SEKHARAÏAH 14:3 - Khasi CL Bible (BSI)

³ Nangta U Trai un mih shabar bad un ïaleh pyrshah ïa kito ki hima, kumba u la ïaleh ha ki por ba la dep.

KA BAIBL

³ Ynda kumta, U Trai un mih, bad un ïaleh ïa kita ki jaid bynriew, kumba u la ïaleh ha kata ka sngi ka jingïaleh thma.

SEKHARAÏAH 14:3 ပူးပေါင်းရင်းမြစ်များ

2 KHRONIKL 20:15

U Jahasiel u ong, “Ko syiem bad baroh ma phi u paid Judah bad Jerusalem, U Trai u ong ba phim dei ban rit mynsiem ne sheptieng ban ïeng pyrshah ïa kane ka kynhun shipai ba bun paid. Ka thma ka shong ha U Blei, ym ha phi.

NEHEMAÏAH 4:14

Nga ïohi ba ki briew ki khuslai, kumta nga ong ha ki bad ha ki nongïalam bad ki rangbah synshar jong ki, “Wat sheptieng ïa ki nongshun jong ngi. Kynmaw kumno U Trai u long uba khraw bad uba shyrkhei, bad u ïaleh na ka bynta ki briew ka ri jong phi, ki khun jong phi, ki tnga jong phi, bad ki ïing jong phi.”

ISAÏAH 29:7

te baroh ki kynhun shipai jong ki hima kiba tur ïaleh ïa ka nongbah jong ka duwan U Blei, baroh ki tiar ïaleh jong ki bad ki tiar ki tar — baroh kiei kiei — kin jah noh kum ka jingphohsniew, kum kaei kaei ba la shu mutdur mynmiet.

JOEL 3:2

Ngan lumlang ïa baroh ki jaitbynriew bad wallam ïa ki sha ka Them jong ka Jingbishar. Hangta ngan bishar ïa ki na ka bynta baroh kaba ki la leh ïa ki briew jong nga. Ki la pynsakma ïa ki Israel sha ki ri nongwei bad ki la phiah ïa ka Israel, ka ri jong nga.

SEPHANAÏAH 3:19

Ka por ka poi! Ngan pynshitom ïa ki nongbanbeiñ jong pha; ngan pyllait im ïa baroh kiba dkoh bad ngan wallam sha ïing ïa kiba shah ringmraw. Ngan pynphai ïa ka jinglehrain jong ki sha ka jingdonburom, bad baroh ka pyrthei kan ïaroh ïa ki.

SEKHARAÏAH 12:9

Ha kata ka por ngan pynjot ïa kawei pa kawei ka hima kaba pyrshang ban tur ïaleh ïa ka Jerusalem.

JOSHUA 10:10

U Trai u la pynkulmar jingmut ïa ki Amor ha ka jingïohi ïa ka kynhun shipai Israel. Ki Israel ki pynïap ïa ki ha Gibeon bad ki la beh ïa ki arsut ïa ka khim lum ha Beth Horon, da kaba ïai ïaleh shaduh shaphang shathie ha Asekah bad Makkedah.

JOSHUA 10:14

Ym pat ju don mynno mynno, bad yn ym don lano lano, ba la don kum kata ka sngi, mynba U Trai u la shahshkor ïa u bynriew. U Trai u ïaleh ha ka liang ki Israel!

JOSHUA 10:42

U Joshua u la jop ïa kine ki syiem baroh bad ïa ka ri jong ki tang shisien ïaleh namar U Trai, U Blei ki Israel, u ïaleh na ka bynta ki Israel.