SEKHARAÏAH 2:13 - Khasi CL Bible (BSI)

¹³ To pynjar jar, uwei pa uwei baroh, ha ka jingdon ryngkat jong U Trai, namar u wan na ka jaka shong kaba khuid jong u.

KA BAIBL

¹³ To sngap jar, ka doh baroh, ha khmat U Trai: naba u la khie na la ka jaka shong ka bakhuid.

SEKHARAÏAH 2:13 ပူးပေါင်းရင်းမြစ်များ

2 KHRONIKL 30:27

Ki lyngdoh bad ki Lebi ki la kyrpad ïa ka jingkyrkhu jong U Trai halor u paidbah. Ha ka ïing jong u ha bneng, U Blei u la ïohsngew ïa ki jingduwai jong ki bad u la pdiang ïa ki.

SALM 11:4

U Trai u don ha ka Templ bakhuid jong u; u don ka khet jong u ha bneng; u khmih ïa ki briew hangno hangno haba ki don, bad u tip ki ïaleh aïu.

SALM 46:10

“Sangeh ka jingïaleh,” u ong, “to tip ba nga long U Blei, uba ha khlieh duh hapdeng ki jaitbynriew, uba ha khlieh duh ha ka pyrthei baroh.”

SALM 68:5

U Blei, uba shong ha ka Templ bakyntang jong u, u sumar ïa ki khunswet bad u ïada ïa ki riewkynthei.

SALM 78:65

Ha kaba khatduh U Trai u la khie kumba na ka jingïohthiah; u la long kum u briew uba khlaiñ uba shongshit ha ka waiñ.

ISAÏAH 14:2

Bun ki jaitbynriew kin ïarap ïa ki paid Israel ban leit phai sha ka ri kaba U Trai u la ai ha ki, bad hangta ki jaitbynriew kin shakri ïa ki Israel kum ki mraw. Kito kiba shisien ki la kem ïa ki Israel mynta kin shah kem ha ki Israel, bad ki paid Israel kin synshar halor jong kito kiba shisien ki la banbeiñ ïa ki.

ISAÏAH 19:16

Ka por ka wan haba ki briew jong ka Ijipt kin long kiba khawpud kum ki kynthei. Kin khynñiuh ha ka jingsngewtriem haba ki ïohi ba U Trai Badonbor Baroh u la kner ïa la ka kti ban pynshitom ïa ki.

ISAÏAH 41:1

U Blei u ong, “To sngap jar bad to shahshkor ïa nga, phi ki ri sha jngai bah! To pynkhreh ban wanrah ïa ka jingmudui jong phi ha ka ïingbishar; phin ïoh ïa ka lad jong phi ban kren. To ngin ïawanlang ban rai mano ba dei.

ISAÏAH 51:9

A Trai to khie bad ïarap ïa ngi! Pyndonkam ïa la ka bor bad pynim ïa ngi; pyndonkam ïa ka kum ha ka por mynbarim. Dei ma me uba la ot lyngkhot lyngkhai ïa u Rahab u mrad duriaw bakynsha.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 57:5

Phi mane ïa ki blei pynkharoi da kaba ïathiah shongkha hapoh ki dieng bakyntang jong phi; phi ai ïa la ki khun kum ki jingkñia hapoh ki synrang mawsiang harud ki phud wahduid.

ISAÏAH 63:15

A Trai, to khmih ïa ngi na bneng, ha kaba me shong ha ka jingkhuid bad ka burom jong me. Hangno kata ka jingsngewkhia bakhraw jong me ïa ngi? Hangno kata ka bor jong me? Hangno kata ka jingieit bad ka jingsngewlem jong me? Wat leh bymsuidñiew ïa ngi.

JEREMAÏAH 25:30

“Ma me, ko Jeremaïah, me dei ban pynbna ïa baroh kaba nga la ong. Me dei ban ïathuh ha kine ki briew, “ ‘U Trai un kyrhuh na bneng, bad un kyrhuh pyrthat na ki bynta bajrong ka bneng; un sa kyrhuh pyrshah ïa la ki briew; un kyang kum u briew uba ïuh ïa ki sohwaiñ. Uwei pa uwei ha ka pyrthei un ïohsngew ïa u, bad ka jingsawa kan sawa shaduh kiba kut ka pyrthei.

HABAKKUK 2:20

U Trai u don ha ka Templ bakhuid jong u; to ai ba uwei pa uwei ha ka pyrthei un sngap jar ha khmat jong u.

SEPHANAÏAH 1:7

Ka sngi ka la jan haba U Trai un shong ha ka jingbishar; kumta to sngap jar ha ka jingdon ryngkat jong u. U Trai u pynkhreh ban kñia ïa ki briew jong u bad u la khot sngewbha ïa ki nongshun ban lute ïa ka Judah.

SEPHANAÏAH 2:9

Kumba shisha nga long U Trai uba im, U Blei jong ka Israel, nga smai ba ka Moab bad ka Ammon kin shah pynjot kum ka Sodom bad Gomorrah. Kin long ka jaka jong ki thliew mluh bad ki jingjot bymjukut, kaba la tap da ki ñiut. Kito na ki briew jong nga kiba lait im kin lute ïa ki bad shim ïa ka ri jong ki.”

SEPHANAÏAH 3:8

“Shu ap,” U Trai u ong. “Ap ïa ka sngi haba ngan ïeng ban pynrem ïa ki jaitbynriew. Nga la pynbeit ïa la ka jingmut ban lumlang ïa ki jaitbynriew bad ki hima khnang ban shah ïa ki ban sngew ïa ka bor ka jingbitar jong nga. Ïa ka pyrthei baroh kawei yn pynjot da ka ding ka jingbitar shla jong nga.

SEKHARAÏAH 4:9

U la ong, “U Serubbabel u la buh ïa ka nongrim jong ka Templ, bad un pyndep ïa ka jingtei. Haba kane ka jia, ki briew jong nga kin tip ba dei ma nga uba la phah ïa me sha ki.

SEKHARAÏAH 6:15

Ki rangbah kiba sah sha jngai bah kin wan bad ïarap ban tei pat ïa ka Templ jong U Trai. Bad haba la tei pat ïa ka, phin tip ba U Trai Badonbor Baroh u la phah ïa nga sha phi. Kane baroh kan jia lada phi kohnguh lut ïa ki hukum jong U Trai U Blei jong phi.

Ka Shithi U Paul Sha Ki Nong Rom 3:19

Mynta ngi tip ba kiei kiei baroh ha ka Hukum ki dei ïa kito kiba im hapoh ka Hukum, khnang ban pynsangeh ïa baroh ki jingaidaw jong ki briew bad wallam ïa ka pyrthei baroh kawei hapoh ka jingbishar U Blei.

Ka Shithi U Paul Sha Ki Nong Rom 9:20

Hynrei phi, phi long uei, ko paralok jong nga, ban jubab kylla ïa U Blei? U khiew khyndew um lah ban kylli ïa u briew uba la thaw ïa u, “Balei ba me thaw ïa nga kumne?”

DEUTERONOMI 18:21

“Phi lah ban lyngngoh kumno phi lah ban ong haba ka khubor u nongïathuhlypa kam shym wan na U Trai.

DEUTERONOMI 18:22

Lada u nongïathuhlypa u kren ha ka kyrteng U Trai bad kata kaba u kren kam shym urlong, kata kam dei ka khubor U Trai. Uta u nongïathuhlypa u la kren na lade hi, bad phim dei ban sheptieng ïa u.

DEUTERONOMI 26:15

To khmih nangto na ka jaka shong bakhuid jong me ha bneng bad kyrkhu ïa ki briew jong me, ki Israel, bad ïa kane ka ri kaba tuid da ka dud bad ka ngap ba me la ai ha ngi, kumba me la kular ha ki kpa tymmen jong ngi.’