kiei kiei baroh bad un pynkynmaw ïa baroh kaba nga la ïathuh ha phi.

ÏOANNIS 17:18

Nga la phah ïa ki sha ka pyrthei, kumba me la phah ïa nga sha ka pyrthei.

KI KAM 9:4

U la hap sha madan bad u la ïohsngew ïa ka sur kaba ong ha u, “Saul, Saul! Balei me pynshitom beiñ ïa nga?”

DEUTERONOMI 32:10

“U lap ïa ki ha ka ri shyiap ba ki ïaid sakma, ka ri shyiap kaba kynjah. Ïa ki u sumar bad u ker u da, kumba u ïada ïa lade.

2 THESSALONI 1:6

U Blei un leh ïa kaei kaba dei: Un wallam ka jingshah shitom ha kito kiba pynlong ïa phi ban shahshitom,

1 ÏOANNIS 4:14

Bad ngi la ïohi bad ïathuh ha kiwei ba U Kpa u la phah ïa la U Khun ban long U Nongpynim jong ka pyrthei.