SEKHARAÏAH 14:9 - Khasi CL Bible (BSI)

⁹ Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

KA BAIBL

⁹ Bad U Trai un long u syiem halor ka khyndew baroh: ha kata ka sngi, U Trai un long uwei, bad ka kyrteng jong u kawei.

SEKHARAÏAH 14:9 ပူးပေါင်းရင်းမြစ်များ

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

SALM 67:4

Ai ba ki jaitbynriew kin shadkmen bad rwai da ka jingkmen, namar me bishar ïa ki briew da ka jingbishar hok bad me kdew lynti ïa kawei pa kawei ka jaitbynriew ha ka pyrthei.

SALM 72:17

Ai ban ym klet da lei lei ïa ka kyrteng jong u syiem; ai ba ka nam jong u kan neh kumba neh ka sngi. Ai ba ki jaitbynriew baroh kin kyrpad ïa U Blei ban kyrkhu ïa ki kumba u la kyrkhu ïa u syiem.

SALM 86:9

Baroh ki jaitbynriew ba me la thaw kin wan bad dem ngon ha khmat jong me, kin ïaroh ïa ka jingkhraw jong me.

SALM 97:1

U Trai u long u syiem! Ko pyrthei, to lehkmen! To shadkmen, ko ki dewlynnong ha ki duriaw!

ISAÏAH 45:21

Ale bad ai ïa ka kam jong phi ha ka ïingbishar; ai ba ki nongïasaid kin ïasyllok uwei ïa uwei pat. Mano ba la ïathuhlypa slem mynshuwa kaei ban jia? Hato ym dei ma nga, U Trai, U Blei uba pynim ïa la ki briew? Ym don uwei pat U Blei.

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

DANIEL 7:27

Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

AMOS 9:12

Bad kumta ki briew ka Israel kin ïohknieh ïa kaei kaba dang sah jong ka ri Edom bad ïa ki jaitbynriew baroh kiba shisien ki long ki jong nga,” ong U Trai, u ban pynlong ïa kane ban jia.

OBADAÏAH 1:21

Ki rangbah nongjop jong ka Jerusalem kin tur ïaleh ïa ka Edom bad kin synshar halor jong ka. Bad U Trai da lade hi un long u Syiem.”

MIKAH 5:4

Haba u wan, un sa synshar ïa la ki briew da ka jingkhlaiñ kaba wan na U Trai bad da ka burom jong U Trai U Blei hi. Ki briew jong u kin shong ha ka jingshngain namar ki briew na kylleng ka pyrthei kin ithuh ïa ka jingkhraw jong u, bad un wanrah ïa ka jingsuk.

HABAKKUK 2:14

Hynrei ka pyrthei kan long ba la dap da ka jingtip ïa ka burom U Trai kumba ki duriaw ki dap da ka um.

SEPHANAÏAH 3:9

“Nangta ngan pynkylla ïa ki briew jong ki hima, bad kin duwai tang sha nga bad ym sha kiwei pat ki blei. Ki baroh kin kohnguh ïa nga.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MALAKHI 1:14

Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

DEUTERONOMI 6:4

“To sngap ko ki Israel! U Trai U Blei jong ngi u long tang ma u hi U Trai.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

1 SAMUEL 2:10

Ïa ki nongïaleh pyrshah ïa U Trai yn pynjot; kum u pyrthat na bneng un tied pyrshah ïa ki. U Trai un bishar ïa ka pyrthei baroh kawei; Un ai ka bor ha la u syiem, Un pynlong ïa u syiem ba la jied jong u ban ïoh ïa ka jingjop.”