SEKHARAÏAH 14:4 - Khasi CL Bible (BSI)

⁴ Ha kata ka por un ïeng halor u lum Olib, ha ka phang mihngi jong ka Jerusalem. Te ïa u lum Olib yn sa kad arliang na mihngi sha sepngi da ka them kaba khraw. Shiteng jong u lumbah un kynriah shaphang shatei bad shiteng jong u shaphang shathie.

KA BAIBL

⁴ Te ha kata ka sngi ki kjat jong u kin ïeng halor u lum Olib, uba ha pyrshah ka Jerusalem shaphang mihngi, bad u lum Olib un kad napdeng jong u shaphang mihngi bad shaphang sepngi, te kan don ka them kaba khraw; te shiliang u lum kan kynriah shaphang shatei, bad shiliang shaphang shathie.

SEKHARAÏAH 14:4 ပူးပေါင်းရင်းမြစ်များ

2 SAMUEL 15:30

Haba u Dabid u leit shalor u Lum ki Olib da kaba ïam; u ïaid da ka kjat suda bad u tap ïa la ka khlieh kum ka dak ka jingsngewsih. Baroh kiba bud ïa u ki la tap ïa la ki khlieh bad ki la ïam ruh.

ESEKIEL 11:23

Nangta ka jingshai batyngshaiñ ka iehnoh ïa ka nongbah bad ka la leit sha u lumbah ha ka phang mihngi jong ka.

ESEKIEL 38:20

Man la ka dohkha bad ka sim, man la ka mrad, barit bad baheh, bad man la u briew halor ka sla pyrthei kin khynñiuh da ka jingsheptieng ïa nga. Ki lumbah kin khyllem, ki riat kin twa, bad kawei pa kawei ka kynroh kan kyllon.

ESEKIEL 43:2

bad hangta nga la ïohi ba wan na shaphang mihngi ka jingshai ba-thaba jong ka jingdon U Blei ki Israel. Ka sur jong U Blei ka sawa kum ka jingkyrhuh ka duriaw, bad ka pyrthei ka phyrnai da ka jingshai ba-thaba.

HABAKKUK 3:6

Haba u sangeh, ka pyrthei ka khih; u tang shu peit, ki jaitbynriew ki kyiuh. Ki lumbah ba bymjukut ki khih; ki lumrit baneh junom ki ngam shapoh, ki lumrit ha kiba u ju ïaid ha ki por mynbarim.

SEKHARAÏAH 14:10

Ïa ka thain baroh kawei naduh Geba ha ka phang bashatei bad shaduh Rimmon ha ka phang bashathie, yn pynmadan. Ka Jerusalem kan ïeng halor ka ri sawdong jong ka; ka nongbah kan kot naduh ka Khyrdop Benjamin shaduh ka Khyrdop Kyndong, ha kaba la ju don ka khyrdop ba-mynshuwa, bad na u Mot Hananel sha ki jaka khñiot waiñ jong u syiem.

SEKHARAÏAH 14:7

lane kano kano ka jingdum. Kan ïai don borabor ka jingshai sngi, wat ha ka por mynmiet. Lano kane kan jia, tang U Trai uba tip.

SEKHARAÏAH 14:8

Haba kata ka sngi ka poi, ka um basngur kan tuid na Jerusalem, shiteng na ka sha ka Duriaw Baïap bad kawei pat ka shiteng sha ka duriaw Mediterranian. Kan tuid baroh shisnem, ha ka aïom ba-rkhiang bad ha ka aïom bajhieh.

SEKHARAÏAH 4:7

Ki jingjynthut kiba khraw kat ki lumbah kin jah noh ha khmat jong me. Men tei pat ïa ka Templ, bad katba me dang buh ïa u maw bakhatduh ha la ka jaka, ki briew kin pyrta ‘Kaba itynnat, kaba itynnat!’ ”

MARKOS 11:23

Nga ong skhem ha phi ba uno uno uba ong ha une u lum ban ïeng bad pynnoh ïa lade sha ka duriaw bad u bym don jingartatien ha ka dohnud jong u, hynrei ba u da ngeit ïa kaei kaba u ong kan long, yn leh na ka bynta jong u.