SEKHARAÏAH 13:9 - Khasi CL Bible (BSI)

⁹ Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

KA BAIBL

⁹ Te ngan ïalam ïa kata ka shi bynta lyngba ïa ka ding, bad ngan pynkhuid ïa ki kumba pynkhuid ïa ka rupa, bad ngan phrang ïa ki kumba phrang ïa ka ksiar: kin khot ïa ka kyrteng jong nga, bad ngan shahshkor ïa ki: nga ngan ong, ‘U long u paidbah jong nga’; ki ruh kin ong, ‘U Trai u long U Blei jong nga.’ ”

SEKHARAÏAH 13:9 ပူးပေါင်းရင်းမြစ်များ

2 SAMUEL 7:24

Me la pynlong ïa ki Israel, ki briew jong me hi junom, bad me, A Trai, me la long U Blei jong ki.

Ka Kitab U Job 23:10

Pynban U Blei u tip ïa ka jingjam baroh kaba nga shim; lada u tynjuh ïa nga, un shem ba nga long khuid.

Ka Kitab U Job 28:1

Ki don ki par ha kaba la tih ïa ka rupa; Ki don ki jaka ha kiba la saiñ ïa ka ksiar.

SALM 144:15

Suk kata ka hima ha kaba kane ka wan jia; suk kita ki briew kiba U Blei u long U Trai!

SALM 43:4

Te ngan leit sha ka duwan jong me, A Blei; me long ka thymmei jong ka jingkmen jong nga. Ngan tem ïa ka duitara jong nga bad rwai ka jingïaroh ïa me, A Blei, U Blei jong nga.

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

PROBERB 17:3

Ïa ka ksiar bad ïa ka rupa la phrang ha ka ding, bad ïa ka dohnud jong u briew la phrang da U Trai.

JINGRWAI SOLOMON 2:16

Uba ieit jong nga u dei u jong nga hi, bad nga dei ka jong u. U bsa ïa la ka kynhun langbrot hapdeng ki 'tiew lili

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

ISAÏAH 48:10

Nga la tynjuh ïa phi ha ka ding jong ka jingshah shitom, kum ka rupa ba saiñ ha ka lawar ding. Hynrei nga la shem ïa phi ba phi long ki bymdondor.

ISAÏAH 58:9

Haba phi duwai, ngan jubab ïa phi. Haba phin khot ïa nga ngan jubab. “Lada phi pynkut noh ïa ka jingbanbeiñ, na man la ka jingleh ibeiñ, bad na man la ka ktien sniew,

JEREMAÏAH 24:5

“Ma nga, U Trai, U Blei ki Israel, nga pyrkhat ba ki briew kiba la ringmraw sha Babilonia ki long kum kine ki soh Dumbur kiba bha, ngan lehbha ïa ki da ka jingsbun.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

JEREMAÏAH 32:38

Te kin long ki briew jong nga, bad ngan long U Blei jong ki.

ESEKIEL 11:20

Te kin sumar ïa ki aiñ jong nga bad kin kohnguh hok ïa ki hukum jong nga. Kin long ki briew jong nga bad ngan long U Blei jong ki.

ESEKIEL 14:11

Ngan leh ïa kane ban da ïa ki Israel na kaba klet noh ïa nga bad pynjakhlia ïa lade da ki pop jong ki. Ki dei ban long ki briew jong nga, bad ngan long U Blei jong ki.” U Trai Nongsynshar u la kren.

ESEKIEL 20:38

Ngan shim noh napdeng jong phi ïa kito kiba ïeng ïaleh pyrshah bad kiba dap da ka pop. Ngan shim noh ïa ki na ki ri ha kaba ki shong ki sah mynta, hynrei ngan ym shah ïa ki ban wan phai pat sha ka ri Israel. Te phin tip ba nga long U Trai.”

ESEKIEL 36:28

Te phin shong ha ka ri ba nga la ai ha ki kpa tymmen jong phi. Phin long ki briew jong nga bad ngan long U Blei jong phi.

ESEKIEL 37:27

Ngan shong hangta bad ki; ngan long U Blei jong ki, bad ki kin long ki briew jong nga.

DANIEL 11:35

Katto katne na kito ki nongïalam bastad kin shah pynïap, hynrei kaba mih na kane ka long ba yn pynkhuid ïa ki briew. Kane kan ïailong tad haduh ba kaba kut kan wan, ka por kaba U Blei u la buh.

DANIEL 12:10

Ïa kiba bun ki briew yn pynkhuid. Kito kiba bymman kin ym sngewthuh hynrei kin ïailong bymman; tang kito kiba stad kin shemphang.

JOEL 2:32

Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”

LEBITIKOS 26:12

Ngan long ryngkat bad phi; ngan long U Blei jong phi, bad phin long ki briew jong nga.

SEKHARAÏAH 10:6

“Ngan pynkhlaiñ ïa ki paid Judah; ngan pyllait im ïa ki paid Israel. Ngan don ka jingsngewsynei ïa ki bad ngan wallam pat ïa ki baroh sha ïing. Kin long kum kiba ngam pat ju kyntait ïa ki. Nga long U Trai U Blei jong ki; ngan jubab ïa ki jingduwai jong ki.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

SEKHARAÏAH 8:8

bad ngan wallam pat ïa ki na mihngi bad na sepngi ban shong ban sah ha Jerusalem. Kin long ki briew jong nga, bad ngan long U Blei jong ki, da kaba synshar ha ka jingïaineh bad ha ka jinglehhok.

KI KAM 2:21

Bad nangta, ïa uno uno uba khot kyrpad sha U Trai ban ïoh jingïarap yn pynim.’

HEBRU 8:10

Mynta, kane ka long ka jutang ïa kaba ngan pynlong bad ki paid Israel ha ki sngi ki ban wan, ong U Trai: Ngan buh ïa ki hukum jong nga ha ki jingmut jong ki, bad ngan thoh ïa ki ha ki dohnud jong ki; ngan long U Blei jong ki, bad ki kin long u paidlang jong nga.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

1 PETROS 4:12

Ko ki paralok ba-ieit jong nga, to wat sngewphylla ïa ka jingtynjuh ba-eh kaba phi shahshitom, kumba kiei kiei kiba khyllah ki wan jia ha phi.

JINGPYNPAW 21:7

Uno uno uba ïoh ïa ka jingjop un ïohpdiang ïa kane na nga: Ngan long U Blei jong u, bad un long u khun jong nga.

JINGPYNPAW 8:10

Nangta u angel uba lai u la put ïa la ka turoi. U khlur uba heh, uba meh kum ka dongmusa, u la hap na sahit bneng bad u la hap halor ka shi bynta na ka lai bynta jong ki wah bad halor ki pukri um.

JINGPYNPAW 8:11

(Ka kyrteng uta u khlur ka long “Ka Jingkthang.”) Shi bynta na ka lai bynta jong ka um ka la kylla kthang, bad bun ki briew ki la ïap na kaba dih ïa kane ka um, namar ka la kylla kthang.

JINGPYNPAW 8:12

Nangta u angel uba saw u la put ïa la ka turoi. Shi bynta na ka lai bynta jong ka sngi la shoh, bad shi bynta na ka lai bynta jong u bnai, bad shi bynta na ka lai bynta jong ki khlur, ba ka jingshai jong ki ka la jah noh shi bynta na ka lai bynta ka jingtyngshaiñ; ym shym la don jingshai ha ka shi bynta na ka lai bynta jong ka sngi bad ïa ka shi bynta na ka lai bynta jong ka miet.

JINGPYNPAW 8:7

U angel uba nyngkong u la put ïa la ka turoi. U phria bad ka ding, ba la khleh lang bad ka snam, ki la hap halor ka khyndew. Shi bynta na ka lai bynta jong ka khyndew la thang duh noh, shi bynta na ka lai bynta jong ki dieng, bad ïa baroh ki phlang bajyrngam.

JINGPYNPAW 8:8

Nangta u angel uba ar u la put ïa la ka turoi. Ïa kaei re kaei kaba i kum u lumbah uba khraw uba mehding la bret sha duriaw.

JINGPYNPAW 8:9

Shi bynta na ka lai bynta jong ka duriaw la pynkylla snam, shi bynta na ka lai bynta jong ki jingthaw ba-im ha ka duriaw ki la ïap, bad shi bynta na ka lai bynta jong ki lieng la shah pynjot.